مساجلة الفطاحلة

[ناصر عبيد الهواوي]

مساي خير ولا تجيني تواعيس.....قريت وردي صرت في حفظ باري
ودنت انجوري واحتمن المحاميس.....وسجلت للنكبات رقم الطواري
واسرجت هجنن يبعدن المراميس....واخذت سيفي واحتزم بالسواري
وناديت هجس وجاوبني هواجيس.....من كثرهن ضاقن بهن الحواري
مااحد طلب من لايعرفه نواميس.....ولا احد من المفلس تسلف مصاري
اخذ على ظهر العبية مراويس.......وعما يخف القلب ما احد ٍ بداري
شخص ٍغشيم ارياه دايم كرافيس....يجازف بحكيه تقول انتحاري
كريم هرج وكارب ٍربطة الكيس.....ويمكن بعد يلبس ثياب ٍ عواري
السور لو يبنى على غير تاسيس.....ينهد لو هبت عليه الذواري

[ترانيم المطر]

سميت بالله وأتعوذ من أبليس = والطيب فيكم راسمن له مواري
ولاهمني زودن من الهجن والعيس = وأنته تعرف اللي يرد إعتباري
فهمت ردي بالغلط يا أبيض الفيس=ولاّ أنت كساب الثناء بالغداري

[نجم الإبداع]

يسوس راعي الفكر رسم القواميس =وانا مع اهل الشعر بين الغداري
سافرت بافكاري وعديت من نيس = ماتبصر الا بالصحاري غباري
اشوف راعي الكهربه والفوانيس = وانا معي مصباح فوق السفاري
امر واناظر جميع الكداريس = والنور ساطع فوق كل السواري
اوزن بيوت الشعر حسب المقاييس=بين الكواكب جيت احدد مساري

[سناعيس]

صح لسانك يالهواوي وصح لسانك يابن منشار وصح لسانك ياترانيم المطر
وافين لاهنتوا
استلم يالهواوي
وترى ياجماعه المسأله مساجله ووساعة صدر ولكن لها شرط البدايه بالاحرف
وانتبهوا ترى الحكم أقشر شكله بيطلع الكرت الاصفر وبعده الاحمر على طول ماعنده

سو الذي بالبال واحجز لباريس=واركب على كونكورد ضمن المداري
ولاتشعب عبيه وثم تجي ريس=وخلك على ماقيل خوش استشاري
وركز على المطلوب تر شرطنا قيس=ما انته غشيم ولا أظنك تماري
المسأله سهله ولا به تضاريس=وخل عنك ماقد قيل عمي قماري

[ترانيم المطر]

يسوا بقلبي كل غالي عليه = مدري عن أسباب الغلا كيف جاني

[سناعيس]

هيمي بحي شاف موته على يديك=وخوذي من ايامه الى مات فدوه

[ترانيم المطر]

هو ه غلاي وغصب ماهو بكيفي = لا نمت جاني طيفك يلمني لم
همسك وصوتك في خيالي وليفي=لو قلت لي لبيه أنا أقول لك سم

[سناعيس]

ملاهي الاطفال جملة مراجيح =وأنا قليبي للحبيّب ملاهي

[ترانيم المطر]

حومي يا طيور الشوق بغيابي عليه = وهاتلي من نسمته عطر إشتاقي

[ناصر عبيد الهواوي]

ويحه الخد لو كثرت عليه الكفوف.......خاف يفجأ من الفيفا بكرت ٍ حمر
ركبو الناس بالبي إم وشلون اطوف......لو لحقنا على جمس ٍ جديد او همر