اناشوف الفطاحل كلهم

[صنداح الزلامى]

تجمعتو سوى مثل الوحوش ورحتو تعاوون = لكم شره كبيرة بالبحر تبي تمصونه
ابا استثني ولد منشار رجال كما الطاحون = كما الطاحون للشعار وانتم ماتحبونه

[الطائر المهاجر]

انا خابرك يومنك رضيع وما بديت سنون= على رضاعتك تشفي واخيك بازر عيونه
لقطها منك يوم انه من اللي جاري مغبون= رضيع كنت متدلل وهم ما هم يجبونه

[عبدالعزيز العمار]

مجرد مداخله

شرار ٍ قد قدحته يالزلامي والملا يدرون=تحمّل مايجي لك من شرار الشعر وجنونه
إلى منـّك قدحت النار فلاتامن من المضمون=حلات الشعر في فن الكلام وروعة فنونه

[صنداح الزلامى]

عبد العزيز بن سعد بن عمار

صح لسااااااااااانك كلام جميل من شاعر كبير

اسمع اسمع يابو سعد

انا بنشدك ياعبد العزيز وربعنا يوحون = فطاحلنا يجرون القلص ولايدفونه
هذا وانته من اللي يعرفون العلم ويعرفون = ابو عثمان مازود عليهم كيلة التونه

[صنداح الزلامى]

المشاركة الأصلية كتبت بواسطة الطائر المهاجر

انا خابرك يومنك رضيع وما بديت سنون= على رضاعتك تشفي واخيك بازر عيونه
لقط منك يوم انه من اللي جاري مغبون= رضيع كنت متدلل وهم ما هم يجبونه

وانا خابرك داخلك الكبر تمشي على الحاجون =مثل ذاك الكبير اللي يدف الضلع بقرونه
تميمي لو يجي في عزوتك من صيفتك عشرون = جبل سنجار يمكن يالتميميه تشيلونه

[ماجد الراشد الهيري]

خلاص أسلم من البايع أذا ودك تبا يشرون
وهرج الشعر لو طالك تجيك الحان دلعونه

واذا ما كفتّك أصبـــر وشغل فتحة الغليون
مداه اليوم لو ياصل على الاجواء مشحونه

[عبدالعزيز العمار]

المشاركة الأصلية كتبت بواسطة صنداح الزلامى

عبد العزيز بن سعد بن عمار

صح لسااااااااااانك كلام جميل من شاعر كبير

اسمع اسمع يابو سعد

انا بنشدك ياعبد العزيز وربعنا يوحون = فطاحلنا يجرون القلص ولايدفونه
هذا وانته من اللي يعرفون العلم ويعرفون = ابو عثمان مازود عليهم كيلة التونه

استلم

إلى منك بغيت العلم وانت العالم المجنون=تلاقي من يجاري فنك الي هم يحبونه
وترى بعض العرب دايم يشب النار بالغليون=واظنك فاهم ٍ قصدي وتدري وش هو مضمونه

[صنداح الزلامى]

لاعلك ماتهون ومن يبي هونك عساه يهون = لكن الحق ياالشيخ الفطاحل مايعدونه
هذا يمناي للي مثلكم مديتها وامون = اذ فيه احد يعط الحق علمي ذاااه مادونه

[الطائر المهاجر]

انا اعطي الحق ياصنداح وفي قوله انا ممنون- حكمنا لك وعليك الحكم باوامر عود مصيونه
تشيل الحق دام انك خطيت وتدفع العربون= وترسل حاشيٍ املح وتدفع كامل ثمونه

[عبدالعزيز العمار]

المشاركة الأصلية كتبت بواسطة صنداح الزلامى

لاعلك ماتهون ومن يبي هونك عساه يهون = لكن الحق ياالشيخ الفطاحل مايعدونه
هذا يمناي للي مثلكم مديتها وامون = اذ فيه احد يعط الحق علمي ذاااه مادونه

صح لسانك ولاهان راسك يالزلامي ... استلم

حقوقك دايم ٍ محفوظة ٍ عندي وانا الممنون=واذا لك حق ياراعي الوفا لازم يوفـّونه
ترى دار الفطاحل دايم ٍ فيها العقل موزون=بميزان الحقوق اللي على الشعّار موزونه