حرب المحاوره بين شعراء الفطاحلة

[سناعيس]

انا خبر المعارك طاحنه وهذا اتلا الخبر فيها=واشوف الكل مع ضده يلين له حكيّاته
انا مدري هي الهدنه اشوف السلم غاطيها=وغدا كل يباري الساس تقول يعد خطواته

[ابو زياد]

لا. بالله ما تصاحبنا ولا نحلم نهاويها=ولكنه بدا هالقاف يشح لنا بمداته
ولا ودك يجي شي الى قلته يرديها=يقولون العرب شين الحكي من كثر رداته

اقطب لا علشان تضبط معك

[الطائر المهاجر]

ابي تفسير لمّن قلت "اقطب" وش ناويها = ترى القطبه لها مدلول ثاني باتجاهاته
ومدام انك رفضت السلم فاقطب ما نمشيها = دور غيرها فكلٍ يبوح ببعض خبراته

[نجم الإبداع]

اشوف العلم متغير وانا معكم باسديها= اشوفه سلم للعربان مانرضى تخلاته
رطنتم والرطانه كلمة (اقطب) من يقنيها= على جمر الغضى ياليل حامي في سويعاته

[ابو زياد]

انا واضح ولي معنى يبن عند قاريها=وكل مقصده همه يلفلف عند حرواته
ولو جبت البيوت تجيك سايقها وحاديها=على وضح النقى تلمع يميز الليل نجماته *

يميز بالسكون

[الطائر المهاجر]

ترى به فرق يالقيطون فلا تسكّن قوافيها = لانك لو تسكنها يجي شطرك بكسراته
فحرك ميمها والياء بلا تشديد راعيها = وخلك من تقطب علمها ما جبت هقواته

[نجم الإبداع]

اعرفك صافي النيه وعودك دوم يلويها = تقيطن دكتره من فكر راقي في مهاراته
يحمي الملعبه بالجمر والرمعه يقسيها = ولامن شعللت نيرانها ياكثر شرداته

[ابو زياد]

لله درك والله انك جبتها
استاااااااااااااااااااااااذ

انا لوجبت لي كلمه افندها واعريها=الين يصير له معنى وتبعد عنك غراته
واضنك تعرف القطبه تقطعها وتهريها=والى قالوا لك القنمه او القنزه رديفاته

[الطائر المهاجر]

اجل ماتعْرف المعنى فليا تجيب طاريها = ترى يضحك عليك اللي خبير بكل قطباته
ولا هي تنشرح بالحرف ولا بالحرف ارويها= وفلاح اللي تشوفه ماهر في بعض صيداته

[نجم الإبداع]

انا لو قلت لك لومه وجعله في جرانيها = وضمد ومجحله والقف والمنزاع والراته
كلام الطيب والدله وناري في حرانيها = وبانشد واطلع واقراء وفكري في مساراته