أكتب بيتا شعريا في الحال

[نجم الإبداع]

عزوة ابوها صابها الليله جنون = تقول ماهي راضيه بالتسويه
شوفوا لها دكتور نفسي من يكون= يمكن يحلل حالة مستعصيه

[ابو أنس]

الهموم اليا تمادت وحكمت=شيدت بالقلب بنيان وصروح
وكلما تفرح بالانوار اعسمت=ترقب القمرا بالافاق بوضوح
لكن بقلبك فنارات اظلمت=مايروح الهم وتزيد الجروح

المشاركة الأصلية كتبت بواسطة فلاح بن منشار

عزوة ابوها صابها الليله جنون = تقول ماهي راضيه بالتسويه
شوفوا لها دكتور نفسي من يكون= يمكن يحلل حالة مستعصيه

الله يسامح من نعتني بالجنون = الحين شفني مروّقه متقهويه
مابي لي دكتورٍ ولاهم يحزنون = لني بخير وحالتي ميه ميه

^________________^

واذكر الله قبل لاأطيح مغشي علي خخخخخخ

[نجم الإبداع]

المشاركة الأصلية كتبت بواسطة عزوة ابوها

الله يسامح من نعتني بالجنون = الحين شفني مروّقه متقهويه
مابي لي دكتورٍ ولاهم يحزنون = لني بخير وحالتي ميه ميه

^________________^

واذكر الله قبل لاأطيح مغشي علي خخخخخخ

اسف على التعبير مثلك مايهون= بنت الكرام وذيك فاتت تسليه
محشوم قدرك غاليه مابك ضنون= متعليه فوق النجوم الساريه

يـا نجــم يالـلي تقول الناس من حدري
يـا صفقة الطيب .. عند البايع الشاري

يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري

عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري

[ابو أنس]

ماني ضعيّف ولاني في الأصل هافي=اعرف حقوقي وادورها واتابعها
ان قلت وافي فانا في الحق ابد وافي=احب راعي الكرم والهفوه ابلعها

[شوق]

الصبح ودّع .. والمسـاء يحضن الشمــس

....... والأرض تنـزل والسماء .. ترتـفع فــــوق


عيـني على بكره وقلبي .. مع الأمـس

....... فيني تـنــاقض مـا لقيـته .. بمخلــوق

اغربي ياشمس حزني لو دقايق
مل صبري منـك ياهـذا الحـزن
ماخذيت القلب في صك ووثايق
ليت مالك بآرضي الجردا وطـن
يازمان الكذب وش باقي حقايق
لاتمشيني علـي صـوت ولحـن

[نسناس الهوى]

يارقيق الحس والقلب الكبير = ويا عظيم العشق والحب الوفيّ
لو يصير الحب له والي وزير = اشهد ان الحكم بأيدينك يجيّ

غلطتي واحتملها يوم اعامل بطيبي
واحسب الناس مثلي واضحين النوايا..!!