كشكول منيع

[منيع]

تدري ليش ظلك مايفارقك ابد=صار مغرم فيك مثلي بعد
حتى ظلي اناترى فيني لبد=من عرف اني لي مع جنابك وعد

[منيع]

تدري عشقت الاه ثم قول ويلاه=وكل البلاوي والسبايب غلاتـك
حيثي الي شفتك احـس المعانـاه=وروح ارددهــا وكـلــه حـلاتــك

[منيع]

هذابلشـت برفقـتـه وذاك ناسـيـة=ماادري من اللي في حياتي ابدي
هـم الرفيـق اللـي بلتنـي طواريـة=والاالرفيـق اللـي تركـتـه يـعـدي

[منيع]

لمت الهبيل ولايم الخبل غلطـان=ترى جنون الناس من فعل اهلها
مافيه مخلوق من الناس فرحـان=كذبـنـي بواحدسـلـم مــن جهلـهـا

مع الاعتذار للشاعر اللي يقول

لمت الزمان ولايم الوقت غلطان=حـوادث الدنيـا مــن فـعـل اهلـهـا

[منيع]

ياعيدماجيـت مبسـرات وافــراح=مابك سوى ياعيد تجديد الاحزان
ياعيـدزودت المواجـع والاتــراح=ولوقلتهاللغـيـر مـبـروك طفـشـان

[منيع]

دمي فصيلة نادرة ماتعرفيه=الطب لوحلله شاف العجايب
فيه القساوالطيب وفيه المشاريه=ماساربالشريان بي دم خايب

[منيع]

يخطر على بالي ومشيه بسكات=شيٍ من الماضي عجزت اتلافاه
صبري على قدي والايام عجلات=منه الذي مثلي همومه تحداه

[الأموره]

تدري عشقت الاه ثم قول ويلاه =وكل البلاوي والسبايب غلاتك

اعتمدته نك نيمي ،، بعد اذنك طبعا

لي عوده لاختيار نك نيمات اخرى ،،

شاكره لك و مقدره ،،

دمت برعاية الخالق،،

[منيع]

حياك الله اختي الكريمة الامورة
تشرفت وسعدت كثيرا بتواصلك
تحياتي

[مروان الشيخ]

مرور للمتعه