حرب المحاوره بين شعراء الفطاحلة

[ابو زياد]

انا ماجبت من عندي كلام ينوصف بالزور=انا عندي سجلات مجمعها لك بشدة
وفتش في دواوينك تشوف الواقع المذكور=شهاداتك تختمها وبحرك واضح مده

[نجم الإبداع]

ياساتر عليكم

عجب يابو زياد العود مايعرف سوى القرقور= ولا يعرف سوى نجد العذيه والهوى ضده
وانا لو في مكانه خذت وحده ثانيه مالحور = وطفيت المشاعر لكن الخوف الذي رده

[ابو زياد]

رفيقك شفه بناس مساكنهم بليا سور=يبي ربع خواجات يوافق ودهم وده
زمان راح قد ولى عقب ما غير الدستور=اشوفه دوم متحسر وحاله حيل منلهدة

المشاركة الأصلية كتبت بواسطة ابو زياد

هلا نسناسنا وينك وهرج العقل ما ينفع=نبيك تجيب طبلونك الين فيوزهم يصقع
نبي فيذا نخربها ومن عندي نبي نرفع=ترى شعر الفطاحل وان بغيتـه مقلـع اقلاعـي

استلم يابو زياد وعلى هونك عليه تراني جاي اتدرب هنيا استلم لا هنت

تـرى موترك يــالدايـج ضعيف الحـال ومقربـع ****** ومهما تحط لــــه من زيت لا يقنع ولا يشبع

نصيحه تروح مع ربع(ن) تبي جربوع وتجربع ****** ترى شعر الفطاحل وان بغيته يقلع اقلاعي

[ابو زياد]

هلا والله وغلا ياخوي
تراني النا التلميذ والمعذرة عن القصور

الا يامرحبا واهلا اشوف النجم لي يلمع=منين اضهرتن ذولا وش اللي رد هالمقطع
هو انت اللي على خبري نويت انك معي تفزع= ترى شعر الفطاحل وان بغيته مقلع اقلاعي

اسف على التاخر في الرد ماشفتهن الا مع الاذان

يدوم إلك البقا ياللي عن الهقوات ما ترجع ****** لكني يا ادرع الذرعان بعيد(ن) عنك فالمطمع

وعينك لو تناظر حول عيني جايها مدمع ****** ترى شعر الفطاحل وان بغيته يقلع اقلاعي

[الطائر المهاجر]

جهاز المطرفي يحتاج من ياخذه للمصنع = اشوف انه مكربن والبدي من شحنته قربع
الى شاف الفطاحل قام بالتنكيد به يلذع = ترى شعر الفطاحل وان بغيته يقلع اقلاعي

اشوف البير جفت من سنه ثمن بدت تنبع
وكلن قفل الصفحه وعود كاتب يتبع
واشوف اللي على بالي فتنها ناوي يقبع
وترى شعر الفطاحل وان بغيته يقلع اقلاعي

[نجم الإبداع]

هلا يالمطرفي عد المطر يالشاعر المبدع= هلا بك بين شعار الفطاحل واللقا الاروع
وسيعين الصدور ويلتقون الضيف بالمدفع= ترى شعر الفطاحل وان بغيته يقلع اقلاعي

[ابو زياد]

المشاركة الأصلية كتبت بواسطة الطيار

اشوف البير جفت من سنه ثمن بدت تنبع
وكلن قفل الصفحه وعود كاتب يتبع
واشوف اللي على بالي فتنها ناوي يقبع
وترى شعر الفطاحل وان بغيته يقلع اقلاعي

زعيم الحرب موقدها وهو قد جهز المدمع=والى ماجت على كيفه يدور من يبي يفزع
ومن جا يوم في صفه يشوف الفعل ثم يجزع=وترى شعر الفطاحل وان بغيته يقلع اقلاعي