حرب المحاوره بين شعراء الفطاحلة

[ابو زياد]

المشاركة الأصلية كتبت بواسطة المشرف العام

انا كالسيل في دربه فلا له في علاليها = يدور ما انخفض يجرف نديم بكل حسراته
ويمسط بالنخل حتى عروقه ما يخليها = مثل قيطون واتباعه ومن صار بموالاته

ورا ما تطلب العليا وتترك عنك اراديها=ما غير اتدحوس عميرك على الخد وصنيعاته
وشغل الطهبله ضنك بيسمنها ويرويها؟=تعلم واتقن اللعبه وراس العلم مبداته

[نجم الإبداع]

الا ياهل القوافي وين حوى من قوى فيها = لها عذب المشاعر قربو يمي بوصفاته
انا موتي الحور بالعين والبسمه باشافيها = اغاديرية المعصم بطيب الشام شماته

[ابو زياد]

عسى قلبك على القوه ويرتع في مغانيها=يذوق من الشهد لبه ويطرب في ملذاته
ولا تنلام في عشق الجديل وعشق راعيها=ترى قلب بلا عشق تغث الناس وناته

[الطائر المهاجر]

بدا القيطون في شعر الغزل نفسه يمنيها = وهو مصيود في شبك ولا يقوى على افلاته
تمني اللي تبي لكن على هامان ترويها = ونا خبري بمن مثلك يخاف البنت لاجاته

[ابو زياد]

شهاداتك بدونها و ابجمعها وابا اهديها=لحباسي لجل يفرح ويدعي لك بسجداته
تبي تحفر وانا بدفن محافيرك وواسيها=ولا انت بشايف مني هوى قلبك وهقواته

[نجم الإبداع]

انا طبيت في غبه عميقه في مهاويها = وباصبر لو يطول الغوص مانخشى لغباته
اشوف الطائر الشفقان من غيه يغاويها= يطيب الرزح بين الناس والغاوي بلسعاته

[الطائر المهاجر]

وجا لك من يغطي الشمس خايف من صواليها= يعرف ان الظل ما يثبت ولو ظلله بسكاته
يبيني انحرف يمه وافتش عن خوافيها = واجيب العلم عن كهلٍ فشل في كل غزواته
واذا من قلت بك هرجه فانا ادري عن تواليها = اعرفك لو كثر هرجك فلا لك في مخاواته
وتاخذ بالمثل من خاف يسلم في غناويها = اجل افضل تصك الشبك ولو بك من معاناته

[ابو زياد]

الا يازين غبات الهوى واللي نهاويها= والا يزين بحرالحب بجزراته ومداته
تزاعلنا. تصالحنا . غزالي كيف اراضيها=مشاعر حب حساسه ترجع قلبك لذاته

[نجم الإبداع]

انا رزقي على الله والقناعه عز هاويها = عسى ماجيت عند ابوابكم لفلوس وسكاته
ترى نفسي عزيزه وانت عثراتك تناديها = وش الي خابره ياسبع عايش بين كبواته

[ابو زياد]

سلام الله على اللاعب بذا الملعب مع الجمهور=ابي لي لاعب نشمي يجيب القول من هده
نبي نطرب نبي نلعب وذا طرق(ن)وجاه الدور=على الشعار توجيهه يبين الهزل من جده