كشكـول . عبدالله الثـويني

[عبدالله راشد الثويني]

[ العقل .. نعمه ] من إلآه السماوات = به يدرك العاقـل .. رفيقه وخصمه
ماينجرف خلف الحكي .. والتفاهات = ماكل من زاد الحكي .. طآب علمـه
الخير له طلاب .. وإبليس ما مات = والنور له برّاق .. والليل .. عتمه
واللي تساوت عنده الإتجاهات ..؟ = عز الله إن العقل ويـاه [ نقمــه ]

[نفحات حساسة]

صح السانك والله

ولاهنت..وسلمت على هالأبيات الدرر

كشكول رائع عن حق

لى عوده ان أذنت لى..

[حوريه]

الله يثبت العـقل والدين
صح قلبك يا عبدالله ملاييين
أبيات روووووعه
ننتظر مزيد من الأبداااع
....

[عبدالله راشد الثويني]

نفحات حساسه
حوريــه
كل الشكر على مروركم العطر لا عدمنا هالطلـّـه
تحيتي للجميـع

[عبدالله راشد الثويني]

مادمت قادر .. تقضي العمـر .. دونـي = فارق عيون [ السمح ] .. مادمـت قـااادر
ياما بوقت(ن) فات خابت ضنوني = منت الوحيـد اللي غدا ، اليوم ناكـر
لحظة فراقك ماتحرّك .. سكوني = ماني بفرقا من نسى الوُد .. خاسـر
لا زدت بي همـّـي ولا ضاق كوني = دايم وانا في سود الايـام .. صابر
مصيري أمحي [ صورتك ] من عيوني =[ إن مانسيت اليوم ../. بنسـاك باكـر ]

[عبدالله راشد الثويني]

مافيـه داعي تجرح الروُح .. [ وتـروح ] = مافيـه داعي .. [ وإنت ] . عارف غلاتك

[عبدالله راشد الثويني]

تنام الليل وتضمْ .. المخده !! = وانا اللي دمعته من فوق خده
نسيت الوُد ، مدري كيف تقسى=وانا ارقب جسر وُدي لك وامـده

[نفحات حساسة]

الله الله

صح السانك يالسمح..

ولاهنت.. والله يبعد عنا الفراق

ويعطيك الف عافيه..

وسلمت..

[عبدالله راشد الثويني]

المشاركة الأصلية كتبت بواسطة نفحات حساسة

الله الله

صح السانك يالسمح..

ولاهنت.. والله يبعد عنا الفراق

ويعطيك الف عافيه..

وسلمت..

صح بدنك يالغلا ولا هنتي على مرورك العذب
تقبـّـلي تحيتي

[عبدالله راشد الثويني]

كلـّـن شغل راسـه بكثر التفاكيـر = وشلون يقضي [ بالأجازه ] .. فراغه
أحد(ن) نواها بالسفر والمشاوير =وأحد(ن) مريـّـح .. في مكانه .. دماغه
وانا مع [ الصيفي ] لهمت .. العقاقيـر = مابين كتب الترجمـه .. والبلاغه