مساجلة التحدي بحرفين فأكثر ومن بدعك

[منيع]

وراك تمضي عابسات الليالي**** والفجرلاحت به تباشير ورسوم
والعاقل اللي فاهم ن للتوالي ***** وماحاسب نفسه عن القيل واللوم

[الطائر المهاجر]

ل

وم الفتي لاقال بالصدق هرجه = من عاقل مثله تراها كبيره
مثله فلا بالفكر في يوم ترجه = خله الين ان الليالي تديره

[منيع]

رهم امورك كان باقي ذخيره***** واحسب حساب مايفرط صغيره
هذا وكل له امور وسريره ******* وكم حاجة تجني وراها جريره

[الطائر المهاجر]

رهان الفتي فيما مضى نقص بالفتى = ومن قال ذا جدي خسر في رهانه
ومن لافتهم واقعه صيفه مع الشتاء = ما ينفعه يوم الزرايع لسانه

[منيع]

نهيم بالدنيا والايام عجلات ***** ولاتسمع الاقيل مرحوم يافلان
ومن لاتزود باالامور الجميلات **** والله خساره فيه لفه بالكفان

[الطائر المهاجر]

ان عاش راسك لا تشوف العجايب = وتصفق بكفٍ كف من هول ماتشوف
تلقى عدوٍ صار ضمن الصحايب = وتلقى صحيبٍ صار لك مصدر الخوف

[منيع]

وفيت ياجزل العلوم الطرايف ***** ونيشان قافك ماتعدى ولاطاف
دنيا توريك العنا والكلايف ****** وتخلف ظنون اهل التجارب والاعراف

[نجم الإبداع]

رافق كريم الناس لو مامعه مال = الي تشوفه حزة الضيق والميل
هذي هي الدنيا كما لبس الاسمال = تعطي البخيل وينحرم كل حلحيل

[الطائر المهاجر]

يللي تعاتبني لقول الصراحه = هذا طبيعي لا تحاول عداله
لكن قلبي للرجاجيل واحه = مانيب من يزعل لهرج وجداله

[نجم الإبداع]

الهرج ماله بيننا جمركيات = جدال بين افكار ماجمركوها
اهل النفوس الصافيه والزكيات = مايحسبون لكل كلمه حكوها