الرجل لامن كبر كثرت عذاريبه

العمر واحـد فجـدد مـن تشابيبـه
واغنم زمانك قبل يغنمـك يالفانـي
من قبل يومٍ يضفـك فـي جلابيبـه
من ضف قبلك من اعداءٍ وصدقانـي

ابوعبدالله

الله يعافيك

وصح لسانك على هالابيات الجزله

ولاهان راسك

تحياتي

[منصور بن ملك]

لاهنت ياطائر المنتدى الحبيب وحشني صوتك ولاعندي طريقه ادخل بها الشات

[عمربن عجرف الشمري]

صح الله السانك ولاهنت وبيض الله وجهك


تقبل مروري



اخوك



عمربن عجرف الشمري

[عبدالله السويلم]

بصراحه
بحثت عن بيت او بيتين اقتبسهن من القصيده
فحترت في الاختيار
لكونها جزله برمتها

فقتبستها بكاملها

الرجل لا من كبر كثرت عذاريبه = عند اقرب الناس من خلٍ وعيلاني
إلا إذا هو ثريٍ منتفخ جيبه = يعطي بلا حساب مافكر بنقصاني
أما اذا هو فقيرٍ فعيبته عيبه = لا من ومر او نهى جوبه بحقراني
دامه كذا الحال في وقت ظهر عيبه= فالعاقل اللي يزن امره بميزاني
يبني مبانيه بارض بالعزى صْليبه= تبقى على حالها مع مر الازماني
ويحفظ حلاله ولا يتركه للسيبه = ويعز نفسه بقرشه قبل ينهاني
فالقرش درعك وراه العز والهيبه= لاشانت طبوع من عاملت باحساني
ووطنك من يسعدك لو عشت تغريبه= (فدار بدارٍ وخلان بخلاني)
تلقى اللذي دوم يلقاك بتراحيبه = وتلقى الخدم والحشم اشكال والواني
كل يبي رضاك محد يقول والخيبه= وتصير شيخ وامير عالي الشاني
تقضي بقايا العمر تجني اطاييبه= وتنسى سنين مضت في غم واحزاني
العمر واحد فجدد من تشابيبه = واغنم زمانك قبل يغنمك يالفاني
من قبل يومٍ يضفك في جلابيبه = من ضف قبلك من اعداءٍ وصدقاني
وليّاك تنسى الذي تكتب كتاتيبه = وتحصي فعايلك من زود ونقصاني
وازن امورك بعقل ودين تحمي به = نفسك من الغي لا مالت لطغياني

[/align]

[همس الورد]

الله الله الله

ابو عبد الله صح لسانك و اعتلا شانك

قصيدة في قمة الروووووعة

تحيتي

[ترانيم المطر]

صح السانك

جزله من راس جزل

تقبل مروري

[الطائر المهاجر]

اليوم كنت ومنيع نتحدث في الشات عن الرجل اذا كبر
فتذكرت هذه القصيده

[الطامي]

كلام صحيح
وصح السانك
لاهنت

[الطائر المهاجر]

شكرا الطامي
على كريم المتابعه
لاهنت
اطيب التحيه