مساجلة الفطاحلة

[ناصر عبيد الهواوي]

طبعا اخترت الاسهل من البيتين
وعره مسالكهم ولكن مشينا=لجل الغلا وعر المالك قطعناه

[الطائر المهاجر]

آهٍ على وقتٍ به البوم يشترى= والحر ماله في زمانه مكانه

[سناعيس]

هو من يجرب لوعة الحب يرتاح؟=بالله قل لي لا تسوي مثالي !

[ناصر عبيد الهواوي]

وين قوانين المساجلة ياسناعيس

يحبه القلب لكن ما يحب القلب يرتاح=ويرتاح قلبه الى زود على قلبي همومه

[داعي الشوق]

يوحي و يدري عن ضروفي و الاحوال = مير البلا يا ناس ماهو رحومي

[سناعيس]

وين قوانين المساجلة ياسناعيس

وش نسوي بها الشيبان ياناصر

بس انا ما اخطأت اخذت حرفين والباقي متكرر

يملي علي شروط وانا مسيكين=امشي بجنب الحيط ياويش اسوي

[داعي الشوق]

ناي الهوى بالقلب يعزف بالالحان = و انا لي اسبوعين جالس لحالي

[صنداح الزلامى]

الله الله

يالفطاحلة عباقرة وشعراء


سجل حضوري وسلمتم ودمتم ميزين

[ناصر عبيد الهواوي]

وين الربوع اللي على القلب غالين=بالله قل لي وينهم يا سناعيس
ووين الخفوق اللي خطف داعج العين=ياسعود من فقده حصل لي تواعيس
ووين الزلامي ماذكر نزلهم وين=صنداح يلذع لذع خلف الكواليس
ولنا لقاء لا زل للعيد يومين=تبدا الوسوم ويبردن النسانيس

[سناعيس]

المشاركة الأصلية كتبت بواسطة ناصر عبيد الهواوي

وين الربوع اللي على القلب غالين=بالله قل لي وينهم يا سناعيس
ووين الخفوق اللي خطف داعج العين=ياسعود من فقده حصل لي تواعيس
ووين الزلامي ماذكر نزلهم وين=صنداح يلذع لذع خلف الكواليس
ولنا لقاء لا زل للعيد يومين=تبدا الوسوم ويبردن النسانيس

صح لسانك يالهواوي
أباخذ حروف البيت الأخير

تونّس وخذ لك مع الناس بيتين=من قبل لاتغشاك بعض الوساويس
ياناصر بن عبيد وابن السلاطين=وضد الضديد الى ركب راسه بليس
كل الفطاحل مايجي منهم الشين=شعّارهم غطو على زياد وفطيس
ياشوق بنت(ن) تعتلي قمة الزين=زين من الله ما لجت للمطاريس