البارحه ماقدرت ارضيك .. جديدي لكم ..

[حي الضمير]

ابدعت بارك الله فيك
ومليااااار صح لسااااانك

[محمد العسكر]

الله الله يا ناصر

وش خليت فينا

وربي انك هرم شعري


الله يحفظك يا رب

المشاركة الأصلية كتبت بواسطة منيع

حضور شعري مميز ورائع
بارك الله فيكم
تحياتي وتقديري

حيا الله ابو حمد ..

اول البركات حضورك وتشريفك للنص لاهنت ..

ولك من الاحترام مايليق بمقامك ..

دمت بخير ,,,,

المشاركة الأصلية كتبت بواسطة ابو أنس

الفاضل ناصر القزلان...................
عودا احمدا
ونشاط متجدد
قصيدة جميلة ومفعمة وافية السبك والحبك
ممتعة للقارء
سعدت بالتواصل معك وبقراءة نصك
تجيتي وودي

الغالي البناخي .. ابو انس ..

ياحي الله هالوجه .. غالي يابو انس يعلم الله وسعدت اكثر بتشريفك وتعليقك ..

مادري ابو زياد وصل لك السلام والا ....

شكرا يابو انس ولاهنت يابعدي ..

تقبل كل الود والكثير من التقدير ,,,,

المشاركة الأصلية كتبت بواسطة داعي الشوق

صح لسانك يالشاعر ناصر

طرق جميل و معاني جميلة

كما أنت دائما

( لو إنك وديتنا دارفور )

صح لسانك مدد بلا عدد

تحيتي لك

يامرحبا ياسعود الف ..

صح بدنك ولاهان راسك على الحضور والتعليق الجميل ..

قضيتي شبيهه بقضية البشير مع فارق التوقيت والملابسات ..

لاهنت ياداعي الشوق ..

دمت بخير يالغالي ,,,

المشاركة الأصلية كتبت بواسطة الطامي

افـرش لـك العيـن سجـاده لانــك مــلاك=ابيـك تمـشـي عليـهـا ياسـمـو الامـيـر
والقاك بالـورد وارسـم شرهتـي مـن وفـاك=واخلـي القلـب يمـك قبـل اشـوفـك يطـيـر

القزلان
صح الاسنك ملايين
هالبيتين تنكفيني انا
جزلة من جزل
لاهنت اخي

هلا بالطامي وال مره كلهم وانت خير من يمثلهم يامنصور ..

اللي يعجبك هو المبارك وكلي فخر بشهادتك الغاليه ..

صح بدنك وبيض الله وجهك ..

لك الود والاحترام يالطامي ,,,

المشاركة الأصلية كتبت بواسطة سناعيس

الله الله ياشاعرنا الكبير ناصر القزلان
صح لسانك يابو محمد ولله درك
جزله ولاهي غريبه عليك فأنت من عودنا على الجزاله

لاهنت
وبالنسبه للملف الصوتي غير شغال

تحياتي

ياهلا وغلا يابعدي يابومحمد ..

ماعليك زود ياسليمان وهذا من طيبك وحسن ذوقك ..

شكرا على لفت الانتباه للملف الصوتي وتم التعديل والف شكر لك ..

تقبل كل الود لاعدمتك ,,,,

المشاركة الأصلية كتبت بواسطة صعبة المنال

ثلاثـة ايمـان منـي لانتظـر فــي رجــاك
يمكـن تراجـع حسابـاتـك بـعـد تستشـيـر

الله الله الله

وانا اقولها 3 مرات

صح لسااااااااااانك مدد بلا عدد

صعوووب

اهلا بالرياضيات والصعوبه كلها ..

مرور شرفني بجد فتذكرت ليلى والسنين الخواليا ..

الله لايهينك ياصعووووب وكلي فخر بمرروك الكريم ..

الف الف شكر وسلام لك ِ ,,,,

المشاركة الأصلية كتبت بواسطة حوريه

والشوق يفـرض وجـوده فـي منابـت حـلاك
ياكبـرهـا عـنـد ربــي صـدتـك ياكبـيـر


عزف جميل على وتر الأبدااااع والأمتااااع


صح قلبك يااااناصر


ويسلم حرفك


.

مرحبا ياحوريه ..

حياك الله يالحاتميه وبيض الله وجهك عالمرور والتعليق المميز ..

كلي فخر أن ينال هذا النص رضاك ياحوريه ..

الف الف شكر لهذا الحضور الرائع ,,,,,

المشاركة الأصلية كتبت بواسطة عبدالرحمن بن زهير

ناصر عزالله انك جزل ومميز وعلى فكره قصيدة "ودي ولكن كيف تحقيق ودي" وصلتني رساله بجوال قبل 5 او 6 سنوات من احد الاخوان ومن جزالتها رديت عليها ما اذكر الرد لكن الرجال ماهو شاعر يبدوا ان الابيات انتشرت من زمان....عموما اخيرا لقيت صاحب القصيده وعساك على القوه....

تحياتي...

حياك الله يابن زهير ..

تشرفت بالتعرف عليك ولاعليك زود يالغالي ..

قصيدة " ودي " عمرها يقارب العشرين عام وانتشرت كثيرا مع دخول عالم النت ..

شكرا لمرورك الراقي ومشاركتك الجميله ..

لاهنت يالغالي ,,,,