والله اني مسالم لين اشوف الخطى ؟؟؟؟

[الطامي]

واحسافه بعض الاشناب تزهاها لحى = العرب مادرو انها لحية بوجه هيس
الاوادم بعضها لابغى مَستحى = يفعل اللي يريده والمرده فليس
يقنص ادني القرابه من تحت بالخفى = لو تشتت قراباته يطلع هبيس
ماترفع من الادنى عيان وغبى = وايام الله سوا عنده ربوع وخميس
نحمد الله كشفناالسر وهو يهبى = من حبكها كلاها مثل زمة غليس
والله اني مسالم لين اشوف الخطى = وان تبين الدِه في مكانه يخيس
غيرانااللي قهرني قولته وش تبى = يوم جاني يتبرى من سواة التعيس
انتهت ذي وجات اللي سواة الطمى = كادت تثورلو مالله جعلنا نقيس
ثم تتالت وجات اللي عليها انكوى = يبغي يفوز فيها مادرى انه بليس
ناره اللي وقدها ثم فيها اشتوى = من حفر حفرة لاخيه جاها حبيس
يحسبن الولي غافل عن ما جرى = خبزه اللي خبز به ياكله لومريس
اللهم لاشماته عالمٍ ماحوى = ويالله انك تكافينا شرور الخسيس

[الفاخري]

شكرا لإمتاعنا بإبداعك
لاهنت
تحياتي

[عبدالله الدخيل]

الله الله

حكمه ونظره ما تظهر إلا من حكيم ومجرب

صح لسانك يا منصور وبارك الله فيك

قصيده جزله من جزل

واقبل

ودي واحترامي

[صعبة المنال]

الله المستعان

جزلة يا الطامى

صح لسانك

[الطائر المهاجر]

يحسبن الولي غافل عن اللي جـرى
خبزه اللي خبز به ياكله لومريـس
بيض الله وجهك
وصح لسانك الف
ولا هنت
تحياتي

[عبير الورد]

الله الله


صح لساااااااانك ملايين

سلمت وسلم منطوقك الجزل

ربي يعطيك العافية

[الطامي]

الفاخري
صح بدنك
وشكرا لمرورك
لاهنت

[الطامي]

الدخيل
صح بدنك
وشكرا لمرورك وتعليقك
لاهنت اخي

[الطامي]

صعبه
صح بدنكي
وشكرا لمروركي
لاهنتي

[الطامي]

الطائر
صح بدنك
وشكرا لمرورك وتعليقك
لاهنت اخي