حفرت قبري ياهل العرف بيدي

[عمر ال شيبي]

صح لسانك ملايين ملايين
ولك فائق تحياتي وتقديري

[عبدالعزيز البليهد]

شاعر المفردات الجميله صح قلبك وسلامتك يالطربه

[بنت العز]

قصيده رائعه
تسلم لاهنت
تحياتي

[بنت العز]

صح لسانك وعلا شانك
يعطيك العافيه
تحياتي

[عرق الماس]

المشاركة الأصلية كتبت بواسطة احمد الجريفاني

طلبت عين الشمس عودٍ من الضـي=
في حلكة الظلمـاء يولِّـع سراجـي =
قالت لي ابشر ثم غابت عـن الحـي=
وانا لعين الشمـس مازلـت راجـي =
لا مر عـامٍ قلـت ابنتظـره شـوي=
ياعـل صبـري ينتهـي بانفراجـي =
عشرين عام انطر ولا شفت انا شي=
غير الظـلام وحيرتـي واحتياجـي =
عشرين عام ومهجتي جرحها نـيء=
اكابـد الحسـرات شربـي هماجـي =
الناس قالت وشلـك بطـرد مقفـي=
ماطعتهم و اليـوم صعـبٍ خراجـي =
حكَّمت قلبي واثري القلـب مخطـي=
الفـوت فـات ولا يفيـد احتجاجـي =
حفرت قبري ياهـل العـرف بيـدي=
يوم اتبـع المقفـي لمـوتٍ مفاجـي =
رحت ابي اعالج قالوا الجرح مبطـي=
العالـم الله كآنـك انسـان نـاجـي =
وبدأ يبيع اليـاس فينـي ويشـري=
وضاقت يعيني واسعـات الفجاجـي =
وجيت ابي اقوم وعيّت الرجل تمشي=
كني سجيـنٍ حـال دونـه سياجـي =
وامسى نديمي كسرة سـراج مطفـي=
لاليلي انصفنـي ولا الصبـح باجـي =
عزاه مـن خـلٍ ذبحنـي واناحـي=
سكناي الأرض وهو سكن برج عاجي =
حسيبك الله كآنـك اسرفـت بالغـي=
كيف العزيز يصير برضـاك لاجـي =
ياما دعيتك ريـم وخشيـف وظبـي=
ولا هقيـت انـك تعكّـر مـزآجـي =
تركتني فـي قاعـة البيـر مرمـي=
ولعبت بي لعـب الطفـل بالعياجـي =
آخـر عـلاج العلـه الخافيـه كـي=
كويتنـي واخفيـت عنـي علاجـي=

حضرة الأستاذ الشاعر أحمد...

الحقيقة مررت بيت حروفك المنثورة كالباقة المزهرة

وحاولت فهم معاني مفرداتها...

لكن سؤال لو سمحت ..

هل تقصد بكلامك أنك تنتظر عودة وليفك من 20 عام؟؟

ولا أنا مافهمت القصيد...؟

على كل أبيات جميلة يملؤها الإحساس المرهف..

تسلم يدك ياالعزيز..