الا ياصايم لله ما يكفي العطش والجوع

[الصريح العتيبي]

الاخ/الطائر المهاجر------------------------سلمه الله
دكتور دكتور دكتور
صح لسانك واعتلى شانك
ابيات تستحق الوقوف امامها طويلاّ لافض فوك
سجل اعجابي وتقبل مروري وكل عام وانت بخير

[عبدالله بن عسكر]

قلبك كبير الله يزيدك خير

صح السانك ولا هنت

[الطامي]

حسابك جاهزٍ مكتوب تحصـد زرعـك المـزروع
فليش الخير مـا تـزرع مـادام الأرض بخصوبـه
تعيش السعد بالدنيـا مصيـرك عارفـه بخضـوع
تعرفـك عابـرٍ جـسـرٍ ولا تحـتـاط لعيـوبـه
تطيح اليوم أو باكر مثل من طـاح قبـل اسبـوع
فلا احـدٍ سائـلٍ عنّـك ولـو كفّنـك مـن ثوبـه
مع الأيام ينسونـك ولـو يبكـي عليـك اجمـوع
إذا مـا لـك ذكـر طيـب فنجمـك زلّ بغـروبـه


الطائر
كل تقبل الله صيامكم وقيامكم
ابيات روعه وقليل مثلها
كتب الله لك الأجر بها
وغفر لك ولنا وللمسلمين عامة

[ابراهيم عبدالحميد]

أعاد الله الشهر الكريم عليك

و أنت فى أتم صحه و عافيه

و نستمتع بين سطورك

بكلمات و معانى قمه

فى الرقه و العذوبه

بارك الله فيك اخى الكريم

[الخنساء]

صح لسانك مشرفنا
لاهان راسك قصيدة رائعة
ترجمت الواقع
سلمت وسلم شعرك
دمت بخير

[عيد مشعل]

صح لسانك

جزله من شاعر جزل

تحياتي وتقديري

[ماجد المهدي]

ابو عبدالله

قصيدة رائعة من رائع

صح لسانك ولا هنت يا راعي الجزلات

تحياتي لك

ماجد المهدي

[شمس القحطاني]

المشاركة الأصلية كتبت بواسطة الطائر المهاجر

مع الأيـام ينسونك ولو يبكي عليـك اجموع = إذا ما لك ذكر طيب فنجمك زلّ بغروبه

صح لسانك أخي الكريم الطائر المهاجر

إبداع ورب الكعبة

بيض الله وجهك وقصيدة جزلة لا شك

دمت بخير

[مبروك بن ماضي]

استاذي الفاضل / ابو عبدالله
لا أملك غير الوقوف والتأمل في إبداعك
والاستفادة من حضوري هنا
دمت رمزاً من رموز الإبداع
تقبل تحياتي واسمى اعتباري

[ابوعبدالرحمن القريشي]

المشاركة الأصلية كتبت بواسطة الطائر المهاجر

الا ياصايمٍ لله ما يكفي العطش والجوع= ما دامك طـالب للخير دلّ الخير ودروبه
ترى قلبٍ بلا إيمان صادق دايماً موجوع = اساسه والعزى واهي ولا تنفع به التوبه
يبي لك تفهم الإيمان أصله والشعب وفروع = وشهـادة لا إلاه إلا إلاهٍ نجهـل غيوبه
إلاه النـاس خالقهم وغيـره خـادع ومخدوع = فلا له من ولد أو بنت او زوجه ومحبوبه
وتؤمن بالمـلائك والكتب والرسل بالمجموع = بلا تفـريق او تمييز فكلٍ كان منـدوبه
وتفهم يـومك الآخر وبعث وحشر دون ارجوع = وحسابٍ يكشف الخافي تمنى وقتك هروبه
وتؤمن بالقـدر خيره وشره بالرضا عن طوع = فمهما صار لك محفوظ في الواح مكتوبه
وأدنى هالشعب إنك تشيل من الدرب مجـدوع = يضر اللي مشى غافل ولا يدري عن خطوبه
ومن الإيمان حسن الخلق ولا يقبل ردي اطبوع = تواضع يا فتى فالكبر في نيران برتوبه
ثـلاثة ما يناظـرهم إله العرش يـوم الـرّوع = ولا حتى يزكّيهم وكلٍ تكشف ذنوبه
اشيمط زاني او عـايل ومستكبرٍ ولـو به جوع = ومن حط الإله بضاعته بايمـان مكذوبه
ولا هـو مؤمنٍ من غشنا في فـاسد المبيوع = ومن يمكر ومن يغدر ذنوبه ويّ محسوبه
وترى النمّـام ما يدخل من الجنة فتر أو بـوع = لأنه يوقد النيران بكذب دوم من صوبه
وترى المسلم هو اللي يحفظ لسانه من الممنوع = ويدّه دوم يقصرها وعن الزلات معضوبه
وترى المسلم يحب الناس بلا مصلوح في الموضوع= يحيّي الغير بالتسليم ولا يعطي حد جنوبه
واذا من تستحي إيمـان فيه الخير بالمجموع = ولكن لاحيا في الدين تفهّم كل مطلوبه
وحق الجـار لا تهمل ولو من جيرته ملذوع = تقوم بواجبه لله ولا يثنيك عذروبه
وتغض الطرف عن أهله ولو شفت الحيا منزوع = ولا تشبع وهو جايع ولو طاولك بحروبه
وحق الضيف إيمــانٍ فخلك بالكــرم مطبوع = يجي والرزق بضفافه مدام النار مشبوبه
وصـل رحمك ولا تهجر قريبك لـو بدا باللوع = فقلبك دايمٍ يسمح ولا تحرص على عيوبه
وخـلّ النصح منهاجك بكلمـه فعلها مسموع = بلا تانيب أو قسوه ولو حاولت بصعوبه
على المعروف دلّ الغيـر وخلك دايمن ينبـوع = تحب لهم مثل نفسك وكلٍ تدري مشروبه
وتنهاهم عن المنكـر بصوتٍ ينقبل بخشـوع = وتبقى دايم القـدوه بلا زلّه ولو نوبه
ولا تظـلم ترى المظلوم دعاءه للسما مرفوع = فكم من ظـالمٍ يلقى بحياته ذل وعقوبه
ولا تقرب نفاق وكذب وخللك للصدق مدفوع = ترى ما ضرّنا مثل المنافق يخـدع اسلوبه
يقـول امجامله واقـول عـاده سمّهـا منقوع = خداع وتغطيه للحق ومدح العيب والكوبه
ولا تخلف إذا عاهدت ولا تواعـد على ممنوع = ولا تخـون الأمـانه ردهـا بالعـدّ محسوبه
ولا ترشي وتسترشي مثل من يسرق الموجوع = خفافيشٍ تمص الدم وتنام الليل مقلوبه
ولا تحـرم حـدٍ حقّه تبي (واوٍ) كمـا المتبوع = ترى سرّ التأخر (واو) مدام اليوم ملعوبه
وقول الـزور لا تقرب ولو اغـروك بالمدفوع = كبيره عند رب البيت يامن كثرت ذنوبه
وسبع موبقه احـذر ترى فيها الهـلاك يروع = فأعظمها شرك بالله ولو بالمزح ولعوبه
ومنها السحر لا تقبل تـرى من صدّقه مخدوع = ويمكن يدخلك في الشرك إذا آمنت بكذوبه
وقتـل النفس دام الله يحرّمهـا بـلا مشروع = بأية حق تقتلها تطيع ابليس في صوبه
ولا تـرابي ولا تسعى بربا تبحث عن المنقوع = حرام المال يسحق لك حلال وتلحقك حوبه
ولا تاكل حقـوق يتيـّم وقاصرٍ ولا مقطـوع = فخاف الله في الإيتام يكفي اليتم وندوبه
وبالك تـرمي المحصن وتقذفهـا بكل شنـوع = وهي مسكينةٍ غافل عن الزلات محجوبه
وترى الإيمـان يتقـادم مثل ثوبٍ بـدا برقوع = فجدد دوم إيمانك بفعل الخير ودروبه
وترى بين الرجل والشرك وبينه والكفر اركوع = إذا يترك صلاته عمد كفر بالله ومندوبه
يقول الدين في قلبي خـدع غيره وهو مخدوع = نسي ربّه ولا فكـّر كما العـايش بغيبوبه
يظنه خـالدٍ بالكـون قـوي الباس هالجربوع = ولو تنغزه شوكه قـال ياربي ترى التوبه
فلا تغـتر يبن آدم مصيرك في بالقبر موضوع = مثل من راح ما عـوّد غدا للـدود انهوبه
بوسط القبر يبدا الدرب ذهاب ما وراه رجـوع = حيـاةٍ ثانيـه تبـدا وكلٍ واضحٍ صوبـه
حسابك جاهـزٍ مكتوب تحصد زرعك المزروع = فليش الخير ما تزرع مادام الأرض بخصوبه
تعيش السعد بالدنيا مصيرك عارفه بخضـوع = تعرفك عابـرٍ جسرٍ ولا تحتاط لعيوبه
تطيح اليوم أو باكر مثل من طاح قبل اسبـوع = فلا احدٍ سائلٍ عنّك ولو كفّنك من ثوبـه
مع الأيـام ينسونك ولو يبكي عليـك اجموع = إذا ما لك ذكر طيب فنجمك زلّ بغروبه

استاذي الطائر المهاجر

سأبقى تلميذا في هذه المدرسة ( مدرسة الطائر المهاجر )
تعلمت منها الشيء الكثير

دمت ذخرا لهذا الصرح الرائع