حرب المحاوره بين شعراء الفطاحلة

[الطائر المهاجر]

من اللي ناوي حربه ورمحك قاصر بالدون= ولكن من سمع هرجك يقول الزير ابو طله
تجود خايف حصانك يغلوي بك ولابه عون = يجي مقرود مايرحم ويحلق شاربك كله

اشوفك بادي تخبط وفاحت ريحة الكربون=علومك ترتفع لا فوق ثم تجيك منصله
ابيك تروح لم الفحص ثم تفحص الصالون=تشوف ال ( FAIL )مكتوبه بخانات السجل كله

[ابو زياد]

سلام الله سلام الله على اللي لعبهم بالهون=يحسبون الزمن واقف وهو عنهم رحل وله
والى جاهم يشربكهم تقل رجالهم مسكون=تمكن به مية عفريت من اسبابك يابوطله

السلام عليكم بعد غيبه اجباريه
وله =ولى=ذهب=راح

[نجم الإبداع]

هلا يابو زياد العلم متغير وزاد جنون= اشوف النار مشتعله مابين افكار مفتله
سلامات افتقدناكم وغيبتكم بلا قانون = تعال اصلح وعدل وضعنا واحذر من الزله

[ابو زياد]

انا وانتم تضامنا عليه يرسخ القانون=نبيه يسير في درب الطلوع ويترك النزله
نبيه يعرف. لوانا بغينا نرقع الاوزون=نجيب الخيط والمخيط ومعه العلم ونشله

[نسناس الهوى]

يابن منشار علمهم ترى ابليس ذا ملعون = وكفوا عن محارشكم تراني لامح ٍ ظلّه
وهاتوا من قوافيكم وصوف الطيّب المزيون = ترى شعر الفطاحل ون يجي بالحيل هو فلّه
وذا اللي غاب عن داره ترى له بالحشا مضمون = وش اللي جاك ياغالي عسا خاطرك ما ملّه
ابيك تحدد اسبابك ترى من ضايقك مجنون = ونا والله مجنون ٍ لونّي كنت بك علّه

[نجم الإبداع]

هلا يامرحبا نسناس كل الي تشوف لحون = مرامي بين شيبان الفطاحل تبري العله
وسيعين الصدور ولا رميت احذر من المزيون= ابو طله ترى شغله نظيف قليله وجله

تحول يلعب الشطرنج وقعد في غرفته مسجون= كبر راسه علينا او مهوب الجو صافي له
ومن يعرف يخبرنا عن احواله نقول اشلون =نبي نعرف لسانه منعقد او صابته عله

[الطائر المهاجر]

انا مدري من المقصود ولكن بدفع العربون = وراهن في الحصان اللي يسمونه ابو طله
غدا يطامر ولا ينلام منهو في اسهمه مغبون = تعدى الخط قبل الخيل لكن ازلقت رجله

ترى المقصود طايرنا بنا عشه بوسط غصون=زعل منا وهاجرنا حسبنا ما نتشوق له
تراي اغليه بس انه عليه سكر الطبلون=ولا يدري وش العقبى يجي له يوم واقعد له