البديل

[بارقةأمل]

الله يبارك فيك يا غريب أجل ماعرفتني هههههههههههههه أنا مثلكم إلى الآن مابعد عرفت نفسي زين ماش كل ما أدخل اقول هه من ذي ههههههههههه
وبالنسبة لك انت الآن شف ولد خالتك من وين راح يتقضى وأنت من وين ولد خالتك من عتيقة
وانت من السوبر ماركت
معروف اللي بالكيلو غالي غير الكرتون ومن سوق الخضرة
السوبر ماركت في الغالب منقينه ومغلف بصحون يعني تحطه بالثلاجة بشكل مرتب
وتاخذ منهم اللي يكفيك والباقي يطيح بكبودهم هم لو خرب
لكن الكرتون ممكن يفيض عن حاجتك ويخرب عندك انت
كل شي محسوب عشان كذا انا اقول الأشياء اللي ممكن تدخل الفريز غالباً أشتريها بكميات كبيرة
صدقني حتى المنقا والجوافة والأناناس والكيوي
أشتريهم وأقطعهم وأعبيهم بأكياس في الفريزر ووقت
من نشتهي عصير كوكتيل ولا أي نوع كلو جاهز في الفريزر

[الغريب]

بارقة امل

المشكلة ما عندنا سوق خضار كبير مثلكم بالرياض

حتى سوق الدمام غالي والحساء 250 كم

يعني مضطرين اننا نقضي من السوبرماركت

سؤال

سبق وان زرتي الجبيل الصناعية او سمعتي عن مستوي المعيشه؟


الكل يشتكي ماهو بس انا

اجل لو اقولك كم ميزانية بيتي الشهرية للاكل والشرب بس وش بتقولين!!!!!!

سكان الرياض وجده ومكة والمدينة بنعمة بعكسنا

بعدين سالفه المجمد هذي اللي ما اقتنعت فيها مع احترامي لك مو تزعلين الحق حق

انا احب كل شي طازه لان المجمد يتشبع بالموية ويفقد طعمة ونكهته

طبعاً كل انسان وله حرية التصرف

لا تزعلين الحق حق

[صوت الإحساس]

موضع رائع


والأروع أن ينفذ



بكل صدق لفته تستحق التميز


لك خالص الشكر والتقدير

[ســُلاف]

المشاركة الأصلية كتبت بواسطة الأمل بالله كبير

سـُـلاف
تدرين الأسعار ماندقق فيها لإنه مو احنا اللي ندفع
لا بس جد سعر علبة الحليب يمكن من 45 إلى 47
هذا غير حليب نيدو اللي ارتفع العلبة الوسط إلى 52 الظاهر والكبيره صار بـ 70
الأسعار مو دقيقه فيه قروش وهلالات ما أدقق فيها
( بنت عز الأخت )
وفيه بعد جبنه كرفت اللي بالعلب الزرقا الصغيره صايره الوحده بـ 3 ريال
فيه بديل لها نفس الشيء جبنة تشيدر أو المراعي بـ 2 ونص
وفيه القشطه نستله صايره بـ 3 ريال أول كانت بـ 2 ونص
وفيها بديل لهـا التاج إذا ماتغير سعرها ولا فيه كثيـــر غيرها عاادي ماراح تتعبون

وراح أرجع كل ما أتذكر شيء
مشكوره يالغلا
دمتي بخير

حتى الاطفال صارو يدونك تفصيل عن الاسعار لا وكمان يتذمرون من الغلاء
امولة حتى التاج تغير سعرها اول 3 ريال والحين اكيد انها اكثر
فيه بوك كانت 2.5 عاد الحين ماني عارفة بكم بالضبط
معاك حق فيه انواع كثيرة
عارفة
شكلي اليوم بروح اسعر
بإنتظارك دائماً

[ســُلاف]

المشاركة الأصلية كتبت بواسطة راجي الحاج

مبارك عليك التميز اختنا الفاضله


موضوع طرحه مهم


شكرا لك

انا منكم وبكم
المهم هو تفاعلكم الهادف وانا من يشكركم راجي

[ســُلاف]

المشاركة الأصلية كتبت بواسطة غريب الآه

ســُلاف

موضوعك قيم جداً

وانا اضم صوتي لك ولكل الاخوان والاخوات

عن نفسي

بخصوص المنظفات فيه محل في الشرقية اسمه رامز

يبيع كل 3 حبات من 10 الى 15 ريال انا اخذ من عنده المنظفات

السفر 3 ربطات بـ 5 ريال ، الصابون السائل الخاص بغسيل اليدين بعد الغداء

البرميل الكبير تقريباً 2 لتر بـ 10 ريال وانا افرغه في علب غسيل حلوة الشكل

عندك النشاء 3 بـ 5 ريال نوعية صناعته سعودية وجيده

اكياس البلاستيك وصحون الورق كلها من عنده يعني اعبي الموتر تقريباً بـ 500 ريال تكفيني

من شهر ونص الى شهرين ،،،،،، خلال شهرين تصرفين 500 ريال منظفات انا اشوف انها ممتازة


باقي المقاضي بصراحه مشكلتنا نعيش في اغلى مدينة سعودية يعني ادخل

السوبر ماركت والله العظيم اطلع من 1500 الى 1900 ريال طبعاً سكان

الرياض والمدن افضل مننا بحكم كبر السوق اعطيكي مثال الطماطم يتاروح من

20 الى 28 ريال الفلينه البيضاء

يعني تدخلي السوبرماركت بـ 500 ريال انسيها واعتبريها من المصروفات المنتهية

غريب رامز موجود عندنا في الرياض
هناك محلات خاصة بالبلاستيك تكون فيها المنتجات ارخص
ومن ناحية المواد الغذائية ترى نفس الشيء من ناحية ارتفاع الاسعار
و الرياض ارخص منكم في الخضار فقط
احنا ادخل البقالة و 500 تروح
الله يعين
جزاك الله خير

[ســُلاف]

المشاركة الأصلية كتبت بواسطة بارقةأمل

500ريال كل شهرين على المنظفات مبلغ كبير معناته أنكم مبذرين بزيادة

الخضار لا تشتري بالكيلواللي تقدر تاخذه بالكرتون مثل الباميا والفاصوليا والأشياء اللي يمكن تجميدها يكون أفضل وأرخص

أنا من طبعي نجيب كميات كبيرة وأجمدها من زمان عشان يكون تعبها مرة وحدة أقطع وأنظف وأجمد وبحط لكم طرق التجميد في موضوع التجارب

والبلاستيك عموماً آخذه من حقين الجملة للبلاستيك وأشتري بالكرتون
أرخص لي ويكفينا مدة سنتين ثلاث في هالحدود أشتري من كل حجم ولون
وأنساها لاهي اللي تنتهي مدتها ولا تتغير

المنظفات عندكم هذا المنظف وتلاقون طريقتي فيه في موضوع تجاربي مثبت في قسم المطبخ والديكور((http://www.fatahilah.com/showthread.php?t=11496))





هذا ممتاز وآخذه بعشرة ريال ووقت العروض يوصل 7ريال ولو تشتري بالجملة يطلع لك
بــــ6 ريال

المهم مثل ماقالت صعبة نصف المصاريف تكون بسبب الخدم لأنهم مايراعون الكفيل يحسبونه جالس على بنك
وحلال عمك لا يهمك

الخدامة من يوم تجي وأنا ماسكتها ومعلمتها على كيف تستعمل المنظفات ولا أعطيها إلا العملاق والباقي أحذرها تلمسه دون ما أأمرها
وكل شي طريقة إستعمال الصابون وكمياته كل شي مقنن عشان ما تقول ما قلتوا لي

ماشاء الله عليك بارقة
امي تعمل طريقتك تجمد الخضار وحتى البندورة تعصرها وتكيسها
ومعاك حق انت وصعبة مالعب في هالدنيا الا الشغالات
والحريم الرفل !!
الله يجزاك خير ومالنا غنى عن مداخلاتك فيها فائدة وباقي الاخوان

[ســُلاف]

المشاركة الأصلية كتبت بواسطة العيناء العامريه

مبروك تميز الاسبوع

الف مبروووك و عقبال كل اسبوع و تستاهلين كل خير

العيناءمبروك علي انتم
ياوجه الخير

[ســُلاف]

المشاركة الأصلية كتبت بواسطة السموأل

مبروك التميز وانشاء الله يكون حافز للتقدم

اما من ناحية الموضوع فنحن لاحول لنا ولا قوة تفرض علينا الاسعار فرض من اعجبه يأخذ ومن لم يعجبه (يسف من التراب ) لأنه لايوجد عندنا بحر
فنحن في مدينة نسيها الزمن فلا توجد لدينا خيارات مع ان التعداد السكاني فوق ال200000 الف نسمة فالتاجر واحد ومن يجارية يسقط سهواًفكأننا في زمن الاشتراكية

بارك الله فيك
ان شاء الله السمو أل
اعانكم الله
لكن لنجد حل
من اي مدينة انت؟ ان اردت فقل وان لم ترد لك ماشئت

[ســُلاف]

المشاركة الأصلية كتبت بواسطة ابومياس

موضوع يستحق التميز لما به فائدة للجميع

الف مبروك سلاف

ابو مياس
الله يبارك فيك
اتمنى اكون عند حسن ظنك دائماً وابداً