الخطابه ام علي ترحب بكم

والطريقة الوحيدة اللي تخليها ترجع إنكم ترسلون لها ، وتترجونها فلعلها ترجع

طيب مشرفي إذا ارسلنا لها رسايل خاصه بترجع











بس غريبه وشلون بتقراها وهي راحت ماعاد براجعه ولامره لقيتها متصله بعد ذيك الايام إلا إذا احد بيقراء طلبنا لها ..........

[الطائر المهاجر]

اي واحد يرسل له رسالة ، يقوم سرفر المنتدى اوتوماتيكيا بارسال تبليغ له عبر البريد الذي سجل له
ليشعره بوجود رسالة له وهذا متبع في جميع المواقع

اها كذا يعني معك حق ..
بس هي ليش راحت مااحد ازعجها ولاقالها شيء بالعكس جاتها طلبات تحمد ربها
وكيف توفق بين منتدانا وبين المنتديات الثانيه ....وشولون لقيتها لنا..


مشرفي تبي الصراحه كل موضوع الخطابه ام علي مب داخل راسي مب انا بالحالي ..احس مكشوف خخخخخخخخخ

[الطائر المهاجر]

خلاص مدام هذا انطباعك ، خلوها في حالها ماهي محتاجة لكم ..
يمكن لأنك ما تعودتي تشوفين خطابات في المنتديات ولا تعرفين إن لهن
منتديات للتزويج ..

هـــــــــــــــــــــــــــــ ـــلا ام علي

بصراحة انا مو متزوجة وبنت وعمري 20 سنة والحمداللة اني حلوة وقمر
واذا عندك واحد حلو وجميل والمواصفات الي ابيها اكون اول وحدة تخطبين لي
ههههههههههههههههههههههههه
اكلم جد ترى

السلام عليكم ورحمه الله

اعذروني والله اني مشغوله هالأيام بين هالمنتديات والطلبات وانتم الله يصلحكم
ترسلون رسايل بس ما تعلموني بمواصفات اللي طالبينه ومواصفاتكم انتم بعد لزوم اعرفها
والبيانات كامله ترى ذا زواج مو لعبه
الظاهر انكم ماخذيني لعبه ولا وش سالفتكم

خلوكم جدين وترى كل شي سري اذا بغيتوا لا تخافون مهي ام علي الله تفضخ بخلق الله

واللي ارسلو لي ولا رديت عليهم سامحوني بس ياتقولون المواصفات كل الطرفين الراغب والمرغوب ولا سامحوني اذا ما رديت

المنتديات كثيره واللي يريدون العرس وش كثرهم اللي يبي يلعب لا يرسل جزاكم الله خير

الدلع ارسلي المواصفات اللي انتي تبينها وارسلي مواصفات اكثر عنك طول ؟ وزن؟ بيضاء سمراء ؟ وابشري بسعدك ان شاء الله

والخياله اللي تبين اخطب له قولي مواصفاته هو وقولي شروطه

واللي ما رديت عليه لا يزعل علي يرسل ويكون خير ان شاء الله

السلام عليكم

لا صدقنا ام علي الله يستر عليك على اني شاكه في وضعك بس تبين الصراحه ماله داعي اللي يبي يتزوج يتزوج بعيد عن طريق النت لأن حنا مجتمع سعودي مانعرف ذي الحركات ومب من عاداتنا

.................

يالله حي ام علي

خواتي البنات بكيفهم يرسلون لك على الخاص بطلباتهم


اما انا با قول طلباتي هنا .. وعاد انا باطلب نانسي حتى اخبي


ابيها ياطويله العمر بيضاء (مهوب مرره مثل النجفه اخف شوي وفيها حمار خفيف بفتح الحاء وليس بكسره)

وابيها طويله الى حد معقول ..... عشان اذا لبست كعب ابو 50 سم ما تصير اطول مني

وابيها (تشرط ياعم دام الدعوى احلام خخخخخخ ) ناعمه مثل التفاحه وصلبه مثل الصندل (مهوب اللي يلبس هذا اسم خشب العود )

واريدها (ترا اريدها غير ابيها يا ام علي ركزي) متدينه باعتدال ... وفيها صرقعه على خفيف ..تخبرين الدنيا يبي لها شريكة حياة تنسم بالواحد احيان

وابيها ماتشتغل ولا تدرس بس طبعا تقرا وتكتب وعندها ثقافة خصوصا في الازياء والطبخ وتربية الزوج ..قصدي الاطفال


وابيها جميله ... يعني اذا قامت الصبح سبحت الخالق .. واذا صار صدري ضايق كحلت عويناتي ساعة زمن وراح الضيق

وقد قيل في الجميلات : ليست المرأة الجميلة التي تأخذ ببصرك جملة على بعد ، فاذا دنت منك لم تكن كذلك ، بل الجميلة التي كلما كررت بصرك فيها زاد حسنها



وابيها (ياكثر ماتبي ياراغب ) املود عيطاء معطار..شنباء الثغر (هالاوصاف شوفي ترجمتها في لسان العرب )

وابيها تخاف الله فيني حتى اخاف الله فيها .. والا تراني باهبل فيها اليين تخاف الله فيني

واتمناها بنت ناس ومتربيه وعندها ليسانس (بس لا يصير ليسانس حقوق وتسلقني بلسانها )


بس خلصت

اذا ماعندك يا اخيتي علميني حتى ادور لي على فيزة .. لاني بصراحه اخاف يطير عقلي من هالقنوات الي ماتخاف الله في الضعوف


ولا تبطين .. ترا الصيف على الابواب اخاف تروح قريشاتي في الزمالك وانا اصلا اشجع الاهلي


دمت بخير

[صعبة المنال]

ههههههههههههههههههههه

اما عليك وصف يا استاذ ثامر
ولا فى الخيال
بس اكيد ام على ما تقصر
من تشرط تورط
الله يعينك


هههههههه
تحياتى صعبة

[فهدة الهياثم]

والله إنك ذكرتني ياخوي ثامر بإخوي الكبير كان يتشرط بشروط تعجيزيه مو بعيده منك وكان مقلق أمي وكل ما رحنا مكان (أمي وإنّا أخواته ) تلقاه ينط ويسأل : هاه عسى لقيتوا لي وحدة مزيونه........؟؟ وخذ من هالكلام....... وإللي أغرب من ذا كله كان يشترط شرط عجيب غريب وهو: أبي أقل شهاده عندها ماجستير ... إللي يسمعه يقول : بيدخل فيها مسابقة ثقافيه...... الحمد لله ياربي .... ولا قعدنا ست شهور وإنا كل ما شفنا وحدة زينه من ربعنا فزة أمي تسأل عنها (يا حياتي هبلها تبي تفرح بعرس أكبر عيالها......) وبعد هالمشاوير كلها تزوج وبعد موووت والحين مستقر ولله الحمد مع وحدة فيها نص الشروط إللي طلبها مو كلها (يحلم) وزين إنه لقاها بعد.... ونصيحتي لك لاتعشم إنك تاخذ وحده فيها كل الشروط إللي طلبتها وحط ببالك إنك إذا لقيت بنت الحلال تيسر ولا تعسر (لأنك ما راح تلقا إللي شروطها وافيه إلا في الجنه إن شاء الله لذلك إحسن العمل وأنا إختك .....)