أكتب بيتا شعريا في الحال

[ترانيم المطر]

تعال سامرني بلطف العباره = تعال سمعني جزيل اللحوني

[شجون القصيد]

تعـال مليت التعـــب والخساره ..... تعال بملى من عيونك عيوني

شوفك ربيع الروح واثمن تجاره .... وبعدك يوديني لدرب المنوني

[سناعيس]

السيل لادرهم وفوقه مخيله=به ناس تفرح وناس يخافون

[ترانيم المطر]

تعال شوف القلب مضلم نهاره = كل العرب في غيبتك هاجموّنِي
عجزت أحدد في طريقي مساره = وعلى طريق الشر غصبن حدوّنِي

[شجون القصيد]

تعال خلك ريف قلبــي وداره .... لاتبتعد عنــي تزيد الطعونـــي

صدك حرق قلبي وزود بناره ... وشلون دمعي ياحياتي يهوني

[سناعيس]

ديمية سوداء بها برق ورعود=لامن طنت ماظن تعجز عن الضدّ
تشبه تسونامي على كل مقرود=تمطر ويجرف سيلها من تنضدّ
لين العرب تصبح على سهود ومهود=واللي بدا بالظلم يمشي معضدّ

[ترانيم المطر]

تعال ماعادت بقلبي جساره = كل البشر في غيبتك يعذلوني
تعال شوف الهم كنه سواره =بعدك على همي يزيد الشجوني

[زهرة اللوتس]

صحت السنتكم
مبدعين
لاهنتم
تحية طيبة

[شجون القصيد]

لــو طال بعــده مــاتغيّر قراره ....... اللي على عهدٍ مضى مايخوني

القلب مايهنا سوا في جواره ..... ولا اطيع بــه عذال لو ناصحوني

[ترانيم المطر]

ولضّلم علي الليل وأرخا ستاره = حاسبت نفسي قبل لا يحاسبوني
وعالجت جرحي ما نويت إشتهاره = أضحك وهمي جامعن كل لوني