نجاحي بعيد الإحتمال

[داعي الشوق]

المشاركة الأصلية كتبت بواسطة محمد بن عمار

السلام عليكم .
يتجدد اللقاء بكم على
منبر الفطاحلة الشامخ ..
ونتواصل معكم عبر منتدانا
الشاهق بعلو قاماتكم الباسقة

دخول أول لقلوبكم/

من ترعرع في الحشا وهو نموه ما كمل = ماحد ٍ قد إكتمل في الخلق ، ولله الكمال

وإرواء للذائقة /

مهما هبّ الريح عمره مايزحزح له جبل = ومابكل ٍ لو ثبت يرسي كما ترسي الجبال

وتأكيدا ً للمعاناة

كلما أفتل حبل وصله ، رد ينقض ما إنفتل = راحت أعوام ٍ وأنا وياه في نقض وفتال

معكم هذه المشاركة المتواضعة جديدنا هذا المساء ...

نجاحي بعيد الإحتمال

مدّ كفهّ ، ينتزع ،، ورد ٍ بوجداني ، ذبل = ذاوي ٍ بأسباب هجره ،، صار بعروقه ذبال
من ترعرع في الحشا وهو نموه ما كمل = ماحد ٍ قد إكتمل في الخلق ، ولله الكمال
شوكه اللي كان يجرحني بقلبي في الأزل = وسط صدري صار له أعوام وخزه لايزال
والحشا ماعاد يستحمل معاناة وعلل = من طعون الوقت جسمي بادي ٍ فيه إعتلال
عاقت الفرقا مساري والقدم به ما وصل = قصرت حبال المودة و إنقطع جسر الوصال
ذاك وقت ٍفات لا من غبت جاني أو سأل = صار مايسأل عن أخباري ! مجرد لو سؤال
كيف ذا ؟ و أنا ضليع ٍ في مداهيل الغزل = أسمع إن الذيب تالي وقتنا ، صاده غزال
بعدما نجمه توارى تاه من كفيّ ، وظل = وإنكسر عقبه شعاع الشمس وإمتد الظلال
في سماء الأفكار براق ٍ بنوره إشتعل = إستجابت له جميع أعضاء جسمي بإشتعال
والمشاعر إستثارت نوّ دمعي و إمتثل = وشعبة أنفاسي بصدري أذعنت له بإمتثال
فاض جمّه بالنواظر وأحرق أنصاف المقل = سجّل بخدي عبارة (كل مقام ٍ له مقال)
كيف منسوب العباير ، في المحاجر إختزل = و الهوى راعيه عينه ، ما تجيد الإختزال
وأيّ شخص ٍ سّلم أمره في حياته و إتكل = قلعته ! دامه على غيره ، يريد الإتكال
ظفره لجلده يحك ، و كان يرضى له بدل = بأ تركه يلقى و أنا غيره أبا ألقى لي بدال
كل عاشق زار خلهّ ، ماتخفىّ أو ختل = واثق ٍ بخطاه يمشي ، في تباهي وإختيال
يحسبون إنه ملاك ٍ من سماء الدنيا نزل = فارس أحلام ٍ على صهوة جواده للنزال
مهما هبّ الريح عمره مايزحزح له جبل = ومابكل ٍ لو ثبت يرسي كما ترسي الجبال
كلما أفتل حبل وصله ، رد ينقض ما إنفتل = راحت أعوام ٍ وأنا وياه في نقض وفتال
والقدم محفوظة ٍ في دربها مهما حبل = أو نصب له فخ وحاول شربكتها في الحبال
جفتّ ، آبار الغلا من عقب ماثار الجدل = و إنحسر و ادي المشاعر بعد ماطال الجدال
مادريت إن زود شوقه ،، للعواطف إبتذل = ماشي ٍ له مطمئن ، و ماهقيت الإبتذال
عارف ٍ إن الهوى به ، كل شيئ ٍ محتمل = و ان نجاحي ميّه بميّه ، بعيد الإحتمال
يوم فرّع بالجبين ، اللي بهاك النور ، هلّ = شفت بدر ٍ و الشهر في أوله يطلع هلال
صرت مع طيفه سجين ٍ وين ما حلّ ورحل = علمتني سلهمه عينه سبب شد ّالرحال
أسرعت نبضات قلب ٍ له توالت في عجل = عكرّت نفحة عبيره ،، بالتهور و العجال
كلما يمشي قبالي والنظر منه إكتحل = همت في بحر العيون اللي زهت بالإكتحال
معتلي ٍ النون خط ٍ مثل تقويس الهلل = والسيوف صفوف وقد ٍ شوفته للعقل هال
لا تناثر ساف مجدوله على ردفه خصل = قلت له بالهون ياللي من كريمين الخصال
والشفق مع لونه الدامي له العقل إنفعل = كلما عانق ، بياض الثلج ، زاد الإنفعال
لا أعلن برآس المؤشر معمل إعداد الجُمل = أرسل النوته تجسّد كل مفهوم الجمال
و إنتشى لألحانها الهاجوس و البال إحتفل = وصرت مع أنغامها عايش بجو الإحتفال
ونابي ٍ نباّ ظهوره ، شد ّ، خفاقي وتل = شّقق اللبّه ، سوات الفقع ، بسفوح التلال
كامل ٍ وصفه على ما فيه ، من حسن ٍ ودلّ = جمّله رب البريّه حط ّبه ذوق ودلال
لو بغيت أضرب على أوصافه مع العالم مثل = مالقيت بجمله المليون في زينه مثال
ماتعوّد شيل حمل ٍ عقب ما جسمه ثقل = و إلا هذا واللي مثله ! مايشيلون الثقال
مفترّش في جوف بيره ما اعتلى ظهر الجمل = إيتمايل بالتثنّي لا نهض مثل الجمال
ودور حذاف ،، التناوب ماتبين ، به خلل = والتوازن ،، ما بدالي ، في نظامه ، إختلال
آتجمّد ،، لا تغنّج ،، لي بوضع ٍ مفتعل = و أتراجع له ، بخطوات ٍ يجي فيها ، إفتعال
كلما قلت إن قلبي ، عن هوى البيض إعتزل = قال ماظنيت .! عندي نية ٍ للإعتزال

مودتي لتواصلكم الباسق
2 / 2 / 1432هـ
محمد بن عمار

صح لساااااااانك ملالاين

ولاهنت

*********

[بنت العز]

صح لسااااااانك ملايين
سلمت وسلم منطوقك الجزل
يعطيك العافية

[حي الضمير]

صح لساااااااااااانك
قصيده فاخره وابدعت وعوااااايدك محمد
سلمت يمناك

[ماجد الراشد الهيري]

صح لسانك ياابوعمار على هالمصافحه الجميله والجزله
ونجاحك اخوي واضح وهو من نجاحنا اكيد
لاهنت يالمبدع المتمكن وبانتظار كل طرق وجديد

[أم ريما]

صح لسانك

قصيده رائعه

تحياتي لك

[الخنساء]

عاقـت الفرقـا مسـاري والقـدم بـه مــا وصــل

قصرت حبال المـودة و إنقطـع جسـر الوصـال

ذاك وقـت ٍفـات لا مـن غبـت جانـي أو ســأل

صار مايسأل عـن أخبـاري ! مجـرد لـو سـؤال

صح لسانك

قصيدة اجبرتنى للعوووودة

[كظيم]

محمد بن عمار
صح لسانك وكلك
نص في غاية الجمال والاتقان
فن وابداع وتناسق وصور رائعة وجميلة
لله درك
تقبل مروري المتواضع لاهنت
ودي وتقديري

[نفحات حساسة]

صح السانك..ولاهنت

أبيات رائعه..سلمت وسلم منطوقك شاعرنا

ويعطيك العافيه

[محمد بن عمار]

المشاركة الأصلية كتبت بواسطة عطر الياسمين

قصيده رائعه من شاعر متمكن
صح لسانك واعتلى شانك
تحيتي

	العطررررررر هلا وغلا والله لاهان غاليك يابعدي حضورك شرف وتواصلك تألق فديتك يالغلا ،،، مودتي لمرورك .

[محمد بن عمار]

المشاركة الأصلية كتبت بواسطة عبد الله دخيل الدخيل

صح لسانك وبارك الله فيك

جزله من جزل

كلما أفتـل حبـل وصلـه ، رد ينقـض مـا إنفتـل
راحـت أعـوام ٍ وأنـا ويـاه فـي نقـض وفتـال

و إنتشـى لألحانهـا الهاجـوس و البـال إحتفـل
وصـرت مـع أنغامهـا عايـش بـجـو الإحتـفـال


واقبل

ودي واحترامي

	ابن دخيل هلا وغلا والله لاهان غاليك يابعدي حضورك شرف وتواصلك تألق فديتك يالغلا ،،، مودتي لمرورك .