(أقصى طموحي)

[ماهربخيت الجهني]

قصيده جميله وجزله من شاعر جزل

[عمر ال شيبي]

المشاركة الأصلية كتبت بواسطة النيزك

أرجو قبول هذه المتواضعه على علاتها
والعتب على البطا
وهي بعنوان (أقصى طموحي)
.

لامن بدالي صبح الايام ممسي=وش عاد يبقى للمسا واوسط الليل
ولامن غابت في ضحى الوقت شمسي=وبدا يعم الجو كثر النوازيل
وعين الزمان يصيبها شبه عمسي=ويفوتها تمييز الاخطاء والمَيل
وعمري بدا يفتش عن رموز رمسي=ويحط نفسه عرضة للبهاذيل
وطمس مشاويره والايام طمسي=من شان ريفه يمتطي صهوة الخيل
ويبين ضعفٍ تشتكتي منه خَمسي =ويبرد جَهَدْهم لادنت حزة الشيل
وافقد بعض كلي مع حساس لمسي=ولا عدت أحس بحامايات المعاميل
وصار الكلام الصلف يادوب همسي=وقلت حركاتي ولا عاد بي حيل
وصارت رماح الموت تزداد غمسي=في جسمي لياجاه كثر الولاويل
وبكراي مايسأل عن أحداث امسي=والفايدة قلت ولا هنا محاصيل
فاقصى طموحي كيف ابصبح وابمسي=بحماك يارحمن يامجري السيل

للذوق ذوق المعاني قلب وحنا عرفناه

ولذالك نعود
صح لسانك

[حرف وشعر]

النيزك قصيده رائعه بروعة قلب كاتبها

تقبل الود اخي الكريم

[الراقي]

رائعه صح قلبك وزان حالك وبالك

على ما باحت قريحتك من معاني جميله

[فارس القوافي]

صح لسانك ياسليمان


لاهنت يعطيك العافية


دمت بخير

[أم ريما]

صح لسانك

قصيده رائعه

يعطيك العافيه

[الخنساء]

وبـكـراي مايـسـأل عــن أحــداث امـسـي

والـفــايــدة قــلـــت ولا هــنـــا مـحـاصـيــل

صح لسانك

قصيدة اجبرتنى للعوووودة

[نفحات حساسة]

صح السسسسانك..ولاهنت

أبيات رائعه..كروعه روحك

سلمت وسلمت يمينك..

تحيتي لك..

[حوريه]

وصـارت رمــاح الـمـوت تــزداد غمـسـي

فـــي جـسـمـي لـيـاجـاه كــثــر الــولاويــل

وبـكـراي مايـسـأل عــن أحــداث امـسـي

والـفــايــدة قــلـــت ولا هــنـــا مـحـاصـيــل

صح لسانك

[حوريه]

وصـارت رمــاح الـمـوت تــزداد غمـسـي
فـــي جـسـمـي لـيـاجـاه كــثــر الــولاويــل
وبـكـراي مايـسـأل عــن أحــداث امـسـي
والـفــايــدة قــلـــت ولا هــنـــا مـحـاصـيــل


صح لسانك