يالهواوي بيك ياناصر او هي بينا

[سناعيس]

ياهلا بك يالهواوي
وهذي والله أبرك الساعات
لكن ترى والله ماعرفت لطرقك
مجرد محاوله والعذر والسموحه
على أمل يجي منصور ويكمل على طاروقك
لاهنت

مرحبا باللذي لاحضر كله توافيق=وان بدا بالقوافي ما به احد يلده
للزبيدي جنينا والعذر كانه تلافيق=وطبعنا يالهواوي مانحب المكده

[نجم الإبداع]

صح لسانك ياناصر وياسناعيس

واسمحو لي بالطمره

جاك السكيبي وانا باجيك ياناصر على الريق=وراك ترقى الهداء وتقول هذا درب جده
رجعت وانا اطلب الله يالهواوي بالتوافيق = خط الشميسي شمالي مايمر اوساط حده

[ناصر عبيد الهواوي]

انا عليكم بغيت اعرض من الذكرى عواليق===وانتم هل العرف ماشفتوه ابي منكم مرده
ويوم انت من لابة ٍفتخان الايمان ومطاليق===بغيت انا اصد عنك وما حصل لي عنك صدة

[نجم الإبداع]

الي قصدني وجاوبته ضوى فوق الغرانيق=واللاعب اعمى وماجاب الهدف ردته قده
مير انت في خاطرك ضيقه وشايف لك برانيق= والباب مفتوح عن مثلك حشانا مانسده

[ناصر عبيد الهواوي]

يانخل وادي رفيقي يالمهانيع البواسيق==يكفيك هزل العوارف عن خطا الجاهل وجده
خشيت انا الاوديه والسيل من قو البواريق==وبنا بيوتي بلا سيسان لو سالت تهده

[نجم الإبداع]

ياغصن ريحان في وادي الضماء من وقت ماسيق=وراعي المزرعه عيى يسوق وجف عده
مافاز في عصر واشنطن سوى بعض الزرانيق = و راجح الراي يعجبني واعرّف اصله وجده

[رفيعة الشان]

أما شاعرين
من الوزن الثقيل
ماشاء الله
وااصلوا بارك الله فيكم
صح الله السنتكم
والمرور على متفحكم يسعد ويبهج
فلله دركم
لاهنتو

[ام العمده]

صحت السنتكم
ابدااااااااااااااااع

دمتم بخير

[ناصر عبيد الهواوي]

من زار الالمان يلزم له مترجم ساعة الضيق,,,,والضيف لاجاك في وقت الغدا رحب وغده
واليوم اوقع بخمسي لك ولا تحتاج تعليق,,,,,,وإن جد طاروق يارجال عد العلم عده

[نجم الإبداع]

كفووووووووو

وصح لسانك يابو عبيد

اللعب معك نووووووووووووووماس

لاعدمتك

شكرا لك ولكل من مر وسيمر

من هنا