الشــــاعــــــــر مـــنــيـــع ،، خـــذ فــنــجـــــــــال

[داعي الشوق]

يا منيع صلينا وفود وجماعات = نرجي من الله رحمة نبتغيها
نبا المطر يسقي ديار عذيات = عسى المطر يا منيع دايم يجيها

[منيع]

ياسعودمثلك ندعي الله سحابات=يسقي وبلهاوكل قفرٍيحييها
ومن بعدهاتعشب ديارمحيلات=هذي سياحتناوهوى النفس فيها

[ابومياس]

اللهم آمين

اللهم انزل علينا بركات السماء

واغثنا بغيث النافع

اخواني سعود الحافي ومنيع

صح الله لسان كل واحد فيكم

والله يغيث العباد والبلاد

متابعين

[الأموره]

صح لسانك ملايين ،،

نرقب الزود من يمناكم ،،

[داعي الشوق]

ندعي إله الناس رب السموات =اللي خلق بالكون نور يضيها
يرسل سحاب الوسم ويهل زخات = والارض بكثار الحياء يكتسيها

[منيع]

متى نشوف القاع وذيك المساحات=تدرج بهاالورقاوكل يبيها
وسعودمع جيبه يجوب المسافات=ورى البختري والنفل وكميها

[منيع]

الاخ الكريم ابومياس
سعداء بوجودك ودعواتك الطيبه
----------------
الاخت الكريمه الاموره
حياك الله
تشرفنا بحضورك
رعاك الله
تحياتي

[داعي الشوق]

يا منيع دار الوقت والوقت حزات = والناس مع دور الفلك شب فيها
قطع الرحم والسب والحش مرات = عسى الولي يستر من اللي يليها

[منيع]

لايارفيق الحرف في الناس عادات=مامات فيهاالخيرواسئل نبيها
والاالردي من عصرفرعون مامات=يلقى بعد مثله شقيٍ سفيها

[داعي الشوق]

صوت المؤذن نسمعه خمس مرات = والله أكبر بالسماء يعتليها
ولا رحت تلقى بالمساجد قليلات = نعرف بعضنا بالعدد يكتفيها