مساجلة الفطاحلة

[سناعيس]

أهتم بالمعنى وأهتم بالقاف=وآخذ جزيله واترك اللي بلياه

[ناصر عبيد الهواوي]

اوفه احقوقه لا يجي وزنه اخلاف........واهتم في حبكه وسبكه ومعناه

[نجم الإبداع]

هاف واقف مستعد الانطلاقه=يوم شفته شب في قلبي حريقه
صاحبه مابيني وبينه علاقه = قلت ماشاء الله من لمعة بريقه

[ناصر عبيد الهواوي]

هه وش تظنك يوم هوجست سويت.........في هاء بداء بيتك وفي هاه مختوم
هالحبك في مبناه من ذارب البيت.............والا انت وافي ما احد ٍ قال مذموم

[سناعيس]

فهمت قصد اللي يبيني على جنب=يبي يوشوش لي عن اللي فباله

[عبدالله راشد الثويني]

في مامضى كنت آتشـوٌق لرؤياك = واليوم عنكم ياهوى الـبال تبنـا

[سناعيس]

فكوا بلاكم واتركوني بحالي=اقول مما جاد بالفكر قيفان

[ناصر عبيد الهواوي]

نايف الطول معتدل القوام ايميل بالريح.............مقرمزن مبسمه نجلن عيونه به غناجة

[عبدالله راشد الثويني]

هم(ن) سطى ياخوك وإجتاح قلبي = من يوم قالت لي توصي على شي ؟

[سناعيس]

هيمي بقلب هام بك ماقصر=الا اذا كان الهيام اكذوبه