ابي لي واحد قلبه فضيخ

[ابو أنس]

تحزّم وانتبه باكر يعوّد سيفكم ملاّس=تصير الحرب بدال الضرب على مندي او شوائي
وانا اقيس البحر قبل ادخله وادقق المقياس=واعرف اللي على اليمنى واحسب البيع وشرائي

ومنك العذر جتى أعود لمشاغل وارتباطات تعيقني

[ابو زياد]

المشاركة الأصلية كتبت بواسطة المشرف العام

الى منه حضر قل له وتسمع منه دون وجاس= فهو معروف بالصولات في الميدان هجائي
اعرفك تنوي الفتنه وتضرب زيد مع عباس= وانا ناوي اشيل طويق واحطه خلف الاحسائي

انا عارف قبل تشهد واعرف انه قليل اجناس=وناصر ذيب ما يمشي وراء ضحكات صفرائي
على وضح النقا يمشي غريمه حقه الهوجاس=ويعرف وش سباحينك تجيب الغول عنقائي

[ابو أنس]

ترى بعض الخلايق عودت أخماسها اسداس=ولو حاك الخطط واحكم تدابيره كما شائي
يجيه العلم فوق العلم يجيه من الهبوب عماس=تلطّمه العواير وان لبس نظارة اخفائي

[الطائر المهاجر]

خلص شغلك وجيت النا تدور ناقص النقراس = بعد ما غاب ابو قيطون تبي تحرق للاضوائي
اذا منك تقيس البحر وش حصلت يالغطاس = مغير انك غديت قرش تظنك تفرس امعائي

[ابو أنس]

خلص شغلي وجيتك ناوي(ن)أدكدك المتراس=انا الإعصار صحراوي والى جيت البحر مائي
تذرّا ما تذرا في النفق او في ذواري الساس=الا ياقرد حظك باصلك لو وسط الاحيائي

[الطائر المهاجر]

انا ما خبر من عنده مهاره غير ابو اضراس = ولا تدري من اللي فيه مذكر او هو انثائي
الين انك تشوفه ينسل ببيضه على الاطعاس= وتدري بالسلاحف وش تسوي دون احمائي

[ابو أنس]

اذا ماتخبر اتعلّم ترى في الناس كثر اجناس=طعم مر وطعم حالي وطعم مخلوط كميائي
ولا سموا الرجال الا تماسيح(ن) عسير مراس=تقلد محزمك وادخل حماي وجرب عدائي

[الذيب]

[b]

الله الله جالك يامهنا ما تمنى (استلمك واحد قلبه فضيخ)

) [/b

]

[همس الورد]

لالالالالالا عيب ما يصير تسرقون جبال
بجد روعة تسلم

[حوريه]

اذا بتوسعون صدورنا اسرقو ماعليكم

الله يوسع صدوركم بالعافيه

وسرق على مستوى منتم سهلين

المره الثانيه بتسرقون بحر!!!!

من جد رااااااااااااااااااائع

وياليت تكملوووووون

وتسلموووون