نفرق السووووم ....

[مبارك أبوظهير]

خالد الحمد




شهادتك وسام ..



وصح بدنك .. لاخليت منك .




شكرا لتشريفي .. ياالأصيل




غلاااااااااااااااااااي




م ن

[ابو أنس]

الفاضل مبارك ابو ظهير................
قلت فأبدعت في وصف حال بعض من يراد منه الخير ولكن طبيعته تعجزه وتظهر عَوَرَه
قصيدة مفعمة ملجمه
أما أنت فلا نراك إلا كما قلت.....

وحنا بفضـل منـزّل الطـور والـروم
........................للطيـب والنومـاس والمجـد عنـوان
مـع العـرب لنـا مواقيـف وعـلـوم
...........................ربـ ع ٍ لنـا وقفاتهـم تجلـي أحـزان

لك ودي وتحيتي

صح لسانك

جزلة وقوية

تحياتى



مشاعر

[داعي الشوق]

يالشاعر مبارك ابو ظهير
[blink] وصح لسانك [/blink]

ولا هنت يالغالي ،،،

[الصريح العتيبي]

يابو نايف
صح لسانك واعتلى شانك
ابيات جزله من شاعر جزل ومتمكن
في تطويع الشارد من المفردات
والمشكله اللي عليك راسه على الناس رجلينه
والضعيف مايستحق تهجاه
خل الدنفوس على دنفسته
دمت بهذا الشموخ
وفي الختام دام الجميع بخير

[سعيد الصاعدي]

الاخالفاضل/ مبارك أبوظهير
صح لسانك وعلى شانك
كفيت ووفيت
تقبل تحياتي وتقديري
أخــــوك
س / ص

[ماجد الزيد]

صح الله لسانك يابو ظهير اجدت
لاخاب حظّك يامبارك
الله يوفقك بالدارين

مبارك ابو ظهير

الله يعينكم مع ذا الانتخاباات

والعوض فالمقبلات ان شاءالله

صح لسانك

وبالتووووفيق

[النهج المختلف]

مبارك أبوظهير صح السانك ,,,,
قصيدة رائعة من شاعر جزل ومبدع ,,,,
والانتخابات مشاكلها كثير الله يعين ,,,,
ويحصل فيها خذلان وحسد من بعض الأصحاب ,,,,
وإنشاء لله نبارك لكم عن قريب ,,,,
تحياتي وتقديري لك يالغالي ,,,,

[محمد عبدالله البدراني]

المشاركة الأصلية كتبت بواسطة مبارك أبوظهير

وظلم ذوي القربى أشد مضاضة ً=على النفس من وقع الحسام المهند

*

من تداعيات الإنتخابات .. وإفرازاتها .. كانت هذه الكلمات .. حيث أفرزت لنا من هو عدونا وصديقنا


وقد كشفت عن بعض الرؤس التي وللأسف كانوا من الأقربين ..


*

لومانجحنا رقمنا يفرق السوم=واللي تحدانا عطيناه برهان
ماهمنا اللي يكثر الحيف واللوم=مانلتفت لفلان ولاّ لـْـفلنتان
عاداتنا والرزق بيدين قيوم=مانرتجي إلا رضى رب الأكوان
البارحه دارت هواجيس وهموم=ثارت بصدري مثل ثورات بركان
والقلب مما صار يا الربع مهموم= من عيلة ٍ جتنا من أقراب وإخوان
جونا بردا مخفي ورى حبة خشوم=عدوان مستترين بثياب صدقان
أقرب قرايبنا بدا يرمي سهوم=بدّوا عداوتهم وبان الردا بان
يبون طيحتنا وهم دايم الدوم=يسعون للتخريب في كل الأحيان
شلة ردا مابين خبل ٍ ومذموم=للدنفسه فيهم علامه ونيشان
وحنا بفضل منزّل الطور والروم=للطيب والنوماس والمجد عنوان
مع العرب لنا مواقيف وعلوم=ربع ٍ لنا وقفاتهم تجلي أحزان
أبدا بمن طيبه موثق ومختوم=من عزوتي ربعي هل الطيب ويلان
وشمر / ظفير / سهول / وفضول وبقوم=عتبان ومطير وخوالد وعجمان
وحرب ٍ لنا معهم بعد قسم معلوم=ماقصروا معنا طويلين الأيمان
وبني تميم مزبنة كل مضيوم=وبني عطيه والعوازم وقحطان
ولاأنسى الهواجر مع بني عبس ونعوم=وأهل الشمال اللي لهم قدر ٍ وشان
وسبيع لأظلم ليلنا صاروا نجوم=يازين فزعتهم اليا ثار دخان
أنا أشهد إني مرتكي لي على حزوم=كل القبايل والنعم دون نقصان
ناس ٍ تحامت دوننا كلها قروم=مابين مطنوخ ٍ ومابين طنيان
وأختم مدام إن الحكي صارمفهوم=بقول بيت ٍ قيل من غبر الأزمان
( ياحمود يظهر لك صديق ٍ من القوم=ويظهر من الربع الموالين عدوان )

*


مبارك نايف أبوظهير


ملاحظه :

البيت الأخير اللي إستشهدت فيه هو للشاعر الكبير : مفضي بن ولمان الأحمدي الحربي


*

العزيز الغالي الشاعر مبارك نايف ابو ظهير سلمه الله


الف الف الف مليووووووووووون صح السانك


ولاهنت يابو نايف بيض الله وجهك قصيده وافيه من وافي

والجزاله عادتك يالجزل


سلمت ودمت



تحياتي
مع اسمى ايات الشكر فائق الاحترام واطيب المنى رعاك الاله