فيه اجتماع طارئ للشعار والشاعرات

[عبدالله الشويمان]

اخواني الشعراء والشاعرات..
اقترح ان تستمر المشاركات بدون انقطاع..لعلنا نستفيد من بعضنا..بالخبرات..
وتكون هذه المشاركات تعالج القضايا الاجتماعيه.وعن تراثنا الاجتماعي كالحكم والامثال..
مع الابتعاد عن الغزل والحب والغرام.

سلام يا الشعار ونبغا السوالف=ومن روسكم هاتوا حسينات الاقوال
ون جيتوا بنكته ترى ما يخالف=ون جا مثل حياكم الله بالامثال

[سناعيس]

ياهلابك أخوي عبدالله
فكرتك رائعه وهذه مشاركتي مبدئيا بإنتظار البقيه
تحياتي لك

أهلا هلابك يالرفيق الموالف=اعداد مايوجد على الأرض جوال
فكرتك ممتازه تنمي التألف=بين الفطاحل كلهم نون ورجال

[عبدالله الشويمان]

يسلم سليمان السكيبي وحالف=انه على درب الهدف ماشيٍ عال
ومن يقصد العليا نبذ للتوالف=يقدم على شيٍ مفيدٍ للجيال

[نجم الإبداع]

سلام ياهل العرف هاتو الطرائف= احيوا بنا مامات من طيب الآمال
هات الحكم يازين هذا التألف = نفخر بكم ياصحابنا دونما جدال

[عبدالله الشويمان]

منتب فلاح وبعض الاطراف تالف=عالج طرفك وتطلع إلروس الجبال
افطن طريقك ماشيٍ به مخالف=ترى القسايم تسحب كثار الاموال

[منيع]

يقودني يم الفطاحل تحالف=بناه بيطار المعاني ولامال
عبدالله اللي له بالامثال سالف=حييت ياوجهه الندى طيب الفال

[عبدالله الشويمان]

لا تحسبوني بالعبارات صالف=فلاح بصدر البيت قافه تقل مال
وهو أعرفه ينظم الشعر كالف=جواد وله كبوه ومرت بالامثال

[نجم الإبداع]

تمون ياعبدالله هات السوالف= والمتن لو يختلّ عدله بالحال
لو قلت لي غلطان ماني بحالف= حكيمنا ماهوب صدام الانفال

[منيع]

وين المهاجر عننا اليوم ذالف=ان مارضى بالطيب جبناه بحبال
تراك عندي بالعجل تنتوالف=وبنيت لك في داخل القلب مدهال

[الطائر المهاجر]

طير مهاجر في المعالي يوالف = احرار طير ما تدنت للاوحال
رادار شغالٍ على من يخالف = يطلق شهابه راصد كل من مال