خلاص روح ولا تـزيد المواجع

[عبدالله الشويمان]

المشاركة الأصلية كتبت بواسطة داعي الشوق

خلاص روح ولا تـزيد المواجع = ما دام حبل الود حان انقطاعه
لا تنتظر مني سلام الموادع = ما لي على شوف الوداع استطاعه
برضى بمقسومي و اهل المدامع = ومركب غرام الوصل بطوي شراعه
و ودع افراحي بنبرات خاضع = عن حكمة الاقدار يقصر ذراعه
يوم الحزن في قلب بالحب نابع = شيّــد عواميده و زاد ارتفاعه
و استوقد بنار الغرابيل شارع = و لا عاد للمجروح عنده مناعه
كثرة غرابيله و صابه زوابع = و مع دورة الايام زايد صراعه
يا حسرة اللي كان بالحب طامع = ما نال مقصوده ولو كان ساعه
اول بسوق الحب شاري و بايع = و اليوم صار الهم باقي متاعه
في زحمة اللوعات بيعيش ضايع = و يلوم من سبب لحاله ضياعه
لو المدى في ناظر البعض واسع = يضيق به عقب الفراق اتساعه

صح السانك ملايين يا ابو سعد..

نص وافي وجزل مبنى ومعنى وقافيه..

لله درك يا اخي

دمت بخير ودام نبضك.

ولا هنت

[محمد السواط]

لو المدى في ناظر البعض واسع
يضيق بـــه عقب الفراق اتساعه



داعي الشوق
صح السانك قصيدة تستحق التميز لرووعة معانيها
استمتعت بها من أول حرف إلى آخر حرف خط فيها
تقبل مروري وتسجيل اعجابي ببوحك الراقي
محمد السواط

[الطامي]

داعي
صح السانك
رائعة لاهنت

[بنت النور]

يعطيك العافيه
صح لسانك وفكرك
قصيده طيبه وجزلـه
ابدعت فيهـا

[سمّار]

سطوعٌ لا تخفيه الغيوم
وتألق يبقى في الذاكرة مرسوم
ابدعت وامتعت ياداعي
لاهنت على هذه الرائعه
صح لسانك وكلك
ودي وتقديري