انا من كثر صدمات الزمان(بالصوت)

[الطائر المهاجر]

شكرا العقيدي
على كريم المتابعه
لاهنت
اطيب التحيه

[عبدالله الشويمان]

المشاركة الأصلية كتبت بواسطة الطائر المهاجر

انا من كثر لوعات الزمان ولعبة الاقدار= تعلّمت الصبر واهمل جراح القلب وطعونه
ولكنّي انا انسـان بشر يتحمّـل ابمقدار= ماني مثل الجمل لازادت احموله يجرونه
اطيح جدار متواسي ولكن ما يثير اغبار = صويب ولا نزف جرحه ولا يدرا بمكنونه
تعالي فالشعر حاضر عطيني سيفي البتّار= ابضرب فلقوافي درب يسلّي القلب بفنونه
ابرسم حبنا العذري على القمرى على الانهار= وابرسم كل صرخات الجنين بلحظة جنونه
واحط بآخر الصوره علامه تنهي المشوار= انا مالي على الاقدار سجين وتاهت سجونه
رضيت اللي انقسم يارب بما تامر وما تختار= جدار وطاح متواسي ولادري كيف يبنونه
صحيح الجسم في لحظه يجيه الموت كالاعصار= وتجيه امراض تستعصي على منهم يداوونه
ولـو فكّرت بالنسيان يجي ما هيّض الاكدار = مثـل رمحٍ زرق جوفي وطار الليل وسكونه
سجينة قلبي وين القـاك تركتيني بلا انذار = وانا المسجون في قلبك اطالع من يمرونه
هـلا بك عد ما هـلّ الهلال وصاموا الاخيار= هلا بك عد ما عشتي مع النبضات مسجونه
احبـّك لا تلـوميني احبّك يعلم الجبّار = على بعدك على قربك على عبرات مدفونه
تعـالي يجتمع طيفي مع طيفك على التذكار= نغنّي في الهوى ساعه وننسى الوقت ومجونه
تعـالي كـود نتسلل ونزرع في الظلام اقمار = ونسمع همسة النجمه تناجي البدر مفتونه
انا ويّـاك والفرقى تخاوينا على المشوار= ندوّر فجر واشراقه بليلٍ خابت ظنونه
ولكن كيف نلقـاها وهذا الجـوّ زاد اغبار= ماعاد نشوف برق الحب ولا ندري عن مزونه
حبيبي والهوى بحري وانا المركب بلا بحّار= ترى موجك يحطمني ويهدّ الحب وحصونه

صح لسانك يا دكتور واعتلا شانك.
والدنيا ما عليها مستريح

[الطائر المهاجر]

شكرا ابو بدر
على كريم المتابعه
لاهنت
اطيب التحيه

[الطامي]

صح السانك
صوت وأبيات من القلب
حسبي الله عليهم ان حبو ضيعونا
وان إكرهو ضيعونا
يالله تخارجنا

[الطائر المهاجر]

شكرا الطامي
على كريم المتابعه
لاهنت
اطيب التحيه