سجل حضورك ببيتين شعر (شقر)

[الطائر المهاجر]

وغديته ترطن بلهجه فلا جابان او صيني = ولا هي فارسي يفهم اذا من قيل عند الروس
يكسر ما لقى في الدرب من فولاذ او صيني = يبي له واحد صاحي يدربي الراس ضمن الروس

[ماجد الزيد]

فهذي لهجة الاقحاح من يعرب ابن سام(ن)=شلولن شاوين صنّاجة الاعراب ياجدّي
تشيل تحيل لم تهدأ ولم تفتى وسم سام(ن)=تميت طروق تحيي طروق تفرق مزحي عن جدّي

[الطائر المهاجر]

ترى اصل العرب كذبه اذا دققت في المكتوب = رجالٍ قيل قطحانٍ لفوا من بين سند وهند
وعراقي قيل عدنانٍ ورد اسمه على مكتوب = روايات جهلناها وباقي اسمها في هند

[ماجد الزيد]

فمن يسمع كلام الغي لاساقه بني شخبوط=نعرف اعرابها ونْعرف وارد انقر التركي
نعرف اخّون لزايد قيل اسمه لايذ(ن)شخبوط=سلاطين العرب هبّاس وشيخ عتيبه هو تركي

[الطائر المهاجر]

كلام العلم ماهو غي فخلك تبني المسحوب = وخل العود وافكاره اذا ما صرت به مؤمن
تغثونا على يعرب وجنسه صايرٍ مسحوب = على وجهه يراضي بوش كأنه مابه المؤمن

[ماجد الزيد]

صدقت وصح صح قولك غرابيل الزمن جنّا=طموحي ماهو بيعرب طموحي بطلعة المهدي
ولكن للعرب صولة وكسرى بفارسه جنّا=هذولا الّي نعددهم صدقت وخطّي لك مهدي

[الطائر المهاجر]

على التخدير مشونا وقبلنا الذل في الدنيا = وقلنا ننتظر مهدي يقود العرب ضد الغرب
وسلمنا لهم عن ذل وعشنا بأسفل الدنيا = ورب البيت ماقاله فبير الماء يبي له غرب

[متعب المتعب]

يقولون العرب شي(ن) في داخل خاطرك بدّه=وابي منكم تعينوني وابيكم ليّه الفادي
ابي لي بكرتن لكن اداري الربع والبده=واداري دمعة الفاطر وش الدبره يابوفادي

[ماجد الزيد]

ابو فادي ماهو هنيّا هنيّا الطاير وماجد =وخل البكره تولي وشد قلبك على بكره
نسولف بالعرب والغرب في حكيّ وسلم ماجد=واشوف المتعب يسولف بجمع الشاه والبكره

[ماجد الزيد]

بلاوينا يابو عابد من الي ماسك الدفه=عنينا كم شربنا سم قيود(ن) يوم علّينا
لباس المخيط التفصال يفرق مخيط الدفّه=من الغرب انطلاقاته بعالي الصوت عليّنا