![]() |
رقم المشاركة : 61 | ||
|
إلى طرالي ، لو هو بأضغاث الأحلام = من عز نومي ، أنتهض له و أفوعي .ويقفي وهو يرفع لي إصباع الإبهام = وعيني تراعي له ،، وكبدي تموعي .
لا تعذبّني ترى حالي خطير = في الهوى والحب تعذيبي حرام .قلبي المغـرم مثل سـلك الحرير = يقطعه أدنى سبب لوهو كلام .
كيف عهد ٍ مضى ، ما بيننا بالهيام = ضاع من هامش الذكرى وفكره نساه .بعد ما كان ، حب ٍ معتلي ، للغمام = إنكسر به جناح الشوق وتاه بسماه .
مثل طير بكف طفل ٍ شايف أنواع العذاب = ذايق ٍ الموت حسره والطفل لاهي ويلعب .لا الطفل له عقل يدرك إن في تركه ثواب = ولاجناح الطير مبسوط ٍ يرفرف به ويهرب .
إنتخيت وفزع لي من حشام الطنايا = قالوا أبشر بعزك لوهي روس ٍ تطيح .قلت والله فلا لي ثار، ولالي قضايا = كل مابي غزال ٍ من صوابه جريح .
أقفا وقلبي منشطر ، منه نصفين = أتلف سراجيفي ، بجور انشطاره .مصهور من نار الغلا بين ضلعين = ذوّب عظامي من شديد انصهاره .
لا ثار بركان ،، إبتسامة سنونك = يرمي حمم شهد العسل نظم ريّك .أسترخي بنشوة ، لماطر مزونك = وأستوحي إلهامي ، برشّات ميّك .
وأفزّ مع طاريه ،، وأقوم وأطيح = ولاجيت أبا أشرب شفت له طيف بالكأس .ومن هاب في مرقاه عالي المطاميح = يقضي حياته تحت الأقدام منداس .
ضمي كفيّ يالحبيبة في يمينك صافحيني = أنقذي بضّمة حنانك ، روح بتفارق بدن .نبض قلبك هزّ جسمي من تشابكنا اليديني = وجدد لذكرى الحنين وصحبة أيام ٍخلن .
طرقت كل أبواب درب الهوى طرق = شايل صواب ،، طعوني الخافياتي .ماشفت أنا في موجعات الولع فرق =ى من مات ،، قالوا له قتيل البناتي .
وعلمّني أترك راعي القيل والقال = وأرفع بنفسي عن دروب الرذيلة .وعلمّني إن الصبر من ضرب الأمثال = لا صار مع جاهل، ونفسه ثقيلة .
الا يابري حالي يوم مرّت ماشيه برفوق = تهزّع مثل غصن ٍ في ذرى الفيّه بمشرابه .تعدت وإنتلت قلبي من أقصى الجوف والمعلوق = بنتل ٍ مثل نتل الضاري لصيده بمخلابه .
وآآآهني الذي عمره ، تمنّى ، ونال = مرة ٍ، في حياته ، أدرك اللي نوى .لضامرات البطون ومترفات الدلال = با لتغنّج ، دلعهن ، عالي ، المستوى .
أنا كل ما طلبت الله ، يردك ، زدت في بعادك = رح الله لايردك يمكن إنه ماستجاب دعاي .بذلت رخيص ٍ وغالي سعيت أبحث عن إسعادك = تعبت وما تكلّل في نجاحه ، بحثي ومسعاي . . يتبع
|
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 10 ( الأعضاء 0 والزوار 10) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
كشكول جلال إبراهيم الصبيح | جلال ابراهيم الصبيح | مملكتي الخاصة | 98 | 13-03-2011 10:58 PM |
كشكول عبدالله الشويمان-الرعد | عبدالله الشويمان | مملكتي الخاصة | 31 | 09-09-2009 12:23 AM |
كشكول تاج العز | تاج العز | مملكتي الخاصة | 16 | 21-05-2009 10:04 PM |
كشكول عهود | عهود | مملكتي الخاصة | 130 | 27-03-2006 06:32 AM |