صواريخ الفطاحلة الإقلاعيه

[حي الضمير]

واحد من اشهر الصواريخ للطائر المهاجر :


اما انا هكالسنه يوم ..... العجوز محسنه ، وكنت في كاشت في الربع الخالي لحالي ، يوم صليت العشاء وابي انام لأني طول النهار في طردي مرة اطارد غزلان ومرة جرابيع ، المهم ما امداني اخذ غطة خفيفيه إلا وانا احس ان الأرض من تحتي تتحرك وشوي إلا وتتحرك قوه ورافع راسي واثاريني منيب على الأرض ، فيه شي شايلني بس مدري وشو ، وبسرعة ، احاول اطب الا بيني وبين الأرض الله العالم 5 امتار واصيح بأعلا صوتي : الحئوني ، الحئوني ، واطالع سيارتي واذا بيني وبينها حوالي كيلو واطمر ذيك الطمره من السرير على هكالطعس اللي مريت من عنده وطالع للسرير والاه مستمر في المشي من دوني ومشيول ولكن ما شفت اللي شايله شوي إلا يوم وقف السرير ورجع باتجاهي وانحاش ويلحقني السرير ونا اركض وهو طيران وراي الين وصلت السياره وصك الباب واشغلها واحط رجلي شوي اللا والسياره مرتفعه عن الأرض وعاكست الإتجاه لنفس الطريق اللي كان السرير يمشي فيه المشكلة رفعت رجلي عن الأبنص وهي مستمره طايره فوق الأرض حوالي 5 امتار اجي ابفتح الباب ابطب ولا قدرت تقل ملحم تلحيم ، اروح للباب الثاني ونفس الشي قلت تدري خل اشوف وش الله يكتب بعد حوالي 5 ساعات من الطيران وبسرعه حوالي 200كم إلا واحس الشياره فوق بحر واطل والاه بالفعل فوق البحر العربي ثم تبدا تغيص في البحر ، وتغيص الين طقت القاع ويجيب الله هكالقرش ويبدا ينشر في باب السياره يوم شفته منشغل وعرفت ان الباب انفتح واقدر ازرق منه وانا اللي اطلع واركب على القرش وامسطه على علباه وخليه يتجه للشاطي وكلما مالت رقبته منا او منا مسطته الين وصلني للشاطئ واطمر من على ظهره وابعد عن البحر واتمدد هلكان تعبان ، يوم الله اراد لي حياة واصحى على ميكرفون مسجدنا المزعج اللي يذن به حوطي يسمعه اللي ساكن على بعد 10 كيلو

[بيدي رسنها]

المشاركة الأصلية كتبت بواسطة الطائر المهاجر

تخاويت انا والذيب سرحان

طلعت من شقراء متوجه لديرنا اللي خلف جبال طويق ، طبعا لازم اعبر الجبال وهي مشهورة بذيابتها الشرسه
المهم مشيت والله مسافة طويله وكنت ماخذ معي سندوتشان وقارورة مويه ، وحاطها في مزوده ناسفها على ظهري ومتحزم ، لاف على رقبتي وعلى بطني قماش سميك
ومعي شبريه ، المهم اظلم علي الليل ، إلا وابدأ اسمع ذيب يعوي من بعيد ، وكلماله ويقرب ، وانا ماشي ، يوم صار بيني وبينه حوال 15 متر ونا اقطع له من السندوتشه قطعه وارميها ، وياكلها
واستمر في المشي ، كلما قرب رميت عليه قطعة سندوتشه ، الين شفت من عيون ومن طريقة عواءه انه هدأ
فخليته يقرب زياده حتى ماعاد بيني وبينه إلا حوالي مترين وانا اقعد وافك قارورة المويه وصب له مويه ، والله ويجي ويشرب
واقوم واستمر والاحظ انه يوم بدأ يقرب اكير ويحك راسه في سيقاني
ونا اللي ارمي عليه قطعة سندوتشه
واستمر امشي انا وياه ، شوي شوي إلا يوم غدا يمشي قدامي
وحنا نمشي وإذا بذيب آخر يوم جاني مسرع ، ناوي يهاجمني ، إلا والله وخويي يوم نط في حلقه ، وبدأت المعارك بينهما
انا خفت على خويي ، وحاولت اتصيد الذيب الثاني واضربه بالشبريه اللي معي ، لكن مع اشتداد المعركة بينهما مالقيت فرصة
المهم يوم ان خوي حط رجله وانحاش
وإلا والله يوم الذيب اللي ناويني يوم اتجه لي
واقوم وارمي عليه شندوتشه كامله ويلهمها ، واعطيه الثانيه ، ويلهمها ، وانا اسرع بالمشي وكل ما نطلت عليه سندوتشه بلعها وعيون ونيبانه تقول انه ناويني بشر ، ويجيب الله الفرج من عنده ،
واذا بواحد من الجماعة معه دتسون يوم وقف وفتح لي الباب ، وانا اللي اطمر
ونا انتنافض ، وقلت له وش حصل ، قال: الله يخلف عليك الأول مهوب ذيب الأول حصيني

هههههههههههههههههههههههههههههه هههههه صاروخ عابر للقارات .. اهم شي عسى بقيلك شي من السندوتشات ..

[نفحات حساسة]

شهالصواريخ..ولا طراطيع الثوم

حقت نوير ...ههههههههههههههههههههه

[سناعيس]

مثل ماوعدتكم امس اسولف عليكم سالفتي ابوفي بوعدي الشي ذمه بعد وماعندي استعداد احط في ذمتي شيء .. المهم ..
في سنة من الايام كنت مسافر على طائره بوينج 737 متوجه الى امريكا وفيما حنا بالطريق قال الكابتن وش رايكم ناخذ جوله على جزيرة ايسلاند يقولون انها زينه ولو انها بارده شوي قلنا ما يمنع ناخذ جوله ناخذ جوله وش ورانا المهم مالكم بطول الهرج وحنا طايرين في الطريق الا وتبنشر طيارتنا الظاهر المسامير عندهم واجد تعرفون حركة العمار كثيره وهابين في العمار الظاهر الصندوق العقاري عندهم نشيط , المهم لما حصل البنشر وقامت طيارتنا تعرج اشرنا على الكابتن يوقف على اقرب غيمه على شان نركب الاستبنه لين ناصل لاقرب بنشر المهم وقفنا على هاكالغيمه اللي وش زينها متساويه بس مشكلتها ثلج وحنا اللي نحاول نرفع الطياره بالعفريته بس ماقدرنا قامت العفريته تخفس في ثلج الغيمه والمشكله ان البرد ذبحنا وبعد مارفعنا العفريته بعد جهد جهيد وبغينا نفك الكفر مالقينا مفتاح العجل صار الكابتن ماخذ مفتاح العجل حق الترايستار ماهو لطيارتنا واحترنا وش نسوي وش نسوي .. قالو بعض الركاب حنا معنا اطفال وكبار بالسن مايتحملون يجلسون بلا اكل ذبحهم الجوع ولازم ياكلون والاكل معنا خلص حتى طواقينا اكلناهم وما عاد معنا شي ناكله قلت انا لازم نلقا لنا حل وقلت لواحد من حقين امن الطائره لازم تعطيني المسدس حقك قال وش تبي به قلت ابصيد طيور على شان نشويها للركاب قبل مايموتون من الجوع ومالنا حل غيره قال مايخالف واعطاني مسدسه وقمت اتصيد من هالطيور المهاجره لين اني هقيت اني صدت اللي يكفيهم لليوم ويوم جيت خوياي قلت لهم ابشرو جاكم الفرج وانا اللي امسط بالطيور وسطهم قال واحد وش نسوي بها قلت نشويها قال وشلون قلت اي واحد معه صندوق خشب يعطينا اياه على شان نكسره ونشب فيه ونشوي طيورنا وفعلا كل واحد جاب صندوقه وكسرنا هم وخليناهم حطب وشبينا فيهم بعد ما ابعدنا اكثر من مية متر عن الطياره خفنا لاتحترق ونبلش بعد , المهم يوم قرب الشوي يخلص بدت الغيمه اللي حنا جالسين عليها تذوب شوي شوي من حرارة الجمر ويالله تلاحقنا ناكل شوينا وتنقسم الغيمه قسمين قسم فيه الجماعه اللي كانو ياكلون وقسم فيه الطياره وبعض الركاب اللي كانو يحاولون يفكون الكقر بسنونهم بعد ماصار المفتاح مايركب عليها وسبحان الله صار من حظ اللي كانو عند الشوي امطرتهم الغيمه في امريكا ووصلو على خير وسلامه وتجمعو في مكان حول منصات اطلاق الصواريخ التابع لشركة ناسا وحنا بعد ماصلحنا الكفر اقلعنا ولحقناهم وتقابلنا حنا ويهاهم وسلمنا على بعض ودموع الفرح قامت تصب من عيوننا وشوي وتسيل هالكالشعبان في امريكا من دموعنا بس كانت رحله لاتنسى خصوصا لما كنا على الغيمه وقبل مانقلع بشوي كانت النيازك من يميننا ويسارنا نازله باتجاه الارض شي رهيب حسينا اننا في كرنفال وألعاب ناريه ..
يمكن اكمل السالفه بعدين بس بشرط مايطلع لي واحد يقول اني كذوب والا يحسسني انه ماهو مصدق.

[صعبة المنال]

هههههههههههههههههههههههههههههه هههههه

ههههههههههههه العفريته والطائر المهاجر

تابع يا شيخ نيزك الهرش

[زهرة اللوتس]

صاروخ فطحولي



دخلت زهره وهي غاضبه ، ياعود .. ياعود .. اصحى ، فارس مسبب مشاكل في البيت

ويرفع العود راسه ويصوب بندقيته ، طاخ ، واذا براس فارس يتدحرج

ويضع العود راسه ليكمل النوم ، لكنه تفاجأ بفارس وقد نبت له 3 رؤوس بدلا من الواحد

وكل راس يتكلم لغة مختلفه ، فهذا يتكلم صيني وهذا يتكلم سيرلنكي والثالث يتكلم بشتو

ويلحظ الشرر يتطاير من اعين الذي يتكلم البشتو وكأنه يقول :: اوريك ياشيبة عرعر

لكن العود يطخه ببندقيته وكان ينتظر ان يتدحرج لكنه لم يتأثر بل نبت له قرنين كبيرين وكل واحد منهما احد من الرمح

وجد العود انه امام عفريت من الجن فما كان منه إلا ان اخذ المصحف وبدأ يقرأ ، لكن المصحف احترق في يديه

ويعود لفراشه لكي يكمل نومه

لكنه اصبح لفارس 6 رؤوس

لا والله البلشه

فماذا عسى العود ان يفعل

اخذ العود نعاله ، وحط رجله تاركاً البيت

لكن الرؤوس بدأت تلاحقه ، يركض وهي تركض خلفه

ولم يدري عن نفسه إلا وهو يصطدم في عجوز كانت منطلقة بسرعة 120 كم

عمى ماتشوف ، فرد عليها آسف انا مطرود ، فردت عليه إلا ما تستحي تغازل بنات الناس

نظر العود في وجهها واذا به يرى قوطي مصدي وداعسته سياره ، فقال ، لا بالحيل ، مالقيت إلا انتي يا ام مريفق

لكنه لم يعلم بأن كلماته هذه ستخلق له عدو جديد ، فرفعت عجراء تريد ان تهبده على راسه ، لكنه هرب وهي تلاحقه مع الرؤوس السته ، هو يركض وهم يركضون وراه

لم يجد امامه من مهرب إلا ان
يتسلق اقرب نخلة في الشارع

لكن النخله ماهي إلا مركبة فضائيه على شكل نخله ، فانطلقت به في الأجواء العليا

وماهي إلا لحظات واذا بها تهبط به في ارض غريبة عليه

نظر يمنة ويسره فلم يرى إلا صحراء جرداء ،

واذا به يلمح ضب منطلق إليه بسرعة 360كم

قال له الضب : اركب

ويمتطي العود ظهر الضب

لكنه لاحظ ان هذا الضب من الحجم الكبير

للحكايه بقيه

[حوريه]

هههــــ متابعه وبـصـمـت ــــههههه
ودي

[عمر ال شيبي]

صواريخ فطحوليه من الاخر
سلمت اياديكم

[فارس القوافي]

خخخخخخخخخخخخخخخ

اكشن هندي

عشناه لحظة بلحظة خخخخخخخخخخخ

تسلمين زهرة على النقل

[الطائر المهاجر]

صاروخ جديد لمنيع
يبغى يحفر بير في السحاب ويوفر فاتورة الماء