كشكول فيصل المهلكي

ليلة الجمعه
/
/

ليسَ كلّ البُكاءِ حُزْن
فإنّ للــ " فَرَحْ " دمعه !!

لوْ كُلُّ الدُمُوعْ / جروح
تضميدها " قُطْنْ "
ليه إنطفتْ شَمْعَه ؟
/
/
/

في ليلَةْ شِتَاءْ ,
يَلْفَح طَرَف وجْهِي ,
بَرْد ! وسَهَرْ , وإكلِيلْ
من وَرْدَها الـ " مَطْفِي "
/
/

ليه المطرْ , مايزْرَعِكْ يا بَذْرَة الدُرَّاقْ ؟
ليه القلوب , تعيشْ مِنْ خَشْيَةِ الإِمْلاْقْ ؟
,
,

ليه الندَى لا عانق أطْرَافِ الزهَرْ
ماله ولا لَمْعَه ؟

/
/
/

هي لحظة فَرَح ؟
ولاّ عيوني مِنْ وَرَق !!
,

تنزف حبر !
ضيم الليالي والأرَقْ ...

,

تاهت مواري ليلتي ,,
من دمعتي
من بسمتي
من نظرتي

يافرحتي

ليت الوطن سوسن
وأسقيه من دمعي ندى !

ليت الزمن لحظه
وأعطيه من وقتي مدى !

ولا أنتظرْ في آخر إسبوع
حالك !

ليلة الجمعه
!!!
!!
!

فيصل

زهـرة الياسمـيـن = والنسيـم , الـورق
ترفـع الحاجبـيـن = واتصبـب عـرق !!
عهـد بالله , ديــن = لـ" اقطفك " واحترق
أجمعك : جَهـ/ تين = والضياء 00 ماشرق
والغـروب الحزيـن = فـي حنينـي , درق
المفـارق سنـيـن = والـتـلاقـي , أرق
يالنظـام المتـيـن = عنـد قلـبٍ خـرق
في خيال المستكيـن = كـم طـارق طـرق
حاول بـ " مرتيـن " = عند ذي " مُفْتـرق "
والنتيـجـه انـيـن = يا أسـى , ياغـرق

فيصل

فيصل

مطر !

حتى المكان اللي زرعنا به عِطر ...

مطر .. مطر !!

كيف الشجر ..
تبكي معاليقه ظما ؟

مثل الحبر ..
يَقطُرْ , ولايرْقَى سِما !!

صمت مُدْقِع
مكْبُوتْ فِيْ كُرْسِيْ وَلَه 0

ولون السْمَاء مظلّله !

والارض من تحت القدَمْ
شُرْفَةْ حنين مبلّله !
/
/
/
حبيبي ..

يدين الزمان قصار
والشوق مايختار

بين القلوب
قلوب !

حبيبي ..

كلّ الجنون أعذار
لو عانق السمّار

محراب
وجه الذنوب !!
/
/
/


ابيك
بين الحنايا قلب
يسقي صفاي العذب

ابيك

في كل شي
إلاّ شفيف الغُلْب !!

/
/
/
/

ياغايبٍ عني هناك
ماعانق القمره سواك

وانا معك
صرت اجمعك

بين الليالي والنجوم
غيمه وشذرات المطر

آآآآآآآآآه

يامطر

عذبي ونفحاته عطر
دربي ونزعاته خطر

والموت كلّ الموت
لاغاب
صوتك ياااااااااااااا


يا مطر !!





يا مطر !!

فيصل

[نفحات حساسة]

اااااالله عليك
يعطيك العافيه
كشكول زاخر بعبارات الود
اسعدنى قراءتها..تقبل مرورى
ولى عوده..