ذاك وجده وجد حالي ..!!

[منيع احمد القرني]

صح لسانك
ابيات غايه في الابداع
وغايه في الروعه

أهلا بك أخي

وبالفعل الشعر الصادق مراءة لصاحبة


مرورك شرفني

[عايض المقاطي]

عيد الماجد



صح بدنك ولا هنت ,,

[ماجد الزيد]

المشاركة الأصلية كتبت بواسطة عايض المقاطي

متواضعه أخرى أضعها أمامكم


والمكسب


أن


تنال الرضى

,,

الهنوف اللي هواها تل قلبي من محله=وا عذابي كل ما ذعذع مع الغربي هواها
اتقلب كن قلبي فالحشا من فوق مله=وارقب سهيل اليماني والثريا في سماها
والشريط اللي طويته أرجع لعقده وافله=وآتذكر منتهاها ,,وآتذكر مبتداها
وآتذكر قلبي اللي حبها فالوقت تله=تل دلو تله اللي عثرته محد "ن" قواها
وابتدي ليل التوجد ساهره ع الكوع كله=والذياب اللى في صدري تبرز الناب لعشاها
ياوجودي وجد من هو مر وقته ما فطن له=لين شاف الشيب ينهش لحيته من منتهاها
وكنه اللي من بعدها مونس فالكبد عله=وا عذابه لا بلعها وا عذابه لا رماها
ويوم فتش في حواله ما لقى شي يشله=غير خاتم زوجة له مرها الموت وخذاها
وبعد ما فكر ودبر وانتهض والدمع بله=ساق رجله يم بيته ..والعلوم اللي نواها
قال أبا أهدي خاتم أم البنت للي ما تمله=بنته اللي شوفها يبري من العله دواها
ويوم حطت رحلته عقب العنا في وسط حله=لد عينه في محله ..والبنيه ما لقاها
وفز قلبه يوم شافت عينه أم الدمع دله=منتثر ماها,, وشاف الدم الأحمر من علاها
وقامت كبار الطواري تزهمه ويقول لله=ثم لله يالصدوف اللي تمادت في خطاها
ولا درى غير السكيب اللي خده يهله=من صواديف الزمان اللي على راسه ثناها
وشاف حول الضلع الابرق من ورا المسيال ثله=من طيور الجو حامت ,, قال أبا اقرب ياعساها.. !!
ويوم جاها شاف شي يخلف ظهور الأهله=شاف بنته والذياب الست تنهش في حشاها
قال أبا أقرب مار شي فأول الممشى حصل له=عظته أم النياب اللي تنوخ من وطاها
ثم طاح وطيحته من دونها صوت وصل له=المصايب ما تسوق الا المصايب في قفاها
ذاك وجده وجد حالي من عقب فقد المدله=الهنوف اللي حلاها كيف أبا اوصف حلاها
خدها والسيف الأحدب والعيون المستظله=جيدها والخصر الأطرق والجديل اللي كساها
قدها والكف الأخظب والثنين المسفهله=والنهد والشفه اللي يروي الضميان ماها
حدها والبطن الانحل ,, والعقل ما جاه خله=غير من هبد الردوف اللي تسحبها وراها
صورة سبحانه اللي خصها بالزين جله=يوم دقه خصها به واحد "ن" جله عطاها
اتعبتني واجرحتني ,, واوردتني للمذله=للمذله في هواها ياعسى اللايم فداها
نعنبوها كيف قلبي وسط جوفي تستحله=لين صارت تامر وتنهى علاه ولا عصاها
لا أقبلت كن المشاعر تزبنه وتقول بالله=أرفق بحال الصويب ولا تلحقها مداها
ولا أدبرت يانعنبوها كنها تطلبك شله=يالعل الصوت نار فالحشا يرخي سناها
قصة محد "ن" عرفها بين خل وبين خله=لو درى عنها الملوح كان لاحفاده حكاها
مار أبوها علموه بحالة العاشق لعله=يمنعه,, ولا يسنن للصلاه اللي قضاها
أو ترى عايض بعدها ياهل المعروف دله=مثل من هو لا بغا يكحل محاجرها عماها

من الجمال عند حضور الجمال ان يتجمل الصمت

[عايض المقاطي]

الخريف الحزين ابراهيم عبدالحميد



ياحي والله هالمرور





..

[سعيد الصاعدي]

الاخ الفاضل/ عايض المقاطي
صح لسانك ولاهنت
نص شعري راقي جدااا
بيض الله وجهك
تقبل تحياتي

[الطائر المهاجر]

هذه القصيدة رشحت ضمن القصائد الكتميزه لهذا الأسبوع

الف مبروك أخي الفاضل
مع أطيب تحياتي

[أبو رائد]

صح لسانك ..ولا هنت

جديرة بكل تميز ...

دمت بكل السعادة والابداع

تحياتي

ابو رائد

[عبدالعزيز العمار]

الغالي عايض المقاطي...//

صح لسانك وقلبك وفكرك وكلك...

قصيدة جزلة من راس جزل لاهنت..

تقبل خالص تحياتي..

[ابو أنس]

لفاضل عايض المقاطي....................... ...
ابداع الى حد الإمتاع
جمال طرح .وتسلسل سياق.ورصف مبدع للألفاض
وسبك محكم للمعنى
أقمت هنا لجمال النص وجودته
وسعدت بمصافحتك
لك كل الشكر