حرب المحاوره بين شعراء الفطاحلة

[نجم الإبداع]

ورى صاحبك ابو طله اشوف الموج يلعب به = رمى الحيد الصليب اظن هذا زود من حبه
اشوف ان الهجاء ذاالليل جائز في هوى النخبه= هذا شعر الفطاحل وان بغيته يقلع اقلاعي

[الطائر المهاجر]

ترى بعض البدو اشفق من اللي هاوي سبابه = وهو سوسه ولو جده اصيل يحسب حسابه
انا الشرهه عليّ ان جيت يمّ اللي قفل بابه= واذا تبغى الشعر شعر الفطاحل يقلع اقلاعي

[نجم الإبداع]

تريث ياخويي دام دهرك كشر انيابه = تحمل مايجيك اليوم من غطفان وشبابه
واشوف الناس تحذر منك كنك صرت دبابه= جرى شعر الفطاحل وان بغيته يقلع اقلاعي

[ابو أنس]

المشاركة الأصلية كتبت بواسطة المشرف العام

الا جعل الحريّق يحترق ويشب به نخله = مدامه مرثٍ من لاعرفنا تيس او صخله
حطيئة في زمانه بالهجاء والمدح يابخله= وترى شعر الفطاحل لابغيته يقلع اقلاعي

حشا لله ياستاذي ترا ذا الدار دار اجواد=اهلها من قديم الوقت مافيهم ابد نقّاد
وابو طله له اسم ورسم ثبّت ذا الحكي باسناد=وسمّعنا الشعر شعر الفطاحل مقلع اقلاعي

[منيع]

المشاركة الأصلية كتبت بواسطة فلاح بن منشار

حرام الرحمه زينه يامنيع العود تشخط به = ترى الشايب تجهز لك ببندق من ابو ركبه
قديم الشغل ياصاحب الا يالله من النشبه = تفك اصحابنا شعر الفطاحل مقلع اقلاعي

يافلاح افلح خل عثمان في دربه=لاتحرضني ترى الدم ياصل الركبه
طلقة في راس ابوطله والمهاجربزهبه=وترى شعر الفطاحل لابغيته يقلع اقلاعي

[الطائر المهاجر]

جعل راسك يثور يا للذي لابد من شكبه = منيع راس هالحيه الا يامصدر النكبه
تشب فالشيح بببنزينك ولاوقفت من سكبه= وترى شعر الفطاحل لابغيته يقلع اقلاعي

[منيع]

المشاركة الأصلية كتبت بواسطة المشرف العام

جعل راسك يثور يا للذي لابد من شكبه = منيع راس هالحيه الا يامصدر النكبه
تشب فالشيح بببنزينك ولاوقفت من سكبه= وترى شعر الفطاحل لابغيته يقلع اقلاعي

من عرفتك وراسي دايش وصابته ضربه=مدري مشعوذ يامال ابليس غاويك في دربه
حتى دعاويك يابير امقيط لارحمه ولاذربه= وترى الشيطاين والفطاحل عنك تقلع اقلاعي

[الطائر المهاجر]

لاتخاف الدعاوي فدعوى الشعر مقتلبه = تنقلب بالمعاني ما بها شر ولا طلبه
لاتوسوس تسلم مثل من حس بالغلبه = وترى شعر الفطاحل لابغيته يقلع اقلاعي

[منيع]

دعوتك يارفيقي على قلبي عسل ورتعبه=مير هذا مزوح وبين الاحباب لانشبه
تسقط كل الاداب وكاس الود نشربه=وترى شعر الفطاحل لابغيته يقلع اقلاعي

[ابو زياد]

الا يالله ياكافي تنجينا من الخافي=اشوف الموج ذالليله يكسّر كل مجدافي
ومن منكم ضرب درب فلا له عنه منكافي=الين انه يوقع به قصيد مقلع اقلاعي

اثاريكم مبعدين الله يكفينا الشر
مهوب قصيد ذا راااااااااااااااالي