محاوره بين زوجين.. سيناريو الطائر وشجون

[الطائر المهاجر]

الفصل الثاني امام الشيخ
الزوج:

ياشيخ هذي حرمةٍ مستبده = تجحد حقوق الزوج والزوج غلبان
وإلا تبي مني طلاقه بمده= ونا احبه حيل من غير نكران
دايم مدللها بحب وموده = وكلش موفر ماشكت اي نقصان
لعل تقنعها على غير شده= ومن يفعل الإحسان يجنيه احسان

[شجون القصيد]

هههههههههه فلاااااح

صح لسانك

رااائع

[زهرة اللوتس]

صحت السنتكم
مبدعين وممتعين
تحياتي

[عبدالله راشد الثويني]

ياســــــــــلام عليكم

والله اني اقرى الابيات منذ البدايه واقول الحين يتراضون ان شا الله هههههههههههه
واشوف الوضع كل ماله بحادور
لكن إن شا الله انها تزين قدام الشيخ ههههههههههههههههه

الله يعطيكم العافيه فكره راقيـه ورائعه ولاهو غريب عليكم الابداع

[نجم الإبداع]

الحرمه طابت نفسها في المكده=ياكيف تقبل من يعافك وتنهان
دور تلاقي غيرها للمخده = اظغط على قلبك وخليك شيهان
يمكن تلاقي حظها عقب عده=تلقى عويد اقشر وتندم لعثمان
وان كان ودك تسترد الموده=فادفع لها مليون دام انت مليان

[الطائر المهاجر]

اركد يا شيخ الين تسمع الطرف الاخر

[شجون القصيد]

مابيه انا ياشيخ جزره ومده = لو ساق لي جنات ربي وغفران
بعته انا من جد ابو جد جده = شيطان هذا يمتطي الف شيطان
يضحك معك وانا يورين ضده = لو قال لك ندمان ماهوب ندمان
ابليس لو بيتوب ماتاب نده = هذا خوي ابليس وايده والاعوان

[الطائر المهاجر]

مافاد شورك ياشويخٍ بحده= والظاهر انك مدمن لقات جيزان
احكم بشرع الله ولا احدٍ يرده = فنا ماابيع الروح لو كنت كسبان
هذي تساوي من سكن وسط جده= واهل الرياض ومن سكن حول لبنان
ان كان فيها عيب ما ابديت سده= وان كان فيّه عيب تثبت ببرهان

[شجون القصيد]

هههههههههههههه

ياساتر حتى الشيخ ماسلم


ههههههههههههههههه

[نجم الإبداع]

دامك فقدت العقل ياضب حده =تطلق لسانك بالمحاكم وسكران
احكم عليك اليوم تسعين جلده=واحط لك سجن انفرادي بسجان
والحرمه تطلق منك والحمل اشده =فوقك وانا بالحكم والعدل ميزان
تطلق ولا ترجع لمثلك برده= لانك خبيث ونيتّك زيفها بان