حرب المحاوره بين شعراء الفطاحلة

[سناعيس]

اي باب وأي ردم وكلمتي مكتوبه = واضحه من دون لف وعاصفٍ مبرومي
كان قطيت الحصا في بركةٍ مشطوبه= مادريت الشطب فيها ولا دريت لغومي

قصدي ان الفاطر اللي كم لها محلوبه=ضرعها من كثر عصره يابس ومدمومي
ومن كثر ما الله هداها صايره محبوبه=وكل من جاء حلبها والشطر مقطومي

[سناعيس]

ويش اسوي ويش اسوي زاد حرّي شوبه
ودي بحرب المحـاور ينتعـش ويقومـي
يوم شفت الماي راكدقلت احذف الطوبـه
والسلاح ان ما لقينوا بندق(ن)والشومـي

أنت وافي وأشهد انك زدتها بعذوبه=وفلت العنقا معاها شعرها الملمومي
وغطرفت كل بنت وصوفها رعبوبه=وصار فيها حياه وانتشى المحرومي

[ابو أنس]

المشاركة الأصلية كتبت بواسطة الطائر المهاجر

فعلها الماضي مضارع بامرها مسحوبه = وش بقى لسحبان وائل او ابن مكتومي
هات علم ولا توهق فالعرب منكوبه = تستحل القاف مثل اسرائيل والعربان بالنومي

ما استعرت اللفظ لاوالله ولاني كوبه=عارف(ن)قصدي وسهمي مايبي المكلومي
كان في جسمك جروح وحالتك معطوبه=المشافي عندها طب وعلاج جرومي

[ابو زياد]

ويش علم الشيخ والا ويش هو عذروبه= صد مدري وش علامةرصه الجاثومي

[ابو أنس]

المشاركة الأصلية كتبت بواسطة سناعيس

أنت وافي وأشهد انك زدتها بعذوبه=وفلت العنقا معاها شعرها الملمومي
وغطرفت كل بنت وصوفها رعبوبه=وصار فيها حياه وانتشى المحرومي

ياسليمان ارحب ارحب جيتك مرغوبه=والمعلم واق واقفى خوفتي مهمومي
شيلوا الحمله مدام ان الجمل بطبوبه=خوفتي انه ناخ وازرى ينتهض ويقومي

[ابو أنس]

المشاركة الأصلية كتبت بواسطة ابو زياد

ويش علم الشيخ والا ويش هو عذروبه= صد مدري وش علامةرصه الجاثومي

انت شفت الشيخ يوم يغني المسحوبه=ثار ثمن نار ياالله طيّب المقسومي

[الطائر المهاجر]

شيخ ويغني ترى ذي يالملا مسحوبه = ما خبرنا الشيخ يفتي وبالغناء موهومي
غير شيخٍ في الفطاحل مادرى بذنوبه = اعجبه صوته وجره يطرب القيطومي

[ابو أنس]

المشاركة الأصلية كتبت بواسطة الطائر المهاجر

شيخ ويغني ترى ذي يالملا مسحوبه = ما خبرنا الشيخ يفتي وبالغناء موهومي
غير شيخٍ في الفطاحل مادرى بذنوبه = اعجبه صوته وجره يطرب القيطومي

ما رفعت الصوت ما جبت اللحن لهلوبه=وانت ياشيخ السنين اليوم قمت تعومي
ياعميد(ن) في الفطاحل طيب ولك حوبه=ليت تعطي الخبز للخباز حبلك يومي

[الطائر المهاجر]

لاتسمع لي فانا اغني لروحي المكئوبه = وش عليه وويش كاري بالغناء ملزومي
العجين اللي عجنته داريٍ بعيوبه = لا خبزته دون غيري ارقع المثلومي

[سناعيس]

الثقه بالنفس حلوه يالمهاجر لاتقول التوبه=كل صوت وله صداه ولا احد معصومي
فيه منهو حب الأطرش وفيه من لايقرب صوبه=وفيه منهو يحسب اصاله نفسها نعومي