كشكول الأموره

[الأموره]

عندنا من صف اول لين ثالث في زمنا ابله وحده تدرس كل المواد ما عدا الانجليزي و الانشطه ،،

صف ثالث درستنا ابله اسمها ابله موزه و كانت جدا طيبه و البنات يحبوها ،،

و كان عندها اخت اسمها ابله امنه ، و كانت دايم تحضؤ حصصنا و تتونس معنا و من هالقبيل ،،

و لما رحنا صف رابع ابله امنه درستنا عربي و في نص السنه تقريبا جابوا لنا بدالها ابله لانها راحت اجازة عشان ولدت ،،

المهم هالابله كانت عصبيه و ترفع الضغط ،، و لما نقارنها بابله امنه نلقى فرق شاسع عشان كده ما نحبها و حتى الصفوف المجاوره ،،

اذكر صفنا كان مسميها ابله طماطم لانه من جات عندنا و هي مزكمه و لونها احمـر و تعطس و تكحكح ،،

مره من المرات قلت لصحباتي انا مو قادره اكمل الحصه بروح عند ابله موزة قالوا خلاص كلنا بنروح كنا انا و اسراء و هديل

و صفاء و تسنيم و ليلى و بنات كثير بعد ما اذكرهم ،،

المهم انا اول وحده قلت ابله بروح اشتري مويه ،، قالت طيب و رحت صف ابله موزه و شوي و تلحقني الشله

اللي قالت بروح بجيب فلوس من اختي و اللي قالت بروح الحمام ( الله يكرمكم ) و قعدنا نسولف مع ابله موزة و بعدين قالت شو عليكم ؟

قلنا علينا عربي و الله ما نحبها نبي ابله امنه ،، قالت الاداره اذا عرفتكم بتسوي لكم مشكله روحوا الصف يلا ارجعوا و نحن نقولها بس شوي ،،

لكن ما رضت و رجعتنا و نحن راجعين الصف نلقا الابله ماسكه عصا و حاطه ايدها بالباب و الثانيه بخصرها ههههههههههه و ربي مت من الضحك ،،

و بعدين دخلنا و كان شيء لم يكن ،،



يا حليلها ،،

[الأموره]

]كان عندنا خدامه ،،

جديده شوي مو كثير يعني ،،

المهم كنا في المطبخ نسوي اكل و هي معنا ،

و كنا مطلعين هوت دوج نحمره ،،

و هي قالت بتسوي هالسندويشات المهم قلنا طيب ،،

حنا خلصنا و رحنا ،،

و اختي راحت المطبخ رجعت عشان تشوف وش صاير

لقتها تحشيه و هو ني

هههههههههههههههههههههه

مع انها مفروض تعرفه و كانت في السعوديه من قبل

بس و الله مدري كيف فكرت كده امكن تحسبه نفس المرتديلا

او انهم ياكلونه ني معقوله /؟؟

و الله كل شيء جايز ،،

[الأموره]

أعتذر للأموره و ابوا رائد

الأولويه لكبار السن

الخريف الحزين ،،

يظهر انني كنت احسب والأخت الأمورة تكتب

و....لابد من تسيير القاعدة......السيدات اولاً............ .

ابو ر ائد ،،

ذكروني باحدى المنتديات المشتركه فيها

و هم كلهم صغار سن يعني اكبرهم و هو المدير كم و اربعين

او امكن ما وصل الاربعين ،،

المهم كل ما ينشر موضوع جديد نطير و نحجز اول رد

و نكتب اول رد وين الهديه ؟؟

او مرات نكتب محجووووز ،، و نقرا الموضوع بعدين

نسوي تعديل للرد المهم اول رد من يفوز فيه ،،

طلع عندنا في الفطاحله كده يا سلام صراحه شيء مسلي

افكر اكتب موضوع في وسع صدرك اسمه مسابقه اول رد

و اكثر واحد يسجل ردود اولى هو الفايز ،،

احس فيها حيويه و نشاط >> نيوتيلا و نحن ما نعرف ؟؟

هالمره سبقني الخريف الحزين ،،

لكن بعوضها

مشاء الله عليك بيبي هذا صك مو شخاااااااااااااابيط ههههههههههههه
عالعموم يسلمووووووو ياقلبي على كلامك الرائع فعلا أحلى مافي النت انه عرفنا على بعض الله يديم المحبه ان شاء الله
ولا في اي شيء يعكر على صداقتنا نهائيا احم احم احم
دمتي بحفظ الله ورعايته

[الأموره]

المشاركة الأصلية كتبت بواسطة قلب الامورة

مشاء الله عليك بيبي هذا صك مو شخاااااااااااااابيط ههههههههههههه
عالعموم يسلمووووووو ياقلبي على كلامك الرائع فعلا أحلى مافي النت انه عرفنا على بعض الله يديم المحبه ان شاء الله
ولا في اي شيء يعكر على صداقتنا نهائيا احم احم احم
دمتي بحفظ الله ورعايته

دوم يا رب هالضكه يالغلا ،،

لا و الله صار صك ؟؟

ربي يسلمج عنوني ،،

انتي الروعه يا قلبـــي ،،

امين يا رب ،،

و لا يحرمني منك يا اغلى رورو،،

احم احم ،، >> عيش و حلم ،،

فديت هالطله ،،

شكرا قلب الامورة عالمرور الروعه ،،

نورتي شخابيطي اقصد الصك ههههههههه

زوريني مره ثانيه ،،

[الأموره]

تآريخْ الإنتهآء / كلماتــ مولمة ] •‏‏

حتمـاً ..
ليسَ بالضروره أن يعآملوُك مُعاملة [ البضائِع] فـ يختمـوآ علىـ ظهرك
" تـآريخ إنتهآئِك وصلآحيتك لديهُم " !‘
فقـد لآيتسـع وقتهـم لـ / إحترآمـك ومنحـك [ أهميـة البضـآئـع ] !‘
لكِـن ..
هُنآلِك مؤشرآت تصدر منهُم / إليكْ .
تؤكـِد أن امـرك لديهُم قد إنتهىـ مِنهـآ ..



المُؤشِر الأول : ..





أن يكـونـوآ أول إهتمآمآتِك [ لديك ] ..
وتكُون آخـر الإهتمـآمـآت لديهُـم
أن تُنآديهُم عِند إختنآقك / فـلآ يجيب صوتك .. سوىـ صوتـك ! ..
أن تحرص علىـ إخترآع [ الفـرح ] من اجلهُـم ..
ويحرصــون علىـ إخترآع / الحـزن من أجلـك .
أن تعلمهُم : الفـرح / والكبريـآء : والشمـوخ ..
ويعلموك : البكآء / والذلْ / والإنكسـآر !‘
أن يتنـآولوآ [ لحمك ] مـع اعدآئـك في غيبـآبك بـ / شهيّـه !‘ ..
فـلآ يردعهُم ( إحسآس ) ولآتمنعُهم ( عِشره ) !



المُؤشِر الثآني : ..




أن ينتهكـُوآ [ سِتـر ] حكـآيـة جميلـه ..
كُنت نصفهُـم الآخـر بـِهـآ
أن يدركوآ إن / صوتهُـم كـ [ المـآء ] إليـك . .
ويتعمدون أن يقتلـوك ( عطشـاً ) !‘
أن تمرّك منآسبـآتهُم الخـآصـه بـ / فـرح [ الطفولـه ] ..
وتمرهُم منآسبـآتك الخآصـه - مـرور الكِرآم - ! .
أن تنـآم رسـآئلـ/ك الهآمـه في بريدهُم ..
حتىـ تختنِق بـ غِبـآر [ الهجـر والإهمـآل ]
أن يتعمـدون [ نحــرك ‘ .. بـ أنبـآء حكـآيآتهُم الجديده .
ويكثروآ مِن ( سـرد ) الـتـ ـ ـ ـفـ ـ ـاـ ـصـ ـ ـيـ ـل / عليكْ .
أن يتبآهوُآ بـ/ جنونِك !‘ بـهُم .. ثُم يبصقوآ في ظهرك بـ مِقدآر مـاإبتسموآ في وجهِك !‘




المُؤشِر الثآلث : ..




أن تُرسل لهُم [ رسآله ] مُتحدياً / كبريآئِك !‘ ..
فـ يتآخر الرد .. وقـد لآيصل أبـداً ! ..
أن لاتتحدّث مع الآخرين ( إلاّ ) عنهُـم ..
وأن يتحدثوآ مع الآخرين عن كُل الأشيـآء [ إلاّ ] ( أنـت ) !
أن تحدثُهم عن الحُب .. والحِلم .. والخيآل ..
ويحدثونك عن الإخـوه .. والوآقـع .. والنصيب
أن تشرح لهـُ/م عذآبك في غيآبهِم ..
ويشرحوآ لـك مُغآمرآتهُم في غيبـآبـك !‘
أن تحفـظ غيآبهُم .. وينتهكوآ غيآبك !‘ ../
أن [ تصـون ] كرآمتهُم .. ويهدروآ كرآمتـك ..
[ أن ] .. [ لا ] يُعآدلهُم / لديكَ شيء !‘
. . [ و ] يفُوقـك لديهُم .. [ كُلْ ] شيء .. !



! !
!!


منقول من الايميل ،،

[الأموره]

يا حسره علينا و على قوانين مدرستنا ،،

قريت خبر مدارس السعوديه عادي نص مكياج

قلت امكن اشاعه صحباتي اكدوا كمان قلت امكن اشاعه

لكن من شوي قلب الامورة تسال عادي تحطون ميكب في المدرسه ؟؟

قلت لا اللهم كحل و خفيف بعد ،،

قالت حنا كحل و بلاشر خفيف
و قلوس و عادي وردي ،،

يا عيني و الله

مو نحن

حتى لو حاطه كحل يجون يناظرون

اذا كثير تروحين تخففيه

و لا القوانين الثانيه يفتشون عالشرابات الله يكرمكم يا ابيض يا كحلي يا اسود هههههههه

مثل اول ابتدائي ،،

و لا ممنوع تعلين صوتك بالساحه عشان اصواتنا عورة من زينها ؟

والا اخر ما توصلوا اليه

شالوا المرايات من قال ايش كل البنات تهرب من الحصص تناظر المرايه

ما اقول غير عجوزات غيرانيين من جمالنا فديتنا و الله

قوانين هبله و يا كثرها

لي عوده اكمل ،،

[الأموره]

ازعل وراضيك ياقلبي انا من لي غيرك ::::::::تضيق الدنيا اذا ماشفتك



في غيبتــــك.. يالهفتي ليلي معاناة وصراع وحدي امني وحدتي بأحلام وصلك والرجوع:

[الأموره]

انت عارف و انا عارف دام تجمعنا العواطف
دام تجري اني احبك ليش من هالحب خايف ؟

لا تسكر باب قلبي ابتسم لي و انت جنبي
و لا تتغلى عل حبي ،،

انت عن هالحب عارف اني دايم فيك سارح
و انا اعرف ان الشوق جارح

و انا ما اخبي الحب لانه واضح
و انت شايف و انا شايف لو تغيب اقول وينك يا عيون الكون

مسـج ،،

[الأموره]

لسنه الماضيه اخر السنه ،،

قلنا لازم نسوي قعده و نتونس و كده

عشان هالسنه بنفترق نص ادبي و نص علمي ،،

المهم اتفقنا انه اخر يوم في المدرسه بنسوي هالقعده

و اصلا المدرسه مانعه هالشيء و اننا نجيب اكل و نسوي هالاشياء
لكن نحن قلنا لمربيه الصف و بسرعه اخذناها في الكلام

و المهم جينا اخر يوم ،، و حدث و لا حرج
حطينا كل الطاولات عالاطراف

و قسم حطينا فيه الموالح و مو مخليين شيء ما جبناه

و قسم فيه الحلا كيك و غيره ،،

و قسم للحلاه و الاشباس و البيبسي حتى اللبان جبنا منه كراتين و اللبان

ممنوع في المدرسه ،، بس نحن اصلا ما كنا ناويين نجيبها البر و ادارتنا معروفه مشدده ،،

و لا جايبيين ام بي ثري و ام بي فور و لاب توبات و مليانه اغاني ،،

و قعدنا في نص الصف على شكل دائره كبيره و قاعدين نسولف و جنبنا الاكل و البيبسي و غيره

المهم وشوي كده جتنا بنت من الصف الجنبنا قالت خبوا الاشياء الاداره قاعده تفتش ،،

الاكل احترنا وين نوديه مستحيل يتخبا قلنا خلاص يشوفونه مو مشكله

لكن المشكله في اللاب توبات و الام بي ثري و فور ،،

ترااااااااااا ،،

في منهم حطيناهم من بره في الشباك و في منهم جبنا اكياس شبس فاضيه و حطيناها داخلها

و حطيناها في الزباله اللي يكرمكم ،، و الاب توب اذكر حيطناه بين العبايات ،،

و قعدنا نكمل الجلسه من كل هالربكه و الحبايب تاخروا قلنا معناها ما في تفتيش و اخذنا راحتنا اكثر

و فرشنا الاكل لكن ما طلعنا الاجهزة ،،

و فجاه صار اقتحام للصف

الوكيلتين و الاخصائتين ،،

يا سلام لو تشوفوا المنظر ،،

وحده من البنات قامت راكضه مدري وش تخبي و الا تصدم علبه ميرندا و يتدفق في الصف

و نحن ما قمنا من مكاننا قاعدين و لا نسوي حالنا خفيفين دم و لا كاننا مسويه شيء

نقول ابله تفضلوا حياكم هههههههههههه

و شوي و نقولهم وش رايكم نودي لم كيك الاداره ؟؟

و هم يناظرون ،، بعدين قالوا يا سلام و الله منو قال تسون هالخرابيط ؟

قلنا استاذن من مربيه الصف ،،

بعدين قالوا منو عندها جهاز او شيء تطلعه احسن لها ،،

و لا وحده تكلمت قالوا احسن لكم تطلعوا لو فتشنا و لقينا عندكم ما بنرحم ،،

كمان ما اهتمينا المهم ،،

قالوا خلاص بنفتش ،،

و تمت كنت مخبيه اللبان في درجي وناااااااااسه ،،

و جت ابله الرياضه اذكر قالت وريني درجك قلت نعم ؟؟ >> مسويه مو سامعه

قالت الدرج لو سمحتي ،، قلت بيني و بينك كله لبان >> يا عيني عالصراحه

و عمزت لي اخبيه و راحت مني ،،

و في وحده كانت لابسه عدسه قالوا طلعيها قالت لا ابله هذي عيوني في الشمس تصير زرق ههههههههههه

المهم ما طلعوا بشيء من عندنا لكن بس اذكر بنت عطتهم ام بي ثري تبعها ،،

لانها ما لحقت تخبيه ،،

و راحوا و كأن شيء لم يكن كملنا،،

و قعدنا كل وحده تحكي عن الذكريات

او اذا في خاطرها شيء عن بنت ،،

و بعدين

الصف كانت حالته ما تسر ،،

قعدنا نلم و ننظفه و خليناها شوي محترم ،،

و باقي الاكل وديناها للفراشات ،،

توته توته خلصت الحتوته يا ترى حلوي و لا فتفوته >> متاثره بجدو هههههههه ،،