كشكول الغريب

[الغريب]

المشاركة الأصلية كتبت بواسطة شموخ سدير

غرييييييييييييييييييييييييب

الى الامام والله اسلوب قصصي رائع

تحياتي

ياحيا الله شموخ الفطاحلة

حضورك اسعدني

تحياتي وتمنياتي لك بالتوفيق والنجاح

[الغريب]

المشاركة الأصلية كتبت بواسطة صعبة المنال

متابعه يا متكتك ؟؟؟؟؟؟



صعبة قاعدة لك

مشرفتنا بحضورك ياصعبة

اقعدي وش ورنا احنا متكين للصبح

[الغريب]

قلت: أرسل رسالة وجس النبض ولا تدري اكتب قصيده شعرية وأرسلها لها قوله أبي اخذ رأيك في الأبيات ممكن أو الموضوع اللي تبي تطرحه

قال: هي ماهي شاعرة ولأكاتبه هي مشرفة القسم الإسلامي

قلت: يعني مطوعه ، بسيطة أرسل له حديث واسألها هو ضعيف ولا صحيح ومن الراوي و وش المناسبة

أو اسألها عن مسألة فقهية

قال: مثل شنو

قلت: شف أنت مالك إلا انك تسألها وتقولها إذا إلام خافت على جنينها من الجوع في رمضان تفطر ولا تصوم

وهل الرضاعة تفطر ولا ؟

قال: وربي منت بصاحي يا الغريب هو وقت رمضان ها الحين

قلت : له اسمع هما الصحابة كانو يستعدون لرمضان من ستة شهور اعتبر نفسك إنسان مقتدي با لصحابة بعد الرسول وتبي تستعد لرمضان

قال: طيب إنا وش لي وشل الرضاعة

قلت: له يخوي هذا مجرد سؤال عشان تجس النبض وإذا وافقت قولها انك رجل مطلق وأبي استفسر ، عندي بزر رضيع!

قال: لا والله خوش سؤال عز الله جسيت النبض وش عرف البنت بسوالف الأمهات وبعدين وش لون اسألها سؤال عن الامهات و اقولها انا مطلق وش الرابط في السؤال

بسيطه اذا كشفتك قولها ابي ارضعه صناعي

وش عرف البنت ، أنت وش لون عرفت أنها بنت وش يدريك احتمال تكون متزوجة

قال: متزوجة !!!!

قلت: إيه ولا على بالك كل البنات اللي قدامك قصر يبه فيه المطلقة وفيه الأرملة وفيه المعلقة وفيه المخطوبة والخالعة

خالعه!!!!!

قلت إيه خالعه

قال : يا بن الحلال وش لنا وش الخالعات





يتبع

[صعبة المنال]

يمه منك يا غريب طلعت مو بهين
ولا مفصفص الامور ومحللها بعد ....؟؟

اخ من الرداله وعمايلها الرجال على نياته والاخ يعلم فيه ؟؟؟ دع الخلق يكتشوا بنفسهم طيب يا ابو ثنيان

بروح اجيب عصير واجى

كمل ترى بدى اعرف النهاية قبل الخميس اتفقنا

[الغريب]

مستحيل قبل الخميس تراها طويلة وفيها اشياء ما تتخيليها

[الغريب]

قلت له يا مسلم هما الدين يسمح للمرأة إن تخلع زوجها ، المطلق وش يقاله رجل مطلق أو امرأة مطلقه واللي زوجها يموت يقالها أرمله صح طيب واللي تخلع زوجها يقالها خالعه لأنها أهي اللي خلعت الرجل

يعني المفروض انك ما طلقة مرتك المفروض انك طلبت منها عمارة قدام الحرام في مكة او شقة في القاهرة مقابل انها تفدي نفسها وهذا الشي أجازه الإسلام ليش ما تستغله ، شفت الفرق

قال صحيح

قلت خلاص هذي تعتبر خالعه والزوج مخلوع

يعني ممكن أنت تحب ها البنت وتتزوجها وتذبل سبدها وتجيب لها قرحه في الشبكية ما تدري إلا وهي خالعتك وممسكتك الباب

قال: افا

قلت: افا ولا جبها كل شي وارد أنت قوي قلبك وأرسل وماعليك

وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه

وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف

ما اقول الا الله يستر لا خبرتك تودينا في داهية

و تقابلنا بعد أسبوع

ها بشر

قال أرسلت الرسالة

وحسيت بحجم الاهات اللى في صدره!

حلو بشرني وش قالت و وين وصلتو أكيد استلطفتك البنية

صدقتني اي شي بتخطيط وتكتيك نتايجه مذهلة ماني قايلك

بس مبين من عيونك انك أعطيتها أيميلك وبصراحة حاس انك خشيت في العميق

كل شي مبين في عيونك بالذات اليسار

قال أبي أسألك سؤال

ممكن اعرف في منتداكم وش لقبك؟!!!!

[الغريب]

مكتوب تحت اسمي مستشار مجلس الادارة
طيب منهو مدير منتداكم

ليه وش تبي فيه

ابي اعرف

رجال يقاله الدكتور عثمان العبدالله الطائر المهاجر

قال ظلمك يوم حطك مستشار مجلس الادارة

انت وجهك وجه مستشار ، انت تعرف وش معني كلمة مجلس ادارة عشان تتكلم عن الاستشارة

لعن ابو دارك صارلي معهم فترة وكانت صورتي احسن صورة في المنتدى بس من عرفتك عرفة النكبات

طيب ممكن تهدي من روعك وتعلمني وش صار

وتقول روعك ،،، انت تعرف وش معني روعك انت وها المفردات اللى مدري من وين تجيبها


قلت طيب انت سألتها ولا لا


قال سألتها

حلو بشر وش قالت

قالت أنت تتميلح أنت و وجهك وأبشرك اشتكتني عند مدير الموقع

طيب وش صار

وش صار إنا أقولك وش صار!

إنا من عرفتك ، عرفت المصايب والنكبات يا وجه النكبة

قال ايش قال إنا خبرة وأنت إنسان محظوظ انك تمشي على منهجي

لعن أبو دارك هذا منهج بذمتك هذي خبره هذا تميز!


هذي مشكلتكم يا الناشئين تستعجلون النتايج وتبون كل شي في يوم وليلة

لعن إبليسك تقدر تنكر إني نقلتك نقلة حضارية

عشتو قال نقله حضارية

الأقل وهقتني توهيقه حضارية

طيب ها الحين وش صار بالضبط

اللى صار انهم




يتبع

[صعبة المنال]

هههههههههههههههههههههه الله الله يا غريب الاعتراف فى الحق فضيلة انت قلت مو انا (وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه)

لا الاخ صاحب خبرة وباع وذراع آآآآآآآآآآآآآه يا زمن

وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف
لا ما اخاف عليك تعرف من وين ياكل ههههههههههههه



لعن إبليسك تقدر تنكر إني نقلتك نقلة حضارية .....عشتو قال نقله حضارية

....الأقل وهقتني توهيقه حضارية احلى شى
لك احلى نقلة حضارية خراب بيوت يقال له
ورطته مسكين هههههههههههههههه

ها وبعدين هههههههههههههه مستمتعه انا معاك

[عذبة الطباع]

ياالله فاتتني كم حلقه وماعلقت
بس انت ياغريب
شي ثاااااااااني
اسلوبك ماشاء الله
ادخل المنتدى ومتوجهه لرتوووووووووش
هههههههههههههههههههههه
كمل يامستشار
متابعينك والله منت سهل
ههههههههههههههههه

[الغريب]

المشاركة الأصلية كتبت بواسطة صعبة المنال

هههههههههههههههههههههه الله الله يا غريب الاعتراف فى الحق فضيلة انت قلت مو انا (وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه)

لا الاخ صاحب خبرة وباع وذراع آآآآآآآآآآآآآه يا زمن

وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف
لا ما اخاف عليك تعرف من وين ياكل ههههههههههههه



لعن إبليسك تقدر تنكر إني نقلتك نقلة حضارية .....عشتو قال نقله حضارية

....الأقل وهقتني توهيقه حضارية احلى شى
لك احلى نقلة حضارية خراب بيوت يقال له
ورطته مسكين هههههههههههههههه

ها وبعدين هههههههههههههه مستمتعه انا معاك

صديق عمري ولازم اوقف معه والمخ لازم ينعصر ويشتغل

وبعدين يعني هو بس انتو يا الحريم اللى تخططو على الشباب ، احنا كمان نخطط