بـركـــان الـمـشـــاعـر

[محمد بن عمار]

السلام عليكم /
جديدنا الليلة ، مع تواصل الأجواء اللندنية
والتي بكل تأكيد أثارت الحفيظة ، وشجّعت
على تناول القلم والورقة . بكل الود أطرح
بين أيديكم هذه المشاركة ....

بـركـــان الـمـشـــاعـر

ثار بركان المشاعرعقب ما شفت الحنان = والحمم تلهب بصدري وإنصهر منها الشعور
وأصهلت خيل القصايد والنظم للقاف زان = وإبتدت في ساحة المعنى رحى فكري تدور
قلت ، ياريم الفلا ، في مدحك إن جاد البيان = فالمحاسن مع خصالك ، ما تكفيّها السطور
فيك ميزات ٍ تنافس ، لابسات الطيلسان = والتواضع بك تمثـّل ، في غيابك ، والحضور
وفيك شارات لملاك ٍ ساكنة بأعلى الجنان = والكِبـِرحاشاك عن دربه وعن مشي السفور
نظرتك معنى الرضا لو مانطقتي باللسان = وبسمتك ، نبضة حياة ، اللي فقد طعم السرور
لو وطيتي بالرجل على الطريق بأي مكان = تنبت آثار القدم ، من وطيتك ، ورد ، وزهور
أوتكرّمتي وكفك ، صافحت ، كف الزمان = إنقطع ، طوق الليالي ، وإنتثر، عقد الشهور
وإنحنت لك ، هامة العـزة ، بكل الإمتنان = وأشرقت شمسك ، وأظلم عقب نورك كل نور
أنتي للعمر الأمل ، لو ما وصل برّ الأمان = وأنتي له طوق النجاة إذا غرق وسط البحور
حالي ومالي ، وقلبي ، رهن إشارة بالبنان = مرخص ٍ الروح ، لأجل رضاك ، يابدر البدور
ارحمي حال ٍ تعرّض ، في غيابك ، للهوان = ورقيّ ، لقلب الجريح اللي على بُعدك صبور
ماحد ٍ غيرك بها لـدنيا ، لها الخفــّاق ، لان = دربي ودربك سوا، إلى إنقطع جسر العبور
اللطافة ، في سماء طبعـك ، تحلـّق بإتزان = وتنثر ، مزون المحبة ، نوّهـا ، رشـّة عطور
والحباري لو ترى حسنك ، تعدّن ، العنان = وقرنس الطير اللي ريشه بادي ٍ بأول ظهور

ودي وتقديري
محمد بن عمار

[منيع]

ياسلام
مبدع ورائع
ودي وتقديري

[حوريه]

ارويتنا شعر وامتعتنا معنى ومغنى
صح بوحك وفكر
ولاهنت ولاهان مغليك
ودي وتقديري

[منصور العبدالله]

محمد بن عمار

ابداع متجدد

صح لسانك ولا فض فووك

[داعي الشوق]

محمد بن عمار

ابداع متجدد و شاعر حساس

صح لسانك ولا فض فووك

ولاهنت يا جريح

[روح الشعر]

محمد بن عمار

صح لسانك واعتلى شانك.

جزله من جزل

لا هنت

[الطامي]

اللطافـة ، فـي سمـاء طبعـك ، تحـلّـق بـإتـزان
وتنثر ، مزون المحبـة ، نوّهـا ، رشّـة عطـور
والحبـاري لـو تـرى حسنـك ، تعـدّن ، العـنـان
وقرنس الطير اللي ريشه بـادي ٍ بـأول ظهـور
،،،،،،،،،،،،،،،،،،،،،،
بن عمار
ياسلام عليك وعى نظمك المميز
صح السانك ملايين
رائعة جدا
لاهنت اخي

[الطائر المهاجر]

ثـار بركـان المشاعرعقـب مـا شـفـت الحـنـان
والحمم تلهب بصدري وإنصهر منهـا الشعـور
وأصهلـت خيـل القصايـد والنـظـم للـقـاف زان
وإبتدت في ساحـة المعنـى رحـى فكـري تـدور


صح لسانك ياقيس
مبدع بكل حالاتك
تحياتي

[الآكيد]

خلك في لندن وزدنا منها ومن نبض وجدانك

[الراقي]

صح فكرك

صح بيانك

ودام حرفك ..

و صح لسانك