هل ينقص قدر الرجل هذا العمل؟؟؟؟

[ماجد الزيد]

بالعكس مافيها شي على الاطلاق
وبما انه هو وزوجته داخل بيتهم
رايقين ومبسوطين ....
يطبخ لها يغسل لها فهذا شأنه
لكن الطبيعي ان كل شخص يقوم بعمله
وان حدتهم الظروف فلا باس من التعاون
_______
يحضرني على هالموضوع قصة لرجل من الاعراب
الظاهر ان زوجته ذاك اليوم نومته عند الباب
فراح يشتكي لعمر رضي الله عنه
يوم وصل لباب عمر سمع زوجة عمر تخانق على عمر بكلام كبير
الاعرابي نفسه استغرب لانه يشوف انه هو مايقدر يتحمل هالكلام من زوجته
فعاد ادراجه ...وهو عائد خرج عمر وشافه سئله عن حاجته فاستحى الاعرابي يقول لعمر
الح عمر عليه فاخبره الاعرابي
قال له عمر بالعامي كذا
ذي زوجتي تغسل ملابسي ومتحملتني انا وعيالي وشايله همي وهم البزارين والبيت على راسها
افلا اتحملها .....وسعد بن ابي وقاص كان يتأخر عن الجمعه والسبب لما اشتكوه اهل العراق لعمر
اتضح انه يتأخر لان من اسباب تأخره انه يطبخ الغداء ويغسل ...مع امور واسباب اخرى ايظا

[ابومياس]

المشاركة الأصلية كتبت بواسطة أم زياد

هلا أبو مياس لا أنا ما كتبت في موضوعي إن الزوجة تكون حاطة رجل على رجل أبد أبداً بتاتاً البته
أنا قلت إما إنها تكون مشغولة في المطبخ أو مكان ثاني من باب التعاون وتحسيس الأهل بأهميتهم وأهمية ما يقومون به من أ‘مال والتعب المبذول في الأعمال
أما في البر فالمفروض إنها تحط رجل على رجل وأنت تطبخ لهم
ومن ناحية إنه هناك من هو مكفيك في البيت ما نقول شي لكن تجي فترة البيت مافيه خادمة والزوجة لوحدها صعبب تقوم بجميع الأعمال المنزلية وحدها
وخاصة إن العيشة مو زي زمان بيوت صغيرة والأكل نوعية محددة كل شي تغير نظام الأكل والطبخ والمطابخ
نفسها صارت تاخذ جهد ليس بسيط من المرأة وكذلك اللبس وأحجام المنازل والأثاث ماهو زي بيوتنا زمان أبد
صارة الغرفة الوحدة عشان تعزلها صح تاخذ نص يوم
يعني أوقات أحس إننا جبنا الغثى لأنفسنا لأنو زمان البيت الكبير في ثلاث دورت مياه الآن كل غرفة نوم فيها دورة مياه من غير اللي للضيوف والإستخدام اليومي ووو00000000000000الخ يعني المهام صارت كثيرة ومتعبة
وشاكرة لك حضورك أبو مياس

الاعمل اليوم يا ام زياد اسهل من اول غاز ماء حار بارد ثلاجة غسالة مكنسة

من غير الخدامات0

ياربي لك الحمد وش فيها صعب 0

اول تحطب وتغسل الملابس بيديها وتطبخ على نار
وتكنس بيديها ومافيه ماء حار بارد الماء حسب الجو

الان المفروض الوحدة تحمد ربها على النعمة اللي هي عايشة فيها 0
بس هذا عذر ماله مبرر

المشاركة الأصلية كتبت بواسطة الطائر المهاجر

حرام عليك يابو مياس
انا ماني معك في هذي
يعني اما حبا وإلا برك
خير الأمور الوسط ، وجهها وشجعها ، لكن لاتقوم بعملها ، ولا تقوم بعملك
ولا تجيب لها مضره ، فالدين لا ضرر ولا ضرار .

ليش حرام يابوعبدالله اذا الوحده متسنعة وقايمة ببيتها واولادها وزوجها

احطها على راسي 0 اما وحده تحتاج الى تعديل ومانفع معها الكلام
طبق المثل ( مايفا الحديد الا الحديد)

المشاركة الأصلية كتبت بواسطة أم زياد

يؤيؤيؤيؤ
وش فيكم قلبتوها حرب داحس والغبراء هههههههههههههههههههه
شفتوا صفوا الشياب مع بعض ماقلت لك يا أبو مياس إنك طقيت 45 سنة
المسألة نبي رأيكم بس ولا في الأصل تجيب خدامة وأنت ماتشوف الدرب بعد هي ماجت عشان تصير خدامة عندك
وإذا على الأمور المكلفة بها شرعاً فهي إنها تغديك وتفطرك وتغديك وتغسل ثياب أما أمور النظافة الزيادة وكل مادخلت لقيت كاس ولا صحن مو في مكانه قومت الدنيا ولا قعدتها ولا لقيت شوي غبار على المكتبة ولا التلفزيون
قلت أنتي وسخة وماتعرفين أصول النظافة
تراها مو مكلوفة

والله الخدامه ما انزل الله بها من سلطان
حنا نتعب ونشقى من صباح الله خير وانتم جالسين بالبيت
وتبون خدامة لا واذا جت خدامة شكلها زين قامت الدنيا ولاجلست
اعرف واحد يحلف لي يقول استقدمت خدامة حسب مواصفات طلبتها ام العيال
ويوم جت الخدامة وهي بالمطار قلت بنفسي هذي بداية المشاكل لان شكلها كانت جميلة
من يوم دخلتها على ام العيال وهي كانت فرحانه وانا رايح للمطار الا كني ضاربها على وجهها
المهم كل يوم سب بالمكتب وذي ماتعرف شي وذي مو نظيفة
اخر شي قلت نسفرها قالت تكفى اليوم قبل بكرى 0 سفرتها 0 والى الان ام العيال ماطلبة خدامة0
ايش رايك 0 وكثير قصص تدور حول هذا الموضوع 0
[
QUOTE=الطائر المهاجر]لا... المسألة ماهي شياب وشباب
ابومياس يعتبر شباب ، لكن واضح انه متأثر بسكنه في القصيم
ويهقوي نفسه بثانيه يحطها في المزرعة ، عشان يوفر اجار عامل
وحارس ..[/QUOTE]
شكرا ابو عبدالله على اخبار ام زياد بالحقيقة بس الظاهر انها خرفت
الكبر شين يا ام زياد0
اما من ناحية اجيب وحدة ثانية واحطها بالمزرعة والله فكرة حلوة 0
ودخلت الراس يابوعبدالله 0

المشاركة الأصلية كتبت بواسطة أم زياد

وإذا تقاعس الرجل عن واجبه كزوج وش تسوي فيه المرة أكيد ماتقدر تصكه بثاني
لكن تقدر تخلعه خلللللللللللللللع مثل مايخلعون الضرس المسوس

وياللا يدور له وحدة خبلة تصرف عليه وتخدمه

يخلع انا معك اذا تقاعس احد الطرفين عن واجباته على طول
يتاخذ معه الاجراء المناسب من خلع او صك بوحده ثانية 0
شفتي اننا حقانيين يالرجال 0

المشاركة الأصلية كتبت بواسطة أم زياد

خخخخخخخخخخخخخخخخخخخ
أبو عبدالله خاف وبدى يتراجع وبيخليك لحالك في وجه المدفع يا أبو ميوسة إتشهد على روحك ههههههههه

والله ابو عبدالله يتبع قاعدة من خاف سلم وهي قاعدة لاباس بها
ويمكن انا انضم له في اقرب وقت ممكن 0

[بارقةأمل]

المشاركة الأصلية كتبت بواسطة ماجد حمد الزيد

بالعكس مافيها شي على الاطلاق
وبما انه هو وزوجته داخل بيتهم
رايقين ومبسوطين ....
يطبخ لها يغسل لها فهذا شأنه
لكن الطبيعي ان كل شخص يقوم بعمله
وان حدتهم الظروف فلا باس من التعاون
_______
يحضرني على هالموضوع قصة لرجل من الاعراب
الظاهر ان زوجته ذاك اليوم نومته عند الباب
فراح يشتكي لعمر رضي الله عنه
يوم وصل لباب عمر سمع زوجة عمر تخانق على عمر بكلام كبير
الاعرابي نفسه استغرب لانه يشوف انه هو مايقدر يتحمل هالكلام من زوجته
فعاد ادراجه ...وهو عائد خرج عمر وشافه سئله عن حاجته فاستحى الاعرابي يقول لعمر
الح عمر عليه فاخبره الاعرابي
قال له عمر بالعامي كذا
ذي زوجتي تغسل ملابسي ومتحملتني انا وعيالي وشايله همي وهم البزارين والبيت على راسها
افلا اتحملها .....وسعد بن ابي وقاص كان يتأخر عن الجمعه والسبب لما اشتكوه اهل العراق لعمر
اتضح انه يتأخر لان من اسباب تأخره انه يطبخ الغداء ويغسل ...مع امور واسباب اخرى ايظا

هلاهلاهلا
وغلا بالناس الطيبة والحبيييييييييييبة
والله كلامك رائع يا أخوي ماجد وعين العقل وشكلك طيوب ولا تحب العناد ولا المشاكل
وترى أنا أـكلم إنو الزوج يساعد زوجته إذا كانت محتاجة مساعدة مو يقوم يشتغل وهي متربعة بالصالة
وأهم شي ما يكون فيه خادمة لأن الخادمة غالباً تقوم بكل الأمور المتعبة في البيت
وبالنسبة لطوالة اللسان على الزوج ما أحبها إلا إذا طفشني بكثرة نقه خاصة إذا كان يتدخل في شغلي الخاص واللي أنا أفهم فيه أكثر منه وأعرف كيف مرتبة أموري ومواعيد أعمالي ويجي يقول هذا متى بتنظفينه وهذا ماسويتيه يا صبر أيوب
أسعدني حضورك يا أبو الأمجاد

[بارقةأمل]

أبو مياس وش أرد عليك وش أخلي مشاء الله ماسك لنا على الوحدة
بس شوف أنا بقولك إذا البيت فيه خدامة مو لازم تساعد في البيت مع إني ضد هالشي لأنو حتى الخدامة إذا شافت أهل البيت متعاونين معها ترغب عندهم أكثر وتحبهم وتحترمهم
أما إنك تقوم بعمل المرأة دايم ماهو هذا كلامنا إحنا نقول تساعد من باب تقريب القلوب وتعويد الأولاد إنو مافيه أحد على راسه ريشة وإن الدنيا ماهي دايمة لنا على حال وحدة هذاكم شفتوا الأسهم وش سوت بالعالم
والله أعلم وش مخبي لنا القدر
ومسألة إن الأعمال الآن أسهل من أول أنا أعرضك في هذا الكلام
أوكي ألأحين فيه غاز وفيه ماء في الحنفيات وثلاجات وووو00000000000لكن كل هذه الأمور اللي تشوفها سهلة جابت معها زيادة أعمال من تنظيف هذه الأجهزة بشكل يومي وأقل شي إسبوعي وزيادة في نوعيات المأكولات والطبيخ والبيت زمان بالله عليك كم مساحته ؟؟
والآن الشقة تلاقيها مساحتها نفس مساحة قصر عند أهلنا أول وزيادة أهلنا كانوا كلهم يشتغلون بالبيت
من طبخ ونفخ وغيره أذكر زمان إذا صلينا الفجر جدتي تخبز وجدي يشب على القهوة والحليب في غرفة المشب على الحطب ثم نجتمع سوى وجدي هو اللي يتولى صب القهوة والحليب
أول المتطورين في بيتهم بلاط ولا الباقي بيوتهم كلها رمل وجدرانهم طين وتبن تخمه بمكنسة خوص وزيادة ماعندهم هالخرابيط اللي عيالنا يستعملونها الآن من حلويات ومشروبات وووو00000000اللي تحوس الدنيا وكل شوي الطفل يحتاج تغسيل وتغيير والمكان يبي كنس والجدران تبي تمسيح ووووو0000000000الخ
يعني صحيح عندنا أشياء سهلة في الإستخدام لكنها زادة علينا أعباء العمل في التنظيف
حتى الملابس أنت بس إرجع ورى وشوف كم مرة تغير ملابسك في اليوم وممكن أقولك كل ثلاثة أيام وهو نفس الثوب ينامون فيه ويقومون فيه ومتى ماتوسخ غيروه وشوف كمية الملابس عند واحد من أطفالك تلاقيها أكثر من ثيابك أنت وأخوانك كلهم زمان أول

[الطائر المهاجر]

الكلام اللي قلتي يا ام زياد حجة عليك وليست لك
من اللي يطلب إن البيت يكمل بكل شئ من جميع ما تصدره المصانع الغربية .... مهوب الحرمه !!
مين اللي يعود البزران على انواع الحلويات المختلفة .... مهوب الحرمه !!
من اللي ينق على الزوج ، تبي شغاله ، الينه يجيبها ... مهيب الحرمه !!
مين اللي مليانه دواليبها ودواليب عيالها بملابس وجزم كثيرة جدا زايده عن الحاجة وأغلبها تشوفه
خارج الموضه ... مهيب الحرمه !!
اذا تبيني اساعدها احطها في شقه صغيره ما تتجاوز 50 متر ، وجدرانها من الطين وارضيتها افرشها بالطين
وبدل المكيفات مهاف ، وبدل الثلاجة خيشة ترش بماء بارد ، وبدل قوارير الماء احط لها زير او قربه ..
وبدل غرفة نوم وش كبرها ، تفرش فراشي وياها في أي مكان وإذا اصبحنا اطويه انا واسنده على الجدار

يعني خلوا عنا الفشخره والتطور المادي اللي اثرت بموجبه الدول الغربية منا ، وخلونا نرجع لأصلنا

[بارقةأمل]

المشاركة الأصلية كتبت بواسطة الطائر المهاجر

الكلام اللي قلتي يا ام زياد حجة عليك وليست لك
من اللي يطلب إن البيت يكمل بكل شئ من جميع ما تصدره المصانع الغربية .... مهوب الحرمه !!
مين اللي يعود البزران على انواع الحلويات المختلفة .... مهوب الحرمه !!
من اللي ينق على الزوج ، تبي شغاله ، الينه يجيبها ... مهيب الحرمه !!
مين اللي مليانه دواليبها ودواليب عيالها بملابس وجزم كثيرة جدا زايده عن الحاجة وأغلبها تشوفه
خارج الموضه ... مهيب الحرمه !!
اذا تبيني اساعدها احطها في شقه صغيره ما تتجاوز 50 متر ، وجدرانها من الطين وارضيتها افرشها بالطين
وبدل المكيفات مهاف ، وبدل الثلاجة خيشة ترش بماء بارد ، وبدل قوارير الماء احط لها زير او قربه ..
وبدل غرفة نوم وش كبرها ، تفرش فراشي وياها في أي مكان وإذا اصبحنا اطويه انا واسنده على الجدار

يعني خلوا عنا الفشخره والتطور المادي اللي اثرت بموجبه الدول الغربية منا ، وخلونا نرجع لأصلنا

هههههههههههههههههههههه تصدق يا أبو عبدالله مو دايم الحرمة هي اللي تطلب بالنسبة لي زوجي مناشبني ليش ماتشترين للعيال هدوم كثيرة يبي كل يوم يشوف عليهم لبس جديد ومن ناحيته هو يملك من اللبس بجميع أنواعه
من شمغ وثياب وأحذية أضعاف ما أملك على الرغم من إني أاستعمل بعض ملابسي مدة تزيد عن الست سنوات وربما تصل عشر سنوات لبعض الأشياء إذا أنا أحبها لكن تعال شوف كل سنة كم نطلع من دولابه ملابس بحكم الجديدة بس يقول خلاص ما تصلح
اما من ناحية الأجهزة انا غير الثلاجة والغسالة والمكنسة والكواية والخلاط ما أحتاج ولا أحب كثرة الأجهزة
وسبق وحصل مشكلة بيني وبين زوجي بسبب كثرة شرائه لأشياء مالي فيها عازة سواء ملابس ألعاب أجهزة
وكذلك عندبي عمامي إثنين وواحد من أخواني نفس زوجي وخباله
لكن لا أنفي إنه هناك نساء خبلة كلمة قليلة عليها مالها هم إلا تجمع في هالأشياء

أما حياة أول أنا جربتها في بيت جدي صراحة نفسي ومنى عيني ترجع الدنيا كذا والله أرحم من عيشة المظاهر الكذابة
أما تعويد الحلويات ههههههههههههههه أبوي وزوجي أبوي مالي فيه حيلة مع إن أسنان عيالي سوست من كثر ما يعطيهم بحكم إننا ساكنين جنبهم والباب بالباب
وزوجي إذا رحنا نتسوق هو يحط في العربية وأنا أرجع على الرفوف
لكن هذا لا يمنع إني أوفر لهم بعض الحلويات والبسكوتات والشوكلاتة وأوزع عليهم بين كل وقت معدل 3 مرات في الأسبوع يعني لازم الأمور تكون مقننة مو فالتة والولد الحلاو ما يطيح من فمه

[ابومياس]

[blink]
ههههههههههههههههههههه
عجزنا عنكم

نجيبكم يمين تروحون شمال

نجيبكم شمال تروحون يمين [/blink]

[بارقةأمل]

الحجة القوية مع صاحب الحق
ولا أنا غلطانة

[الطائر المهاجر]

اي حجة وانتي كلما طق عود حصاة قلت زوجي ابوي عمي
جيبيهم نسمع منهم ... حنا ما نسمع من طرف واحد ...
والله يا لو اسمع زوجك ان يقول ودي اذبها في بيت طين في المزرعه
واقولها ازرعي انتي وورعانك وكلي او موتي من الجوع

[ابومياس]

ابو عبدالله حيلك فيهم