قصائد كوميديه للطائر المهاجر

[ابو زياد]

صح لسانك يابوعبدالله

[الطائر المهاجر]

شيب راسي تحدّر وارتكز بشنبي = كل ما اقطع وحيده جا بدلها بديل
قالوا اصبغ ولكن بالصبغ مذنبي = مثل قطعه فخله لين يصبح طويل
ثم حفّه بخفة يدّ يترتبي = ولحيتك لايجيها غير طيبٍ اصيل
قلت توي وريعٍ داله بملعبي= لكن الشيب جاني بالغزاره جزيل
توي ابدا التقاعد فيه احبي حبي= وما مضى ما اشوفه غير عمرٍ قليل
معه شفت الوناسه داله كالصبي= لا طريقٍ غثيث ولا دوامٍ مليل
راتبي قانعٍ به والزياده ما ابي= كافي اللي مضى لي من تعب هد حيل
من بويتي إلى المسجد علاج ركبي= ادي الفرض وارجع دون قالٍ وقيل
وانتبز للفطاحل فاتح مجببي = من لفاني لقى المجلس ولا به بخيل
مجلسٍ للرجال وكاعبٍ راعبي= وكل واحد اصيل ولا بهم من دخيل
ولا تسلل خشاش للخنا يجلبي = ينتهي مثل فار بالشرك له عويل
ينضرب بالفليت ونفتح المهربي= ما نبي يوم يذكر في الفطاحل قتيل
ولو مددنا الحبال لماكر الثعلبي = نغسله كود يصحى كان ينفع غسيل
او على الهام يكوى كية مطببي= يحرّم انه يجينا لو سرى وسط ليل
فالفطاحل فطاحل من جهل يحسبي= رمز معنى الرجوله مالهم من مثيل

ابو عبدالله


كفووووووووووووووو كفوووووووو وانا اشهد

واحد من زار هذا المجلس العامر بالكرم والجود

وتوك شباب واقولها من جد والله شكلك اللي يشوفك يعطيك

ابو 35 الله يمدك بالصحه وبالعافيه على طاعة الله

ولاهنت

صح لسانك

وعلى شانك

اسمع اسمع تراك انته بعمر الصبي=عقل شايب ووجهك مثل شمس الاصيل


تقديري واحترامي

[منيع]

ولا تسلل خشـاش للخنـا يجلبـي=ينتهي مثل فار بالشرك لـه عويـل
ينضرب بالفليت ونفتـح المهربـي=ما نبي يوم يذكر في الفطاحل قتيـل
ولو مددنا الحبـال لماكـر الثعلبـي=نغسله كود يصحى كان ينفع غسيـل
او على الهام يكـوى كيـة مطببـي=حرم انه يجينا لو سرى وسط ليـل
فالفطاحل فطاحل من جهل يحسبـي=رمز معنى الرجوله مالهم من مثيـل

------
ابوعبدالله
هنا بيت القصيد
تحياتي وتقديري

[عبدالله الشويمان]

صح السانك يا ابو عبدالله

والله يعطيك طولة العمر على الطاعه

قصيده جميله وهادفه..لا هنت يا الغالي

[نجم الإبداع]

صح لسانك يابو عبدالله

كفوووووووووو

تمنياتي لك بالصحه وطولة العمر

لاهنت


تحياتي وصادق الود

ابوعبدالله
اطالع الله في عمرك سيدي
وصح لسانك على الابيات
تحياااااتي لك
سمو الذاااااااات

[فهد الغنام]

ما قصرت يابو عبدالله كفيت وفيت ...\


القصيدة هذه لازم تثبت مع شروط التسجيل يابو عبدالله ..


الله لايهينك ... صح لسانك

[شوق]

مشرفنا العام

الله يمد بعمرك على زيادة أعمال صالحه

ويجعل حياتك عامره بالطاعات

ويختم لنا ولك بالخاتمه الحسنه

صح السانك وسلم بنانك وماعاش من هانك

بس أبو عبدالله الله يهديك بناتك الفطحولات ماذكرتهن ولا حتى ببيت واحد

يرفع معنوياتهن شوي <<<< مجرد ملاحظه بسيطه

تقديري

شوق

[الطائر المهاجر]

وشلون يا شوق ما ذكرتكم

مجلسٍ للرجـال وكاعـبٍ راعبـي=وكل واحد اصيل ولا بهم من دخيـل