فلاح أقرب تعال

[سناعيس]

حياك رب عالم السر واجهار=وشكلك عقب غلا الذهب له تعدي
الأربعين وخمس كيلو لياصار=بحسابنا هالوقت كان انت جدي

[نجم الإبداع]

ياخوي اثارك عود والفكر جبار= حتى حديد الجنط شفته مصدي
تمشي على العكاز في كل مشوار = واسمح لي اقول انت ياصاح جدي

[سناعيس]

انته وانا والعمر ياصاح لو جار=عسى على الطاعه نقيم ونشدي
ياما قضيت العمر طرقي وصقار=وياما من ايام مضت لي تسدي

[ابو زياد]

الله عليكم شاعرين قويين

[نجم الإبداع]

وصف لي الدكتور حبات جلفار = للبرد واثر اعلاجهم في تردي
بلعتها والجسم ياصاح منهار = صار العرق من كل جسمي يندي

[سناعيس]

أبو زياد الله لايهينك
مرورك شرف

سلامتك ياخوي من كل الأشرار=جعل المرض لعداك وعنك يلدي
ومابالعلاج الا زياده بالامرار=ومقاومة جسمك لسقمك تصدي

[نجم الإبداع]

الله يسلمك من كل شر
اخوي ابو زياد
يشرفنا حضورك
لاعدمتك

بانشدك عن حرمه طويله بالاشبار = ماتلحق ذيول النجايب بيدي
ان جبتها فابشر نسميك بيطار = والا فجب لغزك وانا مستعدي

[سناعيس]

أدرتها بالراس والراس مندار=خلقه من النعمه وتوي متغدي
لكنها الدنيا واعوامها كثار=رمعة غشيم باللغز مستجدي

[نجم الإبداع]

لا يارفيقي طولها قيس بامتار = نمشي بها والشوك فيها ووردي
في عهد سيدنا عمر حولها اثار = ياجبتها والا فرتبتك جندي

[سناعيس]

وشبك تدور حيرتي يابن الاخيار=ان كان ماهي الارض بالك تلدي
خلك من الألغاز ومن دار ماحار=ولغز (ن) يجيله رمعتين امتعدي