أكتب بيتا شعريا في الحال

[ترانيم المطر]

لو غاب ماخسرت سهوم الموده = حاضر وسهم الحب زاد إرتفاعه

[زهرة اللوتس]

صحت السنتكم
مبدعين
لاهنتم
تحياتي

[ترانيم المطر]

يا كثر مدمح له وأسامح خطاياه = ويقول غلطة يوم ماعاد تنعاد

[فارس القوافي]

قالوا من اكثر شخص قلبك يودّه = قلت الحقيقه ريمة ن تسكن الروح
لا شفــتها حزني وقف عند حدّه = تضحك لي الدنيا وتنســاني اجروح

[ترانيم المطر]

كان لي باب السعاده بس مدري وش بلاه = إنكسر مفتاح بابه والزمن داير وجاير

[فارس القوافي]

كسر روحي مو مثل كسر العظام = تبطي اسنين العمر ما تجبره

[ترانيم المطر]

جار الزمن واللي هويته لنا جار = وإحترت وين القا مرافي نجاتي

[فارس القوافي]

لو غبت عنّي لك بقلبي مكانه = ما ينتهي ودّي ولاني ببيّاع

شــــريت حبّك مانويت الخيانه = حبّك بقلبي باقي ٍ مابعد ضاع

[ترانيم المطر]

برسل عليكم ذكريات الطفوله = وسايطن تجيك عبر أم أس أم

[فارس القوافي]

قد كان لي قبل امس ياناس محبوب = ان ضقت جيته وان تضايق دعاني
يحسّ بي لا صرت ضايق ومتعــــوب = واحسّ به لا صاح وينك حنـــــاني