أكتب بيتا شعريا في الحال

[سناعيس]

احد على لين السراير يشاخر=واحد بلش بأعمال فيها غثا بال

[عبدالله راشد الثويني]

واحدً بنفسه كل حزه يفاخر = تلعب شياطينه على كل موال
مداح نفسه بالمخاليق ساخر=وان جا لزومه مركبه للآسف مال

[ترانيم المطر]

ياشينها يومك هويت المقفي = أنت تموت وهو مع الناس سالي

[الطائر المهاجر]

لاتخدعك دنياك تركض مع الناس=حكم ضميرك قبل وقت الفواتي
في يوم ما ينفعك خلٍ وجلاس= ولا ينفعك جاهك وزين السماتي
وازن امورك كل شئ بمقياس=ومن غاص قبل قياس شاف العناتي

[عبدالله راشد الثويني]

يامحتفـل بالزيـن / من دوُن الأخـلاق=ماضنّ . بالإعجاب .. تفرح وتحضـى
لو صار . في دربـك . حبايب وعشـاق= من يتبعونـك .للآسـف ناس مرضى
وإن شفت قولي .. ماش .. ماعاد ينطاق=أشرب من امواج البحر ليـن ترضى

[سناعيس]

لله حكمه في عباد خلقهم=ويعلم خفاياهم ولو مايقولون

[عبدالله راشد الثويني]

غالي . ورب الكون . بالحيـل غالي = لو منت غالي . ماكتبت الشعر فيك
يرتاح بالي . يوم اشوفك قبالي = وأقول ياقلبي . لفى من يسليـك

[ترانيم المطر]

المشاركة الأصلية كتبت بواسطة عبدالله راشد الثويني

يامحتفـل بالزيـن / من دوُن الأخـلاق=ماضنّ . بالإعجاب .. تفرح وتحضـى
لو صار . في دربـك . حبايب وعشـاق= من يتبعونـك .للآسـف ناس مرضى
وإن شفت قولي .. ماش .. ماعاد ينطاق=أشرب من امواج البحر ليـن ترضى

لله درك

كلمات من ذهب

صح لسانك مدد لا عدد

[ترانيم المطر]

الهامه اللي لرب الكون منقاده = ترضى بحكمه قراح أو مشربن علقم

[سناعيس]

الليل والكيبورد والناس والنت=الكل منهم مكملين لبعضهم