الله من رجلٍ رجع بالشهاده

[داعي الشوق]

واللي رجع بالعلم شـاف القـراده

محدٍ درى به في سباق المجاهيـم

صح لسااااااانك

[عمر ال شيبي]

المشاركة الأصلية كتبت بواسطة الطائر المهاجر

الله من رجلٍ رجع بالشهاده = من بعد غربه غير من دون تعليم
استمتع بوقته وعاش بسعاده= واوصله ظهره فوق عال المراجيم
واللي رجع بالعلم شاف القراده= محدٍ درى به في سباق المجاهيم
دامه بليا ظهر خاسر جواده = ماعاد يسوى بسوقها لو ملاليم
يقطعك ياوقت الردى والبلاده= وش عاد باقي ما ظهر من تقاسيم
البوم سعره فوق تعلي مزاده =والحر من قهرك كظم لاهب الضيم
منتوف ريشه مثل نتف الجراده= من بعد طبخٍ في يدين المعازيم
لو هو شكى شاف البلى من ضداده= من كاسبٍ بالوقت عايش بتنعيم
ولو هو سكت حس الألم والوحاده= يروح ليله بين هم وتسجيم
يالله ياعالم خفايا عباده = ترفق بعبدٍ مر عمره بتلطيم
شق الطريق وما ذخر باجتهاده = حتى لقى التيار يلجمه تلجيم
يبيه يعلن طاعته وانقياده = مثله مثل غيره بدرب الخداديم
مايدري ان الحر صعبٍ قياده = بشيٍ يخالف مبدأه والمفاهيم
يدري بعمره لو يطول امتداده = في يوم يرحل ما يبي للمواثيم
فمن لازرع للخير يجني حصاده= عذاب ف الدنيا وبعد الخواتيم
فاصبر على دنياك لو هي نكاده= لابد تفرج بعد ليلٍ وتعتيم
بالصبر تبني ما تبي من اراده = كم من صبور فاز من بعد تحطيم

صح لسانك الجزل وله نعود

[ماهربخيت الجهني]

صح لسانك وعلا شانك مدد بلاعدد لله درك

قصيده جزله من شاعر جزل تقبل مروري

لك منى كل ود واحترام

[الـزلـزال]

عدنا لنرتوي من حروف شعرك
العذب الرائع
صح لسانك ملايين ملايين
ولك فائق تحياتي وتقديري

[عرق الماس]

جزلة من شاعر جزل.
لا هنت شاعرنا ..
تفبل مروري واحترامي

[بنت العز]

جزلة من راس جزل وشاعر مبدع
صح لسانك ولا هنت
يعطيك العافيه

[نفحات حساسة]

منتوف ريشه مثل نتف الجـراده

من بعد طبخٍ في يديـن المعازيـم

صح السانك..ولاهنت

لروعتها عوده واستمتاع

تحيتي..

[نفحات حساسة]

البوم سعره فـوق تعلـي مـزاده

والحر من قهرك كظم لاهب الضيم

صح السانك..ولاهنت

للتميز عوده

تحيتي..

[نجم الإبداع]

الله عليك يابو عبدالله

وصح لسانك الين ترضى

لاهنت

تقبل مروري

ونقديري

[الراقي]

صح لسانك على ما قدمت من ابداع

رائعه في معانيها

ولا هان بوحك الجميل