حرب المحاوره بين شعراء الفطاحلة

[الطائر المهاجر]

ابن زيدان متولم يبي يهدف بليا شعور = قبل ما يبدأ العالم بعد يومين او حده
انا بنصحك لاتقر لباب الحارس الدختور= ترى يكسرك وعلاجك يبي ياخذ بعض مده

[ابو زياد]

المشاركة الأصلية كتبت بواسطة المشرف العام

ابن زيدان متولم يبي يهدف بليا شعور = قبل ما يبدأ العالم بعد يومين او حده
انا بنصحك لاتقر لباب الحارس الدختور= ترى يكسرك وعلاجك يبي ياخذ بعض مده

انا مانيب زين الدين ولا في هرجتي بنجور=انا من ديرة خضراء ولي هجمات مرتده
والى سجلت بك قولي تطيح وتنتكس مقهور=واباخذ كاسكم منكم وتشرب من بحر جدة

[الطائر المهاجر]

ترفع للمواصلة

[ابو زياد]

رفعها المشرف يدور على ناس ذبحها البور=يبي ينبش صدور مالها فالشعر من هدة
هلا باللي معة لازم تبدد وحشة الديجور=هلا باللي يحركها الى من جات منلدة

[عبدالله الشويمان]

المشاركة الأصلية كتبت بواسطة ابو زياد

رفعها المشرف يدور على ناس ذبحها البور=يبي ينبش صدور مالها فالشعر من هدة
هلا باللي معة لازم تبدد وحشة الديجور=هلا باللي يحركها الى من جات منلدة

السلام عليكم ورحمة الله وبركاته..
والله اعجبتني هذه الصفحه ومن فيها..وقلت اساهم لو برد لهلها تحيا المحاوره..

هلا بك انت والمشرف وبن منشار يا موفور=من ابيات القصيد اللي يزين بمزحه وجده
هلا بك والرعد ودك موده والصدر مسرور=انا جيتك احركها محضر معي للعده

[ابو زياد]

المشاركة الأصلية كتبت بواسطة عبدالله الشويمان

السلام عليكم ورحمة الله وبركاته..
والله اعجبتني هذه الصفحه ومن فيها..وقلت اساهم لو برد لهلها تحيا المحاوره..

هلا بك انت والمشرف وبن منشار يا موفور=من ابيات القصيد اللي يزين بمزحه وجده
هلا بك والرعد ودك موده والصدر مسرور=انا جيتك احركها محضر معي للعده

اخوي عبدالله الشويمان اطلالتك تسرنا فكيف بك مشاركآ

هلا باللي بذكر اسمه يطيب الخاطر المكسور=سمي اللي الى دوَىيبيح فالفضا سده
نبي عقب الرعد تمطر تبلل خدنا المهجور=ياحيث الورد من عقبك يزين ويكتمل عقده

اخوي اعتذر عن التاخر في اكمال البيتين فقد دخل علي ضيف

[الطائر المهاجر]

هلا باللي فصخ طاقيته وانحاش كالمسحور = سرى للشرق ما اعجبه لا ابها ولا جده
يقول العايله تبغي واظنه بالعذر معذور = يخاف من العيون اللي تحسده يوم وتلده

[ابو زياد]

المشاركة الأصلية كتبت بواسطة المشرف العام

هلا باللي فصخ طاقيته وانحاش كالمسحور = سرى للشرق ما اعجبه لا ابها ولا جده
يقول العايله تبغي واظنه بالعذر معذور = يخاف من العيون اللي تحسده يوم وتلده

لبست القبًعة ثمن توجهنا لذيك الدور=ديار قد قطعناها وصار اليوم به ردة
وشفنا من عجايبها عقول ماتدل النور=يعبدون الصنم بوذا وكل مد له يده

[الطائر المهاجر]

عطوك المسك والعنبر وشفت القرد به كالحور= تحسبنك وسط جنه وضاع البد والبده
وشلت السيف تضرب به وصار السيف كالساطور= تثلم من عظام جايعه للدرب محتده

[عبدالله الشويمان]

وش اللي حدك تروح لبو هندوس يا مغبور=او انك ناويٍ نيه تجدد مرقدك سده
ترى في مملكتنا تكثر الغزلان وسط الدور=وخلك من هل البوذا عن الاسلام مرتده