المكر لانكل سام في كل الاقطار

[ماهربخيت الجهني]

المشاركة الأصلية كتبت بواسطة الطائر المهاجر

المكر لانكل سام في كل الاقطار = واللي يعارض ينتهي في سهوله
يلعب على كيفه بتحريك الاحجار = وينفّذ اللي بالجهر ما يقوله
مدفوع من صهيون في كل مشوار= ويخْدمه من يجهل نوايا فعوله
ويلعب على حبلين في سر وجهار= ويركض وراه اللي انخدع في طبوله
يخاف كل الخوف من شعب لاثار = ولا همه اللي ساعده في ختوله
من بعد ما هو يدعمه ..لابدا اعصار = يستبدله بآخر بلحظة وجوله
المصلحه تدفعه من غير انكار = ولا يعترف باللي خدم من خيوله
فالعاقل اللي من يقلّب للافكار = فمهما ارتفع لابد يومٍ نزوله
لكن اذا هو ذيب يدرك للاخطار= يعرف مصيره قبل يبدا وصوله
ويدرك شرار النار لو كانت صغار= لابد تكبر لو دعسها برجوله
ومن ينتقى من حوله ارجالٍ اخيار= يعطونه الواقع بعدل وميوله
يمشي بدربه صح مايوم يحتار = ويتبعه ذكر الطيب في كل جوله
ومن ينتقى بعض الحصاني والاشرار= يعموه عن دربٍ يحاول يطوله
ويشوهون لسمعته دون يختار = وكلٍ اناني كل همه ذلوله
وهو من يلام بكل تقصير وادبار= فالناس ما تبغى الحصاني الأكوله
ولاهي تقرّ الظلم من كل جبار = ممن يراهم ما يساووا نعوله
يستعبد ابطشه وهم خلقوا احرار= ولا يدري انه ينتهي في سهوله
يحرق مثل غيره مثل يبس الاشجار= ولا ينفعه من كان بالمكر حوله
ومن لا اعتبر بالغير يشرب للامرار = ومن لايخاف الله يرى ما يهوله

قصيده جميله من شاعر اجمل

تقبل مروري

[منصور العبدالله]

يا انكل عثمان
ابو عبد الله
استاذى
جزله من راس جزل
فائقه وباذخه الجمال
من عقل حكيم يكتب لبقى ما كتبه للزمن

[عرق الماس]

الله ,,الله
والله صحيح يا الطائر..
ومـن لا اعتبـر بالغيـر يشـرب للامـرار=ومـــن لايـخــاف الله يـــرى مـــا يـهـولـه
صح لسانك يا مهاجر..
مشاركة جزلة..تسلم يدك.

[الـزلـزال]

ومن ينتقى بعض الحصاني والاشرار=يعموه عـن دربٍ يحـاول يطولـه

الطائر المهاجر


لعذوبه بوحك عدنا شاعرنا الراقي العذب


صح لسانك ملايين ملايين

ولك فائق تحياتي وتقديري

[عرق الماس]

جزله من شاعر جزل
صح لسانك
سلمت ولا هنت

[الخنساء]

يامتصل وشب صوتك كـن بـه شحبـه

قال اصبر الحـزن ماخـلاك لْـي تبـارك

اليوم بالوجـه فـي لحديـن مـع صحبـه

الـولـد وابــوه قـلــت الله عـلــى اخـبــارك

صح لسانك

قصيدة اجبرتنى للعووووودة

[ماجد الراشد الهيري]

واللي يعارض يتنهي في سهوله
لو اتوقف عند كل بيت ماراح اعطيه حقه فعلا دكتوراه في الشعر واللفظ والمعنى والمبنى والتصوير
جزاله متفرده ونادره لايكتبها الا الكبار
ماشاء الله عليك

[عبدالله الدخيل]

يمشي بدربه صـح مايـوم يحتـار

ويتبعه ذكر الطيب في كـل جولـه

ومن ينتقى بعض الحصاني والاشرار

يعموه عـن دربٍ يحـاول يطولـه

صح لسااااانك ولا هنت
قصيده تجبرنا للعوده

[صعبة المنال]

من بعد ما هو يدعمه ..لابدا اعصار
يستبدلـه بآخـر بلحظـة وجولـه

ابدعت واجدت وافدت

[حوريه]

المكر لانكل سام فـي كـل الاقطـار
واللي يعارض ينتهي فـي سهولـه
يلعب على كيفه بتحريـك الاحجـار
وينفّذ اللـي بالجهـر مـا يقولـه
صح لسانك