أكتب بيتا شعريا في الحال

[حمود السكراني]

خذني على اليمنى على متن الأمواج=ليا اختلط موج البحر مع عجاجه
ليا اصبح الموضوع مافيه مخراج= وتبدلت هرج الرواقة لجاجة
لوكان طلبك بحضن لباسة التاج=ماهمني زوله وجنده وتاجه

[شجون القصيد]

قدرك رفعته فوق ياكامل الذوق = وسجلت له عندي عهود ومواثيق
ليتك تهدّي خاطرك بس وتروق = وتدري بأنك غير كل المخاليق

[هرم مره]

عطني شعور إني على الكون موجود = حسسني بحبك بقيمة وجودي
هيئ لي الفرصة قبل يذبل العود = صحراء العطش حاصر ضماها نفودي

[ترانيم المطر]

انت الوحيد اللي تمناك قلبي = يا ويل قلبي كان طوّل غيابك

[حمود السكراني]

يامالكٍ قلبي وعقلي وروحي= وينك عليك القلب تضرب طبولة
ماهو العشم بك يالغزال المزوحي=تقول ولاتأفي بقولٍ تقوله

[ترانيم المطر]

يامن يوصلني طريقا هويته = تاهت خطايه كيف أباصل طريقه

[حمود السكراني]

خلك على نهجٍ نهجته ويكفيه=انه عرف ان المشاعر تنادي
والله يالولا قولة الناس وش فيه=لاقف على باب المحبة منادي

[ترانيم المطر]

اكتبك بأجمل عباره يا بعد كل من لي = وأكتب حروفك على مد النظر بالقصيد

[حمود السكراني]

أرسمك لوحة كلها احساس وشعور=جل الذي بأجمل طبايع محليك

[ترانيم المطر]

البسمه اللي ترتسم في شفاتي = دفتها في جوف ذيك السحابه