ما يمرض الحر غير الوقت بامراره

[الطائر المهاجر]

ما يمرض الحر غير الوقت بامراره= واللي يشوفه من اوضاع يمربها
يعمل باخلاص في ليله وبنهاره= جد وامانه ولا فكّر يجنبها
يروح عمره على يسره واعساره= مايوم خطط لنفسه في مكاسبها
ولاجاه وقت التقاعد جال بانظاره= وشاف الربع فوق في اعلا مراتبها
كلٍ معه ثروته يازن بقنطاره = وهو على شونته تقصر مطالبها
ضيّع سنينه وابداعه وافكاره= على الوظيفه باخلاصه يواكبها
مااحدٍ نشد عنه او يدري عن اخباره= ينشد عن اللي مع الثروه مصاحبها
ما ينسئل كيف جاب كنوز دولاره= حرام ولاّ حلالٍ من متاعبها
وقت تجاهل حرار الطير باوكاره= يذكر فقط من تعلى من ثعالبها
يجبره يعطي النصيحه لكل من شاره= يفكر بنفسه قبل وقته يغالبها
وقتٍ بياخذ ولا يعطي بمشواره= يخسر فلا هو مقدر وش عواقبها

[منيع]

اجدت وابدعت
شكرا لك
تحياتي لكم

[داعي الشوق]

ما دام قصر الوفا سويته عماره
... اجرك على الله و يجزاك بمناصبها

وفيّت في واجبك يا ريس اداره
... ولياك بـاتلا العمر تبغى تخربها


وصح لسانك و طاب حالك و فكرك

ولاهنت

------

[ساهر الليل]

الله عليك ياعووووود

تنفس عميق بنظرات ثاقبه

اشهد انك قلت فابدعت

وهكذا الدنيا يا صاحبي

نسال الله العفو والعافيه

تحياتي لك

[حرف وشعر]

جميل هذا الوصف صح الله السانك دكتورنا

[الطامي]

دكتور
صح السانك
بدعت واجدت
الله يعين الجميع
شكرا لك

[هترل]

ههههه

راحت علاك يالشايب .. حال الدوونيا لو دامت لك! ما راحت لغيرك
صح لسانك ودام هتانك رائع كعادتك لاهنت
ودي

[حي الضمير]

صح لسانك ابوعبدالله
ابدعت وعوايدك ياعلم

[يوسف الصبحات]

صح لسانك أستاذي
وصف راقي ورائع
دمت بخير مع الود

[نجم الإبداع]

صح لسانك يادكتور

تقديري